कारोबार संवाददाता
शुक्रवार, जेठ १७, २०७६
576

भारतका प्रधानमन्त्री नरेन्द्र मोदीको दोस्रो कार्यकालको शपथग्रहण समारोहमा भाग लिन बिहीबार अपरान्ह नयाँ दिल्ली पुगेका प्रधानमन्त्री केपी शर्मा ओलीलाई इन्दिरा गान्धी अन्तर्राष्ट्रिय विमानस्थलमा भारतीय विदेश सचिवले स्वागत गरेका छन् ।
ओलीलाई स्वागत गर्न भारतीय विदेश मन्त्रालयका सचिव गितेश शर्मासहित नेपाली राजदूत निलाम्बर आचार्य र नेपालका लागि भारतीय राजदूत मञ्जिभसिंह पुरी विमानस्थल पुगेका थिए ।

बिहीबार साँझ मोदीले दोस्रो पटक भारतीय प्रधानमन्त्रीको रुपमा शपथ लिएका छन् । ओली सोही कार्यक्रममा भाग लिन दिल्ली गएका हुन् । ओलीले मोदीसँग द्विपक्षीय भेटघाटसमेत गर्ने कार्यक्रम छ । प्रधानमन्त्री ओलीको टोलीमा प्रमुख परराष्ट्र मामिला सल्लाहकार राजन भट्टराई र परराष्ट्र सचिव शंकरदास बैरागीसहित उच्च अधिकारीहरु रहेका छन् ।
शपथग्रहण कार्यक्रममा भाग लिन भुटान, बंगलादेश, श्रीलंका, म्यानमार, थाइल्याण्ड, कीर्तिस्तान तथा मौरिससका सरकार प्रमुख पनि दिल्ली पुगेका छन् । ओली शुक्रबार (आज) स्वदेश फर्कनेछन् ।