खाल्सा एड इन्टरनेश्नलको सहयोग «

खाल्सा एड इन्टरनेश्नलको सहयोग

खाल्सा एड इन्टरनेश्नलले भक्तपुरस्थित् भक्तपुर अस्पताललाई पाँच थान अक्सिजन कन्सन्ट्रेटर प्रदान गरेको छ । खाल्सा एड इन्टरनेश्नल र ‘कन्ट्रिव्युसन फर नेपाल’ का प्रतिनिधिहरुले अस्पताललाई उक्त स्वास्थ्य सामग्री प्रदान गरेका हुन् ।


बेलायतमा रहेको खाल्सा एड इन्टरनेश्नलले नेपाललाई कोभिड राहतअन्तर्गत एक सय ५० थान अक्सिजन कन्सन्ट्रेटर सहयोग गरेको हो । सोहीअनुसार भक्तपुर अस्पताललाई पाँच थान कन्सन्ट्रेटर प्रदान गरिएको ‘कन्ट्रिव्युसन फर नेपाल’ का अध्यक्ष अशोक धमलाले जानकारी दिए । धमलाले आवश्यक परेमा देशैभरिका विभिन्न अस्पतालहरुलाई स्वास्थ्य–सामग्रीहरु उपलब्ध गराउन सकिने विश्वास दिलाए । उनले आवश्यक परेकाहरुलाई आफूहरुलाई सम्पर्क गर्नपनि भनेका छन् ।


अध्यक्ष धमलाले खाल्सा एड इन्टरनेश्नलको तर्फबाट कोभिड महामारीको बेलामा अत्यावश्यक रहेको अक्सिजन कन्सन्ट्रेटर सहयोग गर्न पाउँदा खुशी व्यक्त गरे । उनले भने, “खाल्साले विशेषगरी डिजास्टर रिलिफसम्बन्धी काम गर्दै आएको छ ।”


खाल्सा एडका नेपाल प्रतिनिधि देवेन्द्र सिंह र ‘कन्ट्रिव्युसन फर नेपाल’ का सचिव रामप्रसाद बञ्जाराले पनि कोरोना महामारीको बेलामा अक्सिजनको सहयोग पाउनु खुशीको कुरा भएको प्रतिक्रिया दिए । उनीहरुले प्राप्त अक्सिजन कन्सन्ट्रेटरले अक्सिजन अभावलाई थोरै भएपनि परिपूर्ति गर्न सहयोग पुगेको धारणा राखेका छन् ।

प्रतिक्रिया दिनुहोस्