Logo

गरिमाको १५ प्रतिशत बोनस पारित

शुक्रबार पोखरामा सम्पन्न गरिमा विकास बैंकको ११ औं वार्षिक साधारणसभाले शेयरधनीहरूलाई १५ प्रतिशत बोनश सेयर वितरण गर्ने प्रस्ताव पारित गरेको छ । बैंकका अध्यक्ष चन्द्रकान्त बरालको अध्यक्षतामा सम्पन्न सभामा सर्वसाधारण शेयरधनी समूहका तर्फबाट सञ्चालक समितिमा रिक्त रहेको २ जना सञ्चालकमा डा.भूपेन्द्र बहादुर खड्का क्षेत्री र संजीव ढकाल निर्विरोध निर्वाचित भएका छन् । साधारणसभाले मर्जर तथा एक्विजिसन सम्बन्धी सम्पूर्ण कार्य गर्नका लागि सञ्चालक समितिलाई अख्तियारी समेत प्रदान गरेको बताइएको छ । २ अर्ब २० करोड ४२ लाख ४३ हजार चुक्ता पुंजी रहेको विकास बैंकको १५ प्रतिशत बोनस सेयर वितरण पश्चात् चुक्ता पुँजी २ अर्ब ५३ करोड ४८ लाख ८० हजार पुगेको छ । २०७४ पौष १३ गते सम्म कायम विकास बैंकका सेयरधनीले मात्र साधारणसभाबाट पारित बोनस सेयर प्राप्त गर्ने बैकका प्रमुख कार्यकारी अधिकृत गोविन्द प्रसाद ढकालले बताए ।

 

प्रतिक्रिया दिनुहोस्