कामना सेवा विकास बैंकको सहयोगमा उद्यमशीलता विकास कार्यक्रम «

कामना सेवा विकास बैंकको सहयोगमा उद्यमशीलता विकास कार्यक्रम

कामना सेवा विकास बैंकद्वारा अन्तरप्रेरणाको सहकार्यमा उद्यमशीलता विकास र प्रवद्र्धनका लागि लागि उद्यमशीलता विकास कार्यक्रमको सुरुवात गरेको छ ।
२ दमाघेखि ६ माघसम्म जुममार्फत अनलाइनमा सञ्चालन हुने कार्यक्रममा २५ जना विभिन्न क्षेत्रका उद्यमी वा उद्यमी बन्न इच्छुकले भाग लिएको बताइएको छ । कार्यक्रममा सहभागीहरुले उद्यम सञ्चालनको प्रकृयासँगै आधारभूत कानुनी तथा कर सम्बन्धी जानकारी प्राप्त गर्नेछन् ।
सहभागीहरुले समस्याको पहिचान तथा समाधानको तरिका, सामाजिक सञ्जालमार्फत आफ्नो व्यवसाय प्रवद्र्धन, लेखा सम्बन्धी ज्ञान, आवश्यक योजना तथा बजेट व्यवस्थापन जस्ता व्यवसाय सञ्चालनका आधारभूत कुराहरुको समेत व्यवहारिक ज्ञान र सीप प्राप्त गर्न सक्नेछन् ।
कामना सेवा विकास बैंकले आफ्नो संस्थागत सामाजिक उत्तरदायित्व अन्तर्गत यो कार्यक्रम सञ्चालन गरेको जनाएको छ । यो कार्यक्रममार्फत व्यवसायको लागि सम्भावित क्षेत्रहरुको पहिचान गरी आफ्नो लागि कुन व्यवसाय उपयुक्त हुन्छ भन्ने थाहा पाउने र व्यवसय सञ्चालनमा मात्र सिमित नभएर उद्यमीको व्यक्तित्व, नेतृत्व र विविध सीप विकाससँग समेत जोडिएको बताइएको छ ।
यसरी व्यवसाय सञ्चालनका लागि आवश्यक सैद्धान्तिक तथा व्यवहारिक ज्ञानका साथै कर्जा तथा लगानीका लागि समेत सहयोग गरिने भएकाले यो कार्यक्रमले नयाँ उद्यमीलाई सफल र सक्षम बनाउन सहयोग पु-याउने विस्वास लिएको बैंकले जनाएको छ ।
यो कार्यक्रमले उद्यमका लागि अवधारणा निर्माण गर्ने, त्यसलाई लगानी योग्य बनाउने तथा सानाभन्दा साना सीप र रोजगारी गरी जीवन निर्वाह गरिरहेकालाई पनि उद्यमी बनाउन एक नयाँ सुरुवात हुने बताइएको छ ।

प्रतिक्रिया दिनुहोस्