सिटिजन्स बैंकको लाभांश प्रस्ताव, नगद र बोनससहित ११% दिने «

सिटिजन्स बैंकको लाभांश प्रस्ताव, नगद र बोनससहित ११% दिने

citi

सिटिजन्स बैंक इन्टरनेसनल लिमिटेडले आर्थिक वर्ष ०७६÷०७७ को मुनाफाबाट लाभांश घोषणा गरेको छ । सोमबार बसेको बैंक सञ्चालक समिति बैठकले सेयरधनीलाई ११ प्रतिशत लाभांश दिने प्रस्ताव गरेको छ ।
बैंकले हाल कायम चुक्ता पुँजीको ७.७० प्रतिशत बोनस सेयर र कर प्रयोजनका लागि समेत गरेर ३.३० प्रतिशत नगद लाभांश वितरण गर्ने प्रस्ताव गरेको छ । उक्त प्रस्तावलाई नेपाल राष्ट्र बैंकले स्वीकृति तथा बैंकको आगामी वार्षिक साधारणसभाले पारित गरेपछि सेयरधनी वितरण गरिने कुरा बैंकले जानकारी दिएको छ ।
बैंकले लाभांश घोषणा गरेसँगै वाणिज्य बैंकहरुमा गत आर्थिक वर्षको मुनाफाबाट लाभांश घोषणा गर्ने चौथो बैंक बनेको छ । यसअघि माछापुच्छ्रे बैंक, बैंक अफ काठमाण्डू र सानिमा बैंकले लाभांश घोषणा गरेका थिए ।

प्रतिक्रिया दिनुहोस्