इसेवा मनी ट्रान्सफर र राष्ट्रिय वाणिज्य बैंकबीच सम्झौता

इसेवा मनी ट्रान्सफर र राष्ट्रिय वाणिज्य बैंकबीच रेमिट्यान्स भुक्तानीका लागि सम्झौता भएको छ ।
सम्झौतापत्रमा इसेवाका प्रमुख कार्यकारी प्रमुख कार्यकारी अधिकृत अजेश कोइराला र बैंकका नायब प्रमुख कार्यकारी अधिकृत कविराज अधिकारीले हस्ताक्षर गरेका छन् ।
यस सम्झौताअन्तर्गत अब विदेशबाट इसेवा मनी ट्रान्सफरमार्फत पठाएको नगद रेमिट्यान्स्, राष्ट्रिय वाणिज्य बैंकका मुलुकभर रहेका २५६ वटा शाखा, ९८ वटा शाखारहित बैंकिङ केन्द्र तथा ३४ वटा एक्स्टेन्सन काउन्टरबाट सजिलै भुक्तानी लिन सकिनेछ ।
साथै राष्ट्रिय वाणिज्य बैंकबाट पठाएको आन्तरिक रेमिट्यान्स् पनि नेपालभरी रहेका इसेवा मनी ट्रान्सफरका १० हजार बढी एजेन्टबाट सहजै प्राप्त गर्न सकिने जनाइएको छ ।