कामना सेवा विकास बैंकको लोक गायक सुरेश गन्धर्बलाई सहयोग «

कामना सेवा विकास बैंकको लोक गायक सुरेश गन्धर्बलाई सहयोग

कामना सेवा विकास बैंकले गायक सुरेश गन्धर्बलाई उपचारका लागि सहयोग स्वरुप ५० हजार रुपैयाँ सहयोग गरेको छ । बैंकले संस्थागत सामाजिक उत्तरदायित्वको एक हिस्साका रूपमा नेपाल राष्ट्र बैंकले तोकेको मापदण्डभित्र रही कुनै समय श्रोतामाझ निक लोकप्रिय बनेको सिके श्रेष्ठले रचना गरेको गीतका गायक गन्धर्बलाई उपचारका लागि सहयोग गरेको हो ।
गायक गन्धर्ब ६५ वर्ष अघि भोजपुरको जरायोटारमा जन्मिएका गन्धर्ब सानै उमेरदेखि नै सारङ्गी बजाउँदै आफ्नो सुरिलो स्वरले गाउँदै धेरै श्रोताको मन जित्न सफल भएका थिए । २०४९ सालमा धनकुटाको देब्रेवासमा रहेको रेडियो नेपालको क्षेत्रीय प्रसारण केन्द्रमा रिंकीबुङको राँगोलाई बोलको गीत रेर्कड भएको थियो ।
‘रिंकीबुङको राँगोलाई..चुङकेबुङको चुलेसीले’ गीतका चर्चित गायक सुरेश गन्धर्ब पछिल्लो केही समययता मुटुरोग, युरिक एसिड (बाथ), सुगर (मधुमेह), प्रेसर,थाइराइड जस्ता रोगहरूबाट पीडित रहेका छन् । सहयोग स्वरुपको चेक कामना सेवा विकास बैंकका प्रदेश–१ का प्रदेश प्रमुख सुजन छाराहाङले गन्धर्बको धरान–८ स्थित डेरामा नै पुगेर हस्तान्तरण गरेका हुन् ।
सो सहयोग बैंक र बैंकका कर्मचारीको एक दिनको पारिश्रमिक कट्टा गरी संकलन गरी प्रदान गरिएको बैंकका प्रदेश – १ प्रमुख छाराहाङले जानकारी दिए ।

प्रतिक्रिया दिनुहोस्