केशव समर्पण
बुधवार, भदौ १८, २०७६

प्रदेश–३ मा बर्सेनि अपराधका घटना वृद्धि हुँदै गएको पाइएको छ । ३ नम्बर प्रदेश प्रहरी कार्यालय हेटौंडाको तथ्यांकअनुसार काठमाडौं उपत्यकाबाहेक १० जिल्लामा हत्या, हिंसा बलात्कार र लागूऔषध कारोबारको आँकडा बर्सेनि उकालो चढ्दै गएको छ । तीन वर्षयता जबरजस्ती करणीको मुद्दा दर्ता ६३ प्रतिशतले बढेको छ ।

337
कारोबार संवाददाता
बुधवार, भदौ १८, २०७६

सोलुखुम्बुको माथिल्लो क्षेत्र खुम्बुमा प्रशासनिक कामकाजका लागि स्थापना गरिएको सीमा प्रशासन कार्यालय महिनौंदेखि बन्द हुँदा सेवाग्राहीले सास्ति खेप्नुपरेको छ । अधिकृत तहको एक र कार्यालय सहयोगी गरी दुईजना कर्मचारी कार्यरत कार्यालयमा लामो समयदेखि कार्यलय प्रमुख विदामा बसेपछि नागरिकता वितरण तथा राहदानी सिफारिसमा समस्या भएको छ । सोही कामका लागि खुम्बुका सर्वसाधारण तीन दिनको बाटो हिँडेर सल्लेरी धाउनुपर्ने बाध्यता छ ।

392
कारोबार संवाददाता
बुधवार, भदौ १८, २०७६

म्याग्दीको रघुगंगा गाउँपालिका–३ बरखर्कमा मंगलबार दिउँसो भएको बोलेरो जिप दुर्घटनामा परी घाइते भएका तीनजनालाई उपचारको लागि काठमाडौँ लगिएको छ । रघुगंगा हाइड्रो लिमिटेडद्वारा निर्माणाधिन ४० मेगावाट क्षमताको राहुघाट जलविद्युत् आयोजनाको अडिट नम्बर २ बाट क्याम्पतर्फ जाँदै गरेको ग ३ च २२७ नम्बरको बोलेरो जिप दुर्घटनामा घाइते भएका चारजनामध्ये चालकसहित तीन जनालाई एयर डाइनेष्टीको हेलिकप्टरबाट काठमाडौँ लगिएको हो ।

325
कारोबार संवाददाता
बुधवार, भदौ १८, २०७६

मुगुका सहायक प्रमुख जिल्ला अधिकारीले फर्जि बिल पेश गरी छायानाथ रारा नगरपालिकाबाट रकम भुक्तानी लिएको खुलासा भएको छ । सहायक प्रजिअ प्रदिपकुमार ढकालले कर्मचारी व्यवस्थापनको सिलसिलामा संघीय मामिला तथा स्थानीय विकास मन्त्रालयमा जाँदा–आउँदा हवाई खर्चमा लागेको टिकटको वास्तविक रकमभन्दा बढी पेश गरेको पाइएको हो ।

362
कारोबार संवाददाता
बुधवार, भदौ १८, २०७६

आत्महत्या दुरुत्साहन अभियोगमा पक्राउपछि धरौटीमा रिहा भएका पत्रकार रवि लामिछानेले जिल्ला अदालत चितवनको आदेश बदर गर्न माग गर्दै पुनरावेदन गरेका छन् । जिल्ला अदालत चितवनले आदेशमा उल्लेख गरिएको सर्तहरु खारेज गर्न माग गर्दै लामिछाने र युवराज कँडलले मंगलबार उच्च अदालत पाटन हेटौंडा इजलासमा निवेदन दर्ता गराएका हुन् । पाँच पृष्ठ लामो निवेदनमा कानुनी व्यवस्थाविपरीत जिल्ला अदालत चितवनले धरौटी र थुनछेक दुवै हुने आदेश गरिएको जिकिर गरिएको छ ।

375
कारोबार संवाददाता
मंगलबार, भदौ १७, २०७६

राष्ट्रियसभामा छलफलको क्रममा रहेको नेपाल मिडिया काउन्सिल विधेयकमाथि सत्तारुढ दल नेपाल कम्युनिष्ट पार्टी (नेकपा)कै सांसदहरुले संशोधन प्रस्ताव दर्ता गराएका छन् । आफ्नै सरकारले ल्याएको मिडिया काउन्सिलसम्बन्धी विधेयकमाथि नेकपा सांसदहरुले संशोधन प्रस्ताव दर्ता गराएका हुन् ।

294
कारोबार संवाददाता
सोमवार, भदौ १६, २०७६

नेपालगन्जकोे कान्जिहाउसबाट दैलेखको श्रीस्थान लैजाने क्रममा शुक्रबार सुनियोजित तवरले गौहत्या गरिएको भन्दै कारबाहीको माग गर्दै नेपालगन्जमा प्रदर्शन गरिएको छ । ओमकार परिवार, बाँकेको तर्फबाट आर्य समाज, नेपाल शिव सेना, हिन्दु स्वयंसेवक संघ र पतञ्जली योगपीठसम्बद्धले नेपालगन्जमा प्रदर्शन गरेका हुन् ।

362
कारोबार संवाददाता
आइतवार, भदौ १५, २०७६

गृह मन्त्रालयले गौहत्या प्रकरणको छानबिन गर्न उपसचिव सागरमणि पाठकको संयोजकत्वमा छानबिन समिति गठन गरेको जनाएको छ । सुरक्षा निकाय समेतको सहभागिता रहने चार सदस्यीय छानबिन समितिलाई वास्तविकता पत्ता लगाउने गरी १५ दिनको म्याद दिइएको गृह मन्त्रालयका प्रवक्ता रामकृष्ण सुवेदीले बताए ।

300
कारोबार संवाददाता
आइतवार, भदौ १५, २०७६

दैलेख पु-याउने भनी रातारात सुर्खेतको कटकुवा जङ्गलमा बेवारिसे छाडिएका गाईको उद्वार गरी पुनः नेपालगञ्जतर्फ पठाइएको छ । स्थानीय प्रशासनको समन्वयमा वीरेन्द्रनगर नगरपालिकाले बेवारिसे छाडिएका गाईलाई नेपालगञ्ज फिर्ता पठाउन थालिएको हो । जिल्ला प्रहरी प्रवक्ता प्रहरी नायब उपरीक्षक रवि रावलले १४२ वटा गाई नेपालगञ्ज पठाइसकेको जानकारी दिए । उनले घाइते रहेका कतिपय गाई–गोरुको औषधि उपचार गरी फिर्ता पठाइने बताए ।

263
कारोबार संवाददाता
आइतवार, भदौ १५, २०७६

सागर सिलवालद्वारा लिखित ‘सागरको लहर’ गीति संग्रह र ‘सागरको संगम’ मुक्तक संग्रह बजारमा आएको छ । राजधानीको कुञ्ज थिएटरमा भएको कार्यक्रममा दुई पुस्तकको लोकार्पण कवि तथा गीतकार दिनेश अधिकारी, मुक्तक प्रतिष्ठानका अध्यक्ष रामकाजी कोने। उपाध्यक्ष वियोगी बुढाथोकी, लेखन कुञ्जका अध्यक्ष कमल ढकाल र कृतिकार सागर सिलवालले संयुक्त रुपमा गरेका थिए ।

225
कारोबार संवाददाता
आइतवार, भदौ १५, २०७६

पूर्वप्रधानमन्त्री लोकेन्द्रबहादुर चन्दको पछिल्लो साहित्यिक सृजना मध्येको अंग्रेजी संस्करण ‘स्पिरिङः एन अडिप्ट डिरेक्टर’ शीर्षकको कविता लोकार्पण गरिएको छ ।

263
कारोबार संवाददाता
शनिवार, भदौ १४, २०७६

मुलुकका आर्थिक पत्रकारहरुको छाता संगठन नेपाल आर्थिक पत्रकार समाज सेजनको २० औं साधारणसभाले कारोबारकर्मी भीम गौतमको अध्यक्षतामा नयाँ कार्यसमिति निर्वाचित गरेको छ । शनिवार राजधानीमा सम्पन्न सेजनको २० औं वार्षिक साधारणसभाले अध्यक्ष गौतमसहित १० सदस्यीय नयाँ नेतृत्व चयन गरेको हो ।

455
कारोबार संवाददाता
शुक्रवार, भदौ १३, २०७६

बौद्धको रामहिटीबाट प्रहरीले ८३ किलो रक्तचन्दनसहित दुई जनालाई पक्राउ गरेको छ । घरमा राखेको रक्तचन्दनसहित बुधबार राति च्याङ्बा लामा र योन्देन ग्याङ्जु तामाङलाई पक्राउ गरेको महानगरीय प्रहरी वृत बौद्धका प्रहरी नायब उपरीक्षक नरेन्द्र चन्दले बताए ।

285
कारोबार संवाददाता
शुक्रवार, भदौ १३, २०७६

नेपाल मिडिया काउन्सिल विधेयक २०७५ माथि संघीय संसद्को माथिल्लो सदन राष्ट्रियसभामा छलफल सुरु भएको छ । राष्ट्रियसभाको बिहीबार बसेको बैठकमा सरकारका तर्फबाट सञ्चार तथा सूचना प्रविधि मन्त्री गोकुल बाँस्कोटाले उक्त विधेयक पेश गरेपछि छलफल सुरु भएको हो । विधेयक पेश गर्दै मन्त्री बाँस्कोटाले सबै खाले मिडियाको अनुगमन गर्ने अधिकार मिडिया काउन्सिललाई हुने गरी विधेयक ल्याइएको बताए । उनले विधेयकमा उल्लेखित दण्ड जरिबानाको विषयलाई अदालति विषय बनाउने भन्ने बारेमा सोच्न सकिने र केही नमिलेका कुराहरु छलफलका क्रममा मिलाउन सकिने स्पष्ट पारे ।

289
कारोबार संवाददाता
बिहिवार, भदौ १२, २०७६

सुदूरपश्चिम प्रदेशमा कूल महिला जनसंख्यामध्ये १४.४ प्रतिशत महिला शारीरिक हिंसामा पर्ने गरेका छन् । नेपाल प्रशासनिक प्रशिक्षण प्रतिष्ठानले बुधबार आयोजना गरेको ‘लैङ्गिक उत्तरदायी बजेट’ विषयक अन्तरक्रियामा प्रस्तुत गरिएको तथ्याङ्कमा निजी जीवनको मामिलामा निर्णय गर्दा ५० दशमलव ५ प्रतिशत महिलाले आफ्नो स्वास्थ्यको निर्णय एकल वा संयुक्तरुपमा गर्ने गरेको उल्लेख छ । शारीरिक हिंसामा पर्नेमध्ये ६ दशमलव १ प्रतिशत यौन हिंसामा पर्ने गरेको जनाइएको छ ।

265

सातामा धेरै पढिएको