नेपाल–भारत जेएससी बैठक आज «

नेपाल–भारत जेएससी बैठक आज

नेपाल र भारतबीच भएको ऊर्जा व्यापार सम्झौता (पीटीए) गठित सचिवस्तरीय संयुक्त कार्यकारिणी समिति (जेएससी) को छैटौ बैठक बिहीबार पोखरामा हुँदैछ । बुधबार सह–सचिवस्तरीय संयुक्त कार्यसमूह (जेडब्लूजी) बैठक सकिएपछि सचिवस्तरीय बैठक बस्न लागेको हो । सचिवस्तरीय बैठकको नेतृत्वको नेपालको तर्फबाट ऊर्जा, जलस्रोत तथा सिँचाइ मन्त्रालयका सचिव दिनेश घिमिरे तथा भारतको तर्फबाट विद्युत्् मन्त्रालयका सचिव अजयकुमार भल्लाले गर्दैछन् । बुधधार भएको सह–सचिवस्तरीय बैठकमा न्यू बुटवल–गोरखपूर दोस्रो अन्तरदेशीय प्रसारण लाइनको ढाँचा र इनर्जी बैकिङसहित १४ एजेण्डामा छलफल भएको थियो । विभिन्न एजेण्डामा बैठकमा छलफल भएको र बिहीबार बस्ने सह–सचिवस्तरीय बैठकले विभन्नि एजेण्डाबारे छलफल गरेर टुंगो लगाउने सह–सचिवस्तरीय बैठकको नेतृत्व गरेका अर्यालले जानकारी दिए ।
बैठकमा न्यू बुटवल–गोरखपुर अन्तरदेशीय प्रसारणलाइन निर्माणको ढाँचा, दुई देशबीचको इनर्जी बैकिङका साथै प्रस्तावित ४०० केभीका तेस्रो न्यू लम्की–बरेली तथा न्यू दुहबी–न्यू पुर्णिया अन्तरदेशीय प्रसारण लाइनको अध्ययनका साथै भारतीय कम्पनीद्वारा निर्माण गरिरहेका नौ सय मेगावाटका अरुण तेस्रो र माथिल्लो कर्णाली लगायतका अन्य जलविद्युत् आयोजनाहरूबारे पनि छलफल भएको थियो । १३२ केभीको कटैया–कुसाहा र रक्सौल–पर्वानीपूर दोस्रो सर्किट निर्माण, दुई देशबीच खुल्ला प्रतिष्पर्धाबाट विद्युत् खरिद प्रकृया, भारत सरकारले ल्याएको अन्तरदेशीय विद्युत् व्यापारको निर्देशिकाको समीक्षा र प्रगतिबारे समेत छलफल भएको थियो ।
न्यू बुटवल–गोरखपूर अन्तरदेशीय प्रसारण लाइनबाट विद्युत् आदानप्रदानको क्रममा ७ बर्ष नेपालले एकल बुकिङ गर्ने तथा त्यसपछि संयुक्त रुपमा बुकिङ गर्ने गरी अघि बढ्ने विषयमा छलफल भएको थियो भने भारतर्फको प्रसारण लाइन निर्माणमा दुवै देशले ५०÷५० प्रतिशत लगानी गर्ने गरी छलफल भएको थियो । यसबारे भने सचिवस्तरीय बैठकले निर्णय गर्ने अर्यालले जानकारी दिए ।

प्रतिक्रिया दिनुहोस्