Logo

दुई दिनमै ७९ लाख डलर कमाउने पुस्तक

अमेरिकी राष्ट्रपति डोनाल्ड ट्रम्पका विषयमा लेखिएको पुस्तकका लेखकले ‘फायर एन्ड फरी’ को पहिलो दुई दिनको बिक्रीबाट ७९ लाख अमेरिकी डलरको कमाइ गरेका छन् । माइकल उल्फले लेखेको सो पुस्तकको ३ लाख ८० हजार हार्ड कभर, ई–बुक र अडियो कपीको बिक्रीबाट सो कमाइ गरेका हुन् । पुस्तकमा उनले अमेरिकी राष्ट्रपति कार्यालय ह्वाइट हाउसमा पहिलो वर्षको बसाइका बारेमा लेखेका छन् । ट्रम्पले पहिलो वर्षमा कसरी जंगली शोषण गरेका छन्, त्यसको विस्तार पुस्तकमा गरिएको छ । तर, यसबारे पुस्तकका लेखक उल्फले न त पुस्तकका प्रकाशक हेनरी होल्ट एन्ड कम्पनीले यसबारे केही खुलाएका छैनन् । ब्लुमबर्गको विश्लेषणअनुसार उल्फले यो पुस्तकका लागि पेस्कीस्वरूप ५ लाख अमेरिकी डलर पाएका थिए र पुस्तकमा सूचीकरण गरिएको मूल्यको १५ प्रतिशत विशेष रोयल्टी पाउने गरी सम्झौता गरेका थिए ।
यो पुस्तकको हार्ड कभर प्रतिपुस्तकको बिक्री दर ३० अमेरिकी डलर छ भने ई–बुकको मूल्य १५ अमेरिकी डलर र अडियो बुकको २८ अमेरिकी डलर छ ।
समाचारमा जनाइएअनुसार यो पुस्तकको हार्ड कभरको बिक्री २९ हजार थान, ई–कपीको बिक्री २ लाख ५० हजार थान र अडियो बुक १ लाख थान बिक्री भएको छ ।
‘फायर एन्ड फरी: इनसाइड द ट्रम्प ह्वाइट हाउस’ नामक पुस्तकमा ट्रम्पलाई आफ्नो पदीय हैसियत नबुझेको नेताका रूपमा प्रस्तुत गरिएको छ । राष्ट्रपति र ह्वाइटहाउसका सहयोगीले यसको कटु आलोचना गरेका छन्, तर यो पुस्तकको बिक्री तीव्र रूपमा भइरहेको छ । यो पुस्तकको बिक्रीको गति हेर्दा अझ धेरै बिक्री हुने अनुमान गरिएको छ । यो पुस्तक जनवरी ९ मा सार्वजनिक गरिएको थियो ।

 

प्रतिक्रिया दिनुहोस्