नेपालको आर्थिक वृद्धिदर ऋणात्मक «

नेपालको आर्थिक वृद्धिदर ऋणात्मक

संयुक्त राष्ट्र संघले सन् २०२१ मा नेपालको आर्थिक वृद्धिदर ऋणात्मक हुने प्रक्षेपण गरेको छ । यस वर्ष नेपालको वृद्धिदर माइनस ०.१ प्रतिशतमा सीमित हुने यूएनको प्रक्षेपण छ । नेपाल सरकारले भने चालू आर्थिक वर्ष (२०७७-७८) मा ७ प्रतिशत आर्थिक वृद्धिदरको अनुमान गरेको छ भने विश्व बैंकले हालै सार्वजनिक गरेको प्रतिवेदनमा चालू वर्षमा ०.६ प्रतिशत र आगामी वर्ष २.५ प्रतिशत प्रक्षेपण गरेको बेला संयुक्त राष्ट्र संघको यो प्रतिवेदन आएको हो ।
सोमबार सार्वजनिक संघको वल्र्ड इकोनोमिक सिचुएसन प्रोस्पेक्ट्समा सन् २०२१ मा वास्तविक कुल गार्हस्थ्य उत्पादन (जीडीपी) को वृद्धिदर ऋणात्मक हुने देखाएको छ । प्रतिवेदनअनुसार सन् २०२० मा माइनस ०.५ प्रतिशत हुने आर्थिक वृद्धिदर २०२२ मा बढेर ८ प्रतिशत पुग्नेछ । सन् २०२० मा दक्षिण एसियाभित्रका मुलुकमध्ये आर्थिक वृद्धिदर तुलनात्मक रूपमा राम्रोतर्फ तेस्रो स्थानमा रहे पनि सन् २०२१ मा भने सबैभन्दा कमजोर हुने प्रतिवेदनले देखाएको छ । प्रतिवेदनअनुसार दक्षिण एसिका अन्य देशहरु धनात्मक भए पनि नेपाल भने ऋणात्मकमा जाने उल्लेख छ । प्रतिवेदनमा सन् २०२० मा ५ प्रतिशत मुद्रास्फीति प्रक्षेपण गरिएको छ ।

प्रतिक्रिया दिनुहोस्