यती एअरलाइन्सको बोर्डिङ पास लिने यात्रुलाई सहुलियत

यती एअरलाइन्सले आफ्ना यात्रुलाई बोर्डिङ पासमार्फत् थप सहुलियत दिने भएको छ । यती एअरलाइन्सको वायुयानमा यात्रा गर्ने यात्रुलाई ग्यापुसँगको सहकार्यमा यो सुविधा उपलब्ध गराउने एअरलाइन्सका प्रवक्ता एवम् हवाई सुरक्षा प्रमुख सुदर्शन बर्तौलाले जानकारी दिए । जुनसुकै मूल्यको टिकट खरीद गरी यती एअरलाइन्समार्फत् यात्रा गर्ने प्रत्येक यात्रुले ५ सय रुपैयाँ बराबरको छुट सुविधा प्राप्त गर्ने कम्पनीले जनाएको छ ।
एअरलाइन्समा यात्रा गरिसकेपछि ग्यापु अनलाइनमार्फत् सामान खरिद गर्दा २ सय रुपैयाँको सपिङ भौचर र एक्सेलट्रिपको रिर्जभेसनमा ३ सय रुपैयाँको ट्राभल भौचर गरी जम्मा ५ सय रुपैयाँ सहुलियत दिने भएको हो । साथै यो सहुलियत लिएर समान खरिद गर्नेहरुमध्ये प्रत्येक दिन एक जनाले ग्यापुको तर्फबाट थप उपहार समेत प्राप्त गर्ने बताइएको छ । उक्त सम्झौतासँगै चैत १९ देखि लागू हुने एअरलाइन्सले जनाएको छ ।