कारोबार संवाददाता
सोमवार, चैत्र १०, २०७६

सहकारी विभागको तथ्यांकअनुसार देशभर ३५ हजारभन्दा बढी सहकारी संस्था सञ्चालनमा छन् । यी संस्थामा ६५ लाखभन्दा बढी सर्वसाधारण आबद्ध भई सेवा लिइरहेका छन् । सहकारीहरूले वित्तीय सेवाका अतिरिक्त कृषि, दूध उत्पादन तथा वितरण, उद्योग, व्यापार, शिक्षा, स्वास्थ्य, सञ्चार, यातायात, कृषिजन्य उत्पादनमा काम गरिरहेका छन् । सहकारीको योगदानबारे औपचारिक अध्ययन नभए पनि सहकारीबाट ५० हजारले प्रत्यक्ष र ५ लाखले अप्रत्यक्ष रोजगारी पाएको, कुल गार्हस्थ उत्पादन (जीडीपी) मा ५ प्रतिशत तथा वित्तीय क्षेत्रको पहुँचमा २० प्रतिशत योगदान गरेको बताइन्छ । बाणिज्य बैंकपछि ठूलो वित्तीय कारोबार सहकारी संस्थामार्फत हुने गरेको छ । विभागको तथ्यांकअनुसार सहकारीमा ७३ अर्ब १७ करोड सेयर पुँजी ३ खर्ब २ अर्ब बचत संकलन र २ खर्ब ७३ अर्ब ऋण लगानी भएको छ ।

744
कारोबार संवाददाता
आइतवार, चैत्र ९, २०७६

प्रदेश २ को प्रदेशसभा सदस्यहरूले स्थायी राजधानी र नामकरणका विषयमा गत मंगलबार मतदान गरे । प्रदेशसभामा यस विषयमा चारवटा प्रस्ताव मतदानका लागि दर्ता गरिएका थिए । मंगलबार भएको सो मतदानमा चारवटै नाम अस्वीकृत भयो । यसैगरी स्थायी राजधानी तोक्नेसम्बन्धी प्रस्ताव पनि अस्वीकृत भयो । प्रदेशको नामकरणका लागि संघीय सरकारको सत्ताधारी पार्टी नेकपाले जानकी प्रदेश हुनुपर्ने प्रस्ताव प्रदेशसभामा लगेको थियो । नुदार ओली सरकारको जगजगीमा एक थान राजनीतिक एजेण्डा दर्ज गराउने र प्रस्ताव फेल गराएर एउटा पार्टीले अर्को पार्टीलाई नंग्याउने मसला र नेता नेताहरूबीच मधेस विरोधी र मधेसको ठेकेदार हुने होडबाजीमा पनि नियतवश तुहाउने राजनीति गरिएको पाइयो ।

794
मीनकुमार नवोदित
शुक्रवार, चैत्र ७, २०७६

चीनबाट सुरु भएको कोरोना भाइरस (कोभिड–१९) को संक्रमण विश्वभर फैलिसकेको छ । हालसम्म नेपालमा कोरोनाको संक्रमण नदेखिए पनि त्यसको असर र प्रभाव भने प्रस्टै परेको छ । कोरोनाका कारण पर्यटन, उद्योग, शिक्षासँगै भौतिक पूर्वाधार निर्माणमा बढी असर परेको छ । हुन त कोरोनाको असर नपरेको क्षेत्र कुनै छैन । हरेक क्षेत्रमा कोरोनाको असर देखिएको छ । मजदुर काममा नआउँदा र कच्चापदार्थको अभाव हुँदा पूर्वका उद्योगको उत्पादनमा ३५ प्रतिशत ह्रास आएको छ । प्रदेशभित्र सञ्चालित होटलका ९५ प्रतिशत होटलहरू खाली भएका छन् । बजारमा माक्सको अभाव छ । ग्याससहित खाद्यन्नहरूको कृत्रिम अभाव देखिन थालेको छ । कोरोनाले पारेको असरका विषयमा पूर्वका उद्योग, पर्यटन, उपभोक्तालगायतका क्षेत्रका व्यक्तिहरूसँग कारोबारकर्मी मीनकुमार नवोदितले गरेको कुराकानीको सार :

