नबिल किताब जात्रा २०७७ हुने «

नबिल किताब जात्रा २०७७ हुने

माघ १७ गतेदेखि ‘नबिल किताब जात्रा–२०७७’ सञ्चालन हुने भएको छ । किताब जात्रा फाउन्डेसनले माघ १७ गतेदेखि एक साता लामो ‘नबिल किताब जात्रा, २०७७’ आयोजना गर्न लागेको छ ।
आइतबार पत्रकार सम्मेलन आयोजना गरी फाउण्डेसनले माघ १७ गते शनिबारदेखि माघ २३ गते शुक्रबारसम्म किताब जात्रा सञ्चालन हुने बताएको हो । ‘कोभिड–१९’ जोखिमका कारण यस वर्षको किताब जात्रा विभिन्न सञ्चार माध्यम र ‘किताब यात्रा’ एपबाट प्रसारण गर्न लागिएको ‘नबिल किताब जात्रा–२०७७’का निर्देशक ऋषिराम अधिकारीले बताए । कार्यक्रममा भाषा, साहित्य, सिनेमा, समाज, उद्यम लगायतका क्षेत्रका व्यक्तित्वहरु समावेश भएका सातवटा सेसनहरु रहने छन् ।
नबिल किताब जात्राको अवसरमा नेपाली वाङ्मय क्षेत्रमा विशिष्ट योगदान पु¥याउने व्यक्तिलाई ‘प्रेम साहित्य सम्मान’ प्रदान गरिने आयोजकले बताएको छ । यस्तै अनलाइन बुकसेलिङ् प्लयाटफर्म ‘किताब यात्रा डटकम’ सञ्चालन गरिरहेको किताब यात्रा प्रालिले आफ्नो प्लाटफर्म मार्फत सर्वाधिक विक्री भएको पुस्तकलाई ‘किताब जात्रा बेस्ट सेलर अवार्ड’ दिने घोषणा गर्ने भएको छ । गत वर्ष यो अवार्ड आख्यानकार अमर न्यौपाने द्धारा लिखित ‘गुलाबी उमेर’ले प्राप्त गरेको थियो ।

प्रतिक्रिया दिनुहोस्