Logo

गैरकानुनी रुपमा लेखा परीक्षण गर्नेलाई कारवाही गर्न माग


गैरलेखा व्यवसायीहरुले कार्यालय नै खोलेर गैरकानुनी रुपमा लेखा परीक्षणको काम गरेको भन्दै त्यस्ता व्यक्तिलाई कारवाही गर्न लेखा परीक्षकहरुले माग गरेका छन् । नेपाल अडिटर्स एशोसिएसन उपत्यका प्रदेश कमिटीको परिषद्बाट घोषणापत्र जारी गर्दै लेखापरीक्षणको गरिमा र मर्यादा कायम राख्न गैरकानुनी काम रोक्न माग गरेका हुन् ।
काठमाडौंमा उपत्यकामा गैरव्यवसायीहरुले पनि कार्यालय खोलेर नै लेखा परीक्षणको काम लिने गरेका छन् । यसलाई लेखा व्यवसायीका नियामक निकाय नेपाल चार्डर्ड एकाउन्टेन्ट संस्था (आइक्यान) ले नियमन गर्न सकेको छैन । यसैगरी लेखा व्यवसायीहरुले पनि आचारसंहित विपरित गैरव्यवसायीले गरेको लेखा परीक्षण रिपोर्ट प्रमाणित गर्ने गरेका छन् ।
घोषणापत्रमा उनीहरुले दर्तावाल लेखा परीक्षकहरुले क्षमता भएका लेखा परीक्षकहरुको वर्ग उन्तति गर्न माग गरेका छन् । दर्तावाला लेखा परीक्षकका रुपमा लामो समय काम गरेपनि अनुभव र दक्षताको कदर नभएको नभएको उनीहरुको गुनासो थियो । यसैगरी चाटर्ड एकाउन्टटेन्ट ऐन–२०५३ ले दर्तावाल लेखापरिक्षकलाई विभेद नगर्न, शेयर ब्रोकरको लेखा परीक्षण सिएबाट मात्र गराउने धितोपत्र बोर्डको व्यवस्था खारेजी गर्न समेत आवाज उठाएका छन् ।
कार्यक्रममा बोल्दै आइक्यानका अक्ष्यक्ष मदनकृष्ण शर्माले लेखा परीक्षणलाई व्यवस्थित बनाउन आइक्यान सक्रिय रहेको दावी गरे । लेखाव्यवसायीलाई व्यवस्थित गर्नका लागि उनीहरुको आचारसंहित र लेखा परीक्षण शुल्कको पनि पुनरावलोकन गर्न लागिएको जानकारी दिए ।
अडानका संस्थापक अध्यक्ष कमल खरेलले लेखा परीक्षकप्रति सरकार र सर्वसाधारण जनताको ठूलो विश्वास रहेको भन्दै त्यसलाई कायम राख्न आग्रह गरे ।

प्रतिक्रिया दिनुहोस्