निर्वाचन आयोगले आफूहरूको पक्षमा फैसला गर्ने : प्रचण्ड र माधवकुमार नेपाल «

निर्वाचन आयोगले आफूहरूको पक्षमा फैसला गर्ने : प्रचण्ड र माधवकुमार नेपाल

नेपाल कम्युनिष्ट पार्टी(नेकपा) पुष्पकमल दाहाल–माधवकुमार नेपाल पक्षका अध्यक्ष पुष्पकमल दाहालले केही दिन भित्रै निर्वाचन आयोगले आफूहरूको पक्षमा निर्णय गर्ने बताए ।
सोमबार पेशागत महासंघ नेपाल र नेपाल राष्ट्रिय कर्मचारी महासङ्घको एकता घोषणा सभामा बोल्दै अध्यक्ष दाहालले केही दिनभित्रै पार्टीको आधिकारिकता आफूहरूले पाउने दाबी गरे । प्रधानमन्त्री केपी शर्मा ओलीले निर्वाचन आयोगमा गरेको सेटिङ भत्किने टिप्पणी गर्दै उहाँले केही दिनभित्रै आधिकारिक पार्टी बहुमतवाला पार्टी नै भएको र सूर्य चिन्ह र नाम बहुमतवाला पार्टीकै हो भनि फैसला गर्ने उनले बताए । उनले भने, ‘अर्को सेटिङ पनि भत्किँदैछ, निर्वाचन आयोगवाला सेटिङ । हेर्नुहोला, मैले त्यत्तिकै भनेको होइन मैले बुझेर भन्दैछु केही समय भित्रै निर्वाचन आयोगले उहाँलाई यो पार्टी उहाँको आधिकारिक हुन सम्भव होइन, आधिकारिक पार्टी बहुमतवाला पार्टी नै हो र सूर्य चिन्ह र नाम उहाँहरूकै हो भन्ने फैसला हुन्छ । यसमा एक इन्च पनि शंका गर्नुपर्दैन ।’
अध्यक्ष प्रचण्डले केपी ओली पाहा झैँ पछारिएको टिप्पणी गर्नुभयो । ओली पाहा पछारिएझैँ पछारिएपनि हामिले जित्यौ झन बलियो भयौँ भन्दै हिडेको उहाँको भनाइ छ । सर्वोच्च अदालतले प्रधानमन्त्री ओलीको कदमलाई खारेज गरिदिएपछि प्रधानमन्त्रीको पदमा एक क्षण पनि बस्न लायक नभएको उहाँले बताउनुभयो । त्यसैगरी कार्यक्रममा बोल्दै नेकपा प्रचण्ड–माधव पक्षका अर्का अध्यक्ष माधवकुमार नेपालले पार्टीले दलको नेताबाट केपी शर्मा ओलीलाई हटाएर पुष्पकमल दाहाललाई चयन गरिसकेकोले प्रधानमन्त्री ओलीले कसैलाई हटाउने अधिकार नभएको बताए । उनले भने, ‘यो पार्टीको सदस्य नभएको व्यक्तिले, संसदीय दलको नेताको पनि दाबा गरिरहेका छन् । अनि मुख्य सचेतकबाट देव गुरुङजीलाई हटाएको पनि सुन्नु भा छ । अधिकार नै नभएको कुरा कहाँबाट हटाउने ? किनभने संसदीय दलको बैठकबाट पुष्पकमल दाहाललाई नै दलको नेता त हामिले चयन गरिसकेका छौँ । अब केपी ओली दलको नेतापनि रहनुभाको छैन । त्यस हुनाले पनि उहाँले आफ्नो हिसाबले उहाँको डायरीमा नोट गरेका नाम जति काटे हुन्छ । हामीलाई भन्नु केही पनि छैन । रिस उठेपछि कलमले केरकार गरे पनि हुन्छ ।’
अध्यक्ष नेपालले संस्थागत कुरा विधानमा लेखिए बमोजिम मात्रै हुने बताए । कुनै एक व्यक्तिको सनकको भरमा देश अगाडि जान नसक्ने भन्दै उहाँले आफुहरूले विधि विधानलाई मान्ने देश बनाउन चाहेको उल्लेख गरे ।

प्रतिक्रिया दिनुहोस्