761
विपेन्द्र कार्की
बिहिवार, चैत्र ६, २०७६

निजी क्षेत्रको छाता संगठन नेपाल उद्योग वाणिज्य महासंघमा लगातार चौथो कार्यकालमा कार्यकारिणी समिति सदस्य रहेका व्यवसायी अञ्जन श्रेष्ठले उद्योग समितिको नेतृत्व सम्हालिरहेका छन् । २५ वर्षको उमेरदेखि नै व्यवसायमा होमिएका श्रेष्ठ पछिल्लो दशकमा आक्रामक व्यवसाय गरिरहेको व्यावसायिक घराना लक्ष्मी समूहका कार्यकारी निर्देशक हुन् । अटोमोबाइलसहित ट्रेडिङ, ऊर्जा तथा उत्पादनमूलक क्षेत्रमा संलग्न रहेको लक्ष्मी समूहले सेवा क्षेत्र (पर्यटन) मा पनि प्रवेशको तयारी गरिरहेको छ ।

719
प्रगति ढकाल
बुधवार, चैत्र ५, २०७६

डोटीकी आभा श्रेष्ठ (कर्ण) हाल वातावरण विभागमा महानिर्देशकका रूपमा कार्यरत छिन् । श्रेष्ठ १७ वर्षअघि सरकारी सेवामा प्रवेश गरेकी हुन् । श्रेष्ठ भन्छिन्, “वातावरण संरक्षणको काम आज गरेर भोलि देखिने होइन रहेछ, दीर्घकालीन नतिजाका लागि भएका नीति कार्यान्वयनको पक्षमा जोड दिने सोच बनाएकी छु, कति सफल हुन सकिएला, हेर्दै जाऊँ ।” नेपालको संविधानले स्वच्छ वातावरणमा बाँच्न पाउनुलाई मौलिक हकका रूपमा राखेको छ, तर सर्वसाधारणले मौलिक अधिकारको प्रत्याभूति गर्न सकेका छैनन् । वायु प्रदूषण नेपालका प्रमुख सहरी क्षेत्रहरूमा सबैभन्दा ठूलो चुनौतीका रूपमा प्रस्तुत भएको छ ।

1691
भुवन पौडेल
मंगलबार, चैत्र ४, २०७६

नेपाल राष्ट्र बैंकको निर्देशकबाट अवकाशप्राप्त रमण नेपाल अहिले नागरिक लगानी कोषको कार्यकारी प्रमुखको जिम्मेवारीमा छन् । शैक्षिक रूपमा अर्थशास्त्रमा स्नातकोत्तर गरेका नेपाल विगत १५ महिनादेखि कोषको प्रमुख कार्यकारीको जिम्मामा छन् । अंग्रेजी साहित्यमा एमफिल गरेका उनले नागरिक लगानी कोषको उद्देश्यअनुसार आगामी दिनमा सर्वसाधारणको पनि सहभागिता हुने खालका योजना सञ्चालनमा ल्याउन लागेको बताउँछन् । कोषले मंगलबारदेखि नै व्यक्तिगत रूपमा पेन्सन योजना सञ्चालन गर्ने उनी बताउँछन् ।

611
किरण आचार्य
मंगलबार, चैत्र ४, २०७६

हिजो सबै नागरिकको मुखमा झुन्डिएको शब्द हो ‘कोरोना’ अर्थात् कोभिड–१९ । कोरोनाको चर्चा होस खुलेका बालकदेखि उमेरले वृद्धसम्मले गरिरहेका छन् । समाचारमा कोरोना, चियापसलमा कोरोना, खानपान, स्वास्थ्य, शिक्षा, खेलकुद, सरकारीदेखि गैरसरकारी संघसंस्था सबैलाई प्रभाव पारेको विषय हो–कोरोना । कोरोनाले विश्व अर्थतन्त्रलाई नै उथलपुथल बनाइरहेको छ । यसको प्रभावले दैनिक उपभोग्य वस्तुको अभाव हुन्छ भन्ने हल्लाले नेपालमा पनि उपभोक्ताहरू सामान मौज्दात राख्नमा व्यस्त देखिन्छन् । नेपालमा मात्र होइन, अमेरिकामा पनि उपभोक्ताहरूले आवश्यकताभन्दा तीनदेखि पाँच गुणासम्म सामान थुपारिरहेका खबरहरू आइरहेका छन् ।

650
कारोबार संवाददाता
सोमवार, चैत्र ३, २०७६

चीनबाट सुरु भई विश्वभर फैलिएको कोरोना भाइरस (कोभिड–१९) को त्रासले विश्व अर्थतन्त्र नै संकट उन्मुख देखिन्छ । विश्व अर्थतन्त्रमा नै असर पर्ने भए पनि नेपाली अर्थतन्त्र चोखो रहन सक्ने कुरै भएन । आयातमा आधारित नेपालको अर्थतन्त्र विश्वव्यापी रूपमा फैलिएको कोरोना भइरसका कारण उच्च जोखिममा देखिन्छ । यस्तो अवस्थामा अर्थतन्त्रमा राखिएका लक्ष्यलाई भेट्टाउने भन्दा पनि संकट व्यवस्थापनतर्फ केन्द्रित हुनुपर्ने विज्ञहरू बताउँछन् । आयातमा अधिक हुने मुलुक भएकाले पनि आयातमा नियन्त्रण हुने बित्तिकै समग्र अर्थतन्त्र नै समस्यामा देखिन्छ । पछिल्लो समयमा बाह्य व्यापारका लागि बैंकहरूबाट जारी हुने एलसीमा समेत कमी आएको छ ।

657
सागर परियार
आइतवार, चैत्र २, २०७६

विश्वविद्यालयमा अध्यापन गर्ने शिक्षकको प्राज्ञिक क्षमता विकासका लागि अनुसन्धान महत्वपूर्ण पाटो ठानिन्छ । स्नातक, स्नातकोत्तर, एमफिल र पीएचडी तहमा अध्यापन-निर्देश गर्ने शिक्षकहरूको अनुसन्धानमा रुचि नभएको, अनुसन्धान ल्याकत नभएको भन्ने आरोप पनि लाग्दै आएको छ । उच्च शिक्षा तहमा अध्यापन गर्ने शिक्षकहरूलाई विश्वविद्यालय अनुदान आयोगले लघुअनुसन्धानदेखि अन्य प्राज्ञिक अनुसन्धानका लागि पनि लगानी गर्दै आएको छ । एकातिर अनुसन्धान गर्दैनन् भनिन्छ भने अर्कोतिर अनुसन्धानका निष्कर्ष र प्राप्तिहरूको कार्यान्वयन पनि हुने गरेको पाइन्न । यसैले विश्वविद्यालयका शिक्षकले गर्ने अनुसन्धान ‘गर्नका लागि मात्रै गरिने’ आरोपबाट पनि अछुतो छैन ।

576
कारोबार संवाददाता
शुक्रवार, फाल्गुन ३०, २०७६

चीनको बुहान प्रान्तमा डिसेम्बर अन्तिमबाट देखिएको कोरोना भाइरस संक्रमण अहिले चीन हुँदै विश्वका ११३ देशमा फैलिसकेको छ । विश्व स्वास्थ्य संगठनले कोरोना भाइरसलाई महामारीको रूपमा परिभाषित गरिसकेको छ । विस्व स्वास्थ्य संगठनले प्रकाशित गरेको पछिल्लो विवरणअनुसार विश्वभर १ लाख १८ हजार ३ सय २२ जना कोरोना भाइरसको संक्रमणको शिकार भएका छन् । जसमा ४ हजार ६ सय २३ नयाँ बिरामी फेलापरेका छन् ।

942
कारोबार संवाददाता
बिहिवार, फाल्गुन २९, २०७६

विश्वलाई नै त्रसित बनाइरहेको कोरोना भाइरसले नेपालको अर्थतन्त्रलाई पनि प्रभावित बनाउँदै लगेको छ । हुन त नेपालमा हालसम्म कोरोना संक्रमणको अवस्था जटिल छैन र नेपालको सुरक्षात्मक अवस्था पनि त्यति प्रभावकारी छैन । तर, आजसम्मको अवस्था हेर्ने हो भने नेपालमा प्रमाणित रूपमा कोरोना भाइरसबाट संक्रमित कोही पनि भेटिएका छैनन् । अर्थात् जति व्यक्तिलाई कोरोना (कोभिड–१९) को संक्रमणको शंकामा परीक्षण गरिएको छ करिब ती सबै जनामा सो भाइरस नभएको पