कारोबार संवाददाता
मंगलबार, माघ ७, २०७६

प्रदेश ५ को प्रदेशसभामा विपक्षी दलका नेता बलदेव शर्मा पोखरेलको निधन भएको छ ।

135
कारोबार संवाददाता
सोमवार, माघ ६, २०७६

मोरङ व्यापार संघका निवर्तमान अध्यक्ष तथा पूर्वसभासद पवनकुमार सारडालाई मातृशोक परेको छ ।

183
कारोबार संवाददाता
सोमवार, माघ ६, २०७६

प्रहरी सङ्गठनलाई नै अपशब्द प्रयोग गरेको आरोप लागेकी गायिका आस्था राउतविरुद्ध प्रहरीले अभद्र व्यवहार कसुरअन्तरगत मुद्दा चलाएको छ । महानगरीय प्रहरी परिसर काठमाडौँले उक्त कसुरमा आइतबार जिल्ला प्रशासन कार्यालय काठमाडौँबाट पक्राउको अनुमति लिएर मुद्दा अघि बढाएको हो ।

380
दीननाथ बराल
आइतवार, माघ ५, २०७६

होचा व्यक्तिको रुपमा विश्व कीर्तिमान कायम गरेका खगेन्द्र थापा मगरको निधन भएको छ । छाती, मुटु सम्बन्धि रोगबाट ग्रसित भएका कीर्तिमानी खगेन्द्रको शुक्रबार पोखराको मणिपाल शक्षिण अस्पतालमा उपचारकै क्रममा निधन भएको हो । गण्डकी प्रदेशको बागलुङ जिल्ला, वरेङ गाउँपालिका वडा नं. १, धुल्लुवास्कोटमा जन्मेका खगेन्द्रले २०६७ सालमा विश्वकै होचा व्यक्तिका रुपमा गिनिज वुक अफ वल्र्ड रेकर्डमा नाम लेखाउन सफल भएका थिए ।

332
कारोबार संवाददाता
आइतवार, माघ ५, २०७६

आरोहण गुरुकुल विराटनगरले आयोजना गरेको काव्यारोहण ‘आरोहण कविता यात्रा’को तेस्रो भागमा वरिष्ठ कवि बम देवान प्रस्तुत भएका छन् । हाटखोलास्थित सुशीला कोइराला नाटकघरमा भएको एकल कविता वाचन कार्यक्रममा कवि देवानले आफ्ना दर्जन बढी कविता वाचन गरे ।

180
कारोबार संवाददाता
आइतवार, माघ ५, २०७६

जिल्ला प्रशासन कार्यालय लमजुङले फर्जी नागरिकता सहित एक युवालाई नियन्त्रणमा लिएको छ । जिल्लाको क्होलासोँथार गाउँपालिका–२, मालिङका सुवाष लामालाई नियन्त्रणमा लिएको हो । जिल्ला प्रशासन कार्यालय लमजुङमा राहदानी बनाउन आएका लामालाई फर्जी नागरिकता सहित प्रशासन कार्यालयले नियन्त्रणमा लिएको हो ।

795
कारोबार संवाददाता
शुक्रवार, माघ ३, २०७६

सूचना प्रविधि विधेयकमा विद्युतीय माध्यमबाट स्वतन्त्र रूपमा विचार अभिव्यक्त गर्नेहरूका लागि ठूलो जेल सजाय र चर्को जरिवानाको व्यवस्था गरिएको प्रति एम्नेस्टी इन्टरनेसनलले आपत्ति जनाएको छ । शान्तिपूर्ण रूपमा गरिएका अभिव्यक्ति स्वतन्त्रताका अभ्यासलाई यो कानुनद्वारा अपराधीकरण गर्ने गरी प्रयोग गर्न नमिल्ने व्यवस्था सुनिश्चित हुनेगरी सूचना प्रविधि विधेयकलाई नेपालको संसदले अन्तर्राष्ट्रिय मापदण्डअनुरूप हुनेगरी संशोधन गर्नुपर्ने एम्नेस्टी इन्टरनेसनलले बताएको छ ।

296
मीनकुमार नवोदित
शुक्रवार, माघ ३, २०७६

मोरङको विराटनगरस्थित सिंघिया घाटमा चितामा राखिसकेको एक महिलाको शव प्रहरीले नियन्त्रणमा लिएको छ । माइती पक्षले मृत्यु शंकास्पद रहेको भन्दै खबर गरेपछि प्रहरीले घाटबाट शव नियन्त्रणमा लिएको हो । विराटनगर–८ बलुवाहीस्थित सिंघिया खोलामा जलाउने तयारी भइरहेको अवस्थामा प्रहरीले शव नियन्त्रणमा मोरङ प्रहरीले जनाएको छ । विराटनगर–८ बलुवाहीकै २८ वर्षीया प्रेमदेवी साहलाई परिवारले अन्त्येष्टिका लागि घाटमा पु-याएको थियो । बुधबार राति कालगतिले उनको मृत्यु भएको श्रीमान पक्षले दाबी गरे पनि मृतकको घाँटीमा शंकास्पद डाम देखिएपछि मृतक साहको शव प्रहरीले नियन्त्रणमा लिएको थियो ।

429
कारोबार संवाददाता
बिहिवार, माघ २, २०७६

अख्तियार दुरुपयोग अनुसन्धान आयोगका पूर्वप्रमुख आयुक्त सूर्यनाथ उपाध्याय र त्रिभुवन विश्वविद्यालय समाजशास्त्र विभागका सहायक प्राध्यापक दिपेश घिमिरेद्वारा संयुक्त रुपमा लिखित भ्रष्टाचारसम्बन्धी पुस्तक बजारमा आएको छ । पुस्तकमा भ्रष्टाचारका विविध पक्षसँग सम्बन्धित १० वटा निबन्धात्मक अध्यायहरु छन् ।

399
कारोबार संवाददाता
बिहिवार, माघ २, २०७६

बाँकेको कोहलपुर नगरपालिका वडा नम्बर १२ का वडाध्यक्ष कृष्ण बहादुर खड्का भारतको बहराइचमा मृत अवस्थामा फेला परेका छन् । वडा कार्यालय स्रोतका अनुसार मंगलबार बिहान ७ बजे सुर्खेतको मेहलकुना जाने भन्दै घरबाट निस्किएका खड्काको शव भारतको बहराइचस्थित शंकर होटेलमा भेटिएको जानकारी आएको होे ।

280
कारोबार संवाददाता
बुधवार, माघ १, २०७६

सार्वजनिक सवारी साधनभित्र अश्लील गतिविधि गर्ने युवकलाई प्रहरीले पक्राउ गरी मंगलबार सार्वजनिक गरेको छ । अभियुक्त तनहुँको तत्कालीन अरुणोदय गाविस घर भई हाल चितवनको भरतपुरस्थित विकासचोक बस्ने २१ वर्षीय रवीन सार्की भनिने रवीन रुचाल छन् । २०७५ माघ ११ गते बसभित्र त्यस्तो गतिविधि गरेको दृश्य सामाजिक सञ्जालबाट सार्वजनिक भएको थियो । गत वर्ष साउनमा खिचिएको भिडियो सात महिनापछि माघमा अपलोड गरेको खुल्न आएको महानगरीय अपराध नियन्त्रण महाशाखाले जनाएको छ ।

210
सुब्बा कार्की
मंगलबार, पुष २९, २०७६

रौतहट जिल्ला कारागार गौरमा अपहरण तथा शरीर बन्धक मुद्दामा सजाय भोगिरहेका एकजना कैदी रातको समयमा विद्युत्को लाइन काटिएको बेलामा फरार भएका छन् । रौतहटको गढीमाई नगरपालिका वडा नं. १ बस्ने २८ वर्षीय अशोक यादव गौर क्षेत्रमा बिजुलीको लाइन काटिएको मौकामा कार्यालय सहयोगी एकरामुल हकले गेटको ताला नलगाएपछि फरार भएका हुन् ।

319
रासस
मंगलबार, पुष २९, २०७६

चितवन राष्ट्रिय निकुञ्ज र यहाँको राष्ट्रिय वन क्षेत्रमा साउन महिनायता कालगतिका कारण १० वटा गैंडा मरेका छन् । पछिल्लो पटक सोमबार निकुञ्जको माडी क्षेत्रमा पर्ने वनकट्टाको भलुवाई खोलामा एउटा गैंडा मृतावस्थामा भेटिएको छ ।

260
रासस
मंगलबार, पुष २९, २०७६

बढी भ्रष्टाचार हुने प्रदेशमा प्रदेश नं २ देखिएको छ । अख्तियार दुरुपयोग अनुसन्धान आयोगले सोमबार राष्ट्रपति विद्यादेवी भण्डारीलाई बुझाएको २९औँ वार्षिक प्रतिवेदनमा सो प्रदेशमा २१.५० प्रतिशत भ्रष्टाचार तथा भ्रष्टाचारजन्य गतिविधि भएका उल्लेख गरिएको छ । यस्तै प्रदेश नं ३ पनि सोही प्रदेशकै हाराहारीमा रहेको छ । काठमाडौँका विभिन्न मन्त्रालय तथा उच्च सरकारी निकायसमेत यही प्रदेशमा भएकाले पनि भ्रष्टाचारजन्य गतिविधि र उजुरी संख्याका आधारमा प्रदेश नं ३ पनि उच्च स्थानमा रहेको हो । सो प्रदेशमा कूल २१.१६ प्रतिशत उजुरीको संख्या रहेको छ ।

312
कारोबार संवाददाता
सोमवार, पुष २८, २०७६

राष्ट्रिय प्रजातन्त्र पार्टी (संयुक्त) ले राष्ट्र निर्माता पृथ्वीनारायण शाहको आदर्श राष्ट्रिय एकताको मूलमन्त्र हो भन्ने मान्यता मन, वचन र कर्मले आत्मसात गर्नुपर्ने बताएको छ । पृथ्वीनारायण शाहलाई महापुरुष स्वीकार गर्दै राप्रपा (संयुक्त) ले पृथ्वी जयन्तीलाई राष्ट्रिय पर्वको रुपमा मनाउँदै सार्वजनिक विदा दिनुपर्ने माग समेत सरकारसँग गरेको छ ।

286