महान्यायाधिवक्ता खरेलले राजीनामा नदिएको जानकारी «

महान्यायाधिवक्ता खरेलले राजीनामा नदिएको जानकारी

महान्यायाधिवक्ता अग्निप्रसाद खरेलले आफूले राजीनामा नदिएको प्रष्ट पारेका छन् ।
मंगलबार बिहानैदेखि राजीनामा दिएको हल्ला आएपछि महान्यायाधिवक्ता खरेलले आफूले राजीनामा नदिएको र दिनुपर्ने परिस्थिति पनि नरहेको बताएका छन् । आफू राजीनामा दिने सोचमा समेत नरहेको बताए । उनले भने, ‘अहिले महान्यायाधिवक्ताले राजीनामा दिने परिस्थिति पनि होइन, राजीनामा दिएको पनि होइन, राजीनामा दिने सोच पनि छैन ।’
आपूmले प्रेस स्वतन्त्रताका बारेमा सधंै अगाडि रहेर आवाज उठाइ राखेको तर आफ्नो राजीनामाका बारेमा एकपटक समेत नसोधी समाचार आउँदा दुःख लागेको बताए । उनले भने, ‘जिम्मेवार प्रेसले कुनै पनि विषयलाई महान्यायाधिवक्ताले राजीनामा गर्नुभएको छ भन्ने जस्तो गम्भीर विषयलाई अगाडि राख्दाखेरी महान्यायाधिवक्तासँग नसोधिकन राखिने कुराप्रति मेरो गम्भिर चासो, सरोकार छ र यस प्रतिम दुःख व्यक्त गर्छु ।’
महान्यायाधिवक्ताले राजीनामा ग¥यो भन्ने विषय आउँदा मिडियाले आफूलाई एकपटक पनि नसोधी समाचार सम्प्रेसण गरको उनले बताए । अहिलेको परिस्थितिलाई आफू अनुकूल बनाउन चाहनेहरुबाट यस्तो हल्ला आएको पनि महान्यायाधिवक्ता खरेलले बताए । आफूले अदालतमा गरेको बहस प्रतिप्रधानमन्त्री सन्तुष्ट रहनुभएको उल्लेख गर्दै मिडियामा आएका विभिन्न हल्ला निराधार रहेको पनि स्पष्ट पार्नुभयो । उनले भने, ‘अहिलेको परिस्थितिलाई आफू अनुकूल बनाउने पनि कसैको कोसिस हुनसक्छ । प्रतिकूलतालाई अनुकूलतामा बदल्ने कोसिस पनि हुनसक्छ । सरकारको लडाइँलाई कमजोर बनाउने पनि हुनसक्छ । लेखिएको रहेछ कतै प्रधानमन्त्री असन्तुष्ट रहनुभयो महान्यायाधिवक्ता कार्यालय र सरकारी वकिलबाट गरिएको डिफेन्सलाई लिएर । जबकी प्रधानमन्त्रीले मलाई बोलाएरै करिब ६÷७ दिनको बहसको कतिपय पाटापक्षलाई उहाँले सुनेर तपाईहरुले राम्रो गर्नुभएछ भनेर बधाई छ धन्यवाद छ परिणाम आफ्नो ठाउँमा छँदैछ तर जे भए पनि तपाईंहरुको तर्फबाट गरिने डिफेन्स राम्रो ढंगले भयो । हामी आशा गरेकै परिणाम सकारात्मक हुनसक्छ भन्ने कुरा उहाँले मलाई भन्नुभएको थियो ।’
यही कुरालाई प्रधानमन्त्रीले असन्तुष्टि जायर गर्नुभयो भन्ने कुरा कतै स्रोत नखुलेको भनेर मिडियामा आएको पाइएको बताए ।

प्रतिक्रिया दिनुहोस्