गरिमा विकास बैंकद्धारा ‘स्मार्ट टेलर’ को सुरुवात «

गरिमा विकास बैंकद्धारा ‘स्मार्ट टेलर’ को सुरुवात

नेपाल राष्ट्र बैंकबाट ‘ख’ वर्गको ईजाजतपत्र प्राप्त राष्ट्रिय स्तरको गरिमा विकास बैंकले आफ्नो डिजिटल बैकिङ्गलाई थप प्रभावकारी बनाउदै बिवना चेकबुक मोबाइल बैकिङ्गमार्फत शाखामा उपलब्ध क्युआरलाई स्कान गरी पैसा झिक्न मिल्ने ‘स्मार्ट टेलर’को सुरुवात गरेको छ ।
हाललाई यो सुविधा लाजिम्पाट शाखाबाट मात्र उपलब्ध रहेको छ भने बैंकले चाँडै नै सम्पूर्ण शाखा कार्यालयहरुबाट यो सुविधा उपलब्ध गराउने जानकारी दिएको छ । डिजिटल बैकिङ्गलाई प्राथमिकताका साथ आत्मसाथ गर्दै ग्राहकहरुमा थप सुविधायुक्त ग्राहकमैत्री प्रविधिहरु भित्र्याउन गरिमा विकास बैंक सधै तत्पर रहने यस बैंकका प्रमुख कार्यकारी अधिकृत गोविन्दप्रसाद ढकालले बताए ।
हाल गरिमा विकास बैंकले १०६ शाखा कार्यालयहरु र ५१ एटिएमबाट आफ्ना ग्राहकहरुलाई सरल, सुरक्षित एवमं गुणस्तरिय बैकिङ्ग सुविधा दिँदै आएको छ ।

प्रतिक्रिया दिनुहोस्