घरमै बसेर लिए बीस जनाले पान नम्बर «

घरमै बसेर लिए बीस जनाले पान नम्बर

आन्तरिक राजस्व कार्यालयबाट बन्दाबन्दीको समयमा बीस जनाले घरमा बसेर पान नम्बर लिएका छन् । निषेधाज्ञाका कारण हिँड्डुल गर्न नपाएका, व्यापार व्यवसायका लागि अति आवश्यक परेका व्यक्तिले घरमा बसेर इन्टरनेटमार्फत पान नम्बर लिएका हुन् ।
कार्यालयको वेबसाइट खोलेर आवेदन दिन सकिन्छ । आवेदकले ट्याक्स पे पोटलमा गएर आफ्ना आवश्यक कागजात अपलोड गरी पठाएपछि कार्यालयका अधिकृतले जाँचेर प्रमाणित भए पान नं उपलब्ध हुने सो कार्यालयले जनाएको छ ।
बनेको पान नम्बर पुनः सम्बन्धित व्यक्तिको म्यासेन्जर वा इमेलमा पठाई सहयोग गरिएको कार्यालय प्रमुख नारायणप्रसाद ढकालले जानकारी दिए । तत्काललाई नम्बर मात्रै चाहिने कार्यका लागि यसरी काम गरिएको छ । प्रमाणपत्र चाहिएमा कार्यालय खुलेको समयमा आएर लैजान सकिने व्यवस्था मिलाइएको छ ।
कोरोनाबाट सुरक्षित हुन जिल्ला प्रशासन कार्यालयले गते वैशाख २२ गते रातिदेखि निषेधाज्ञा जारी गरेपछि जिल्लाका सबै व्यवसाय ठप्प छन् ।

प्रतिक्रिया दिनुहोस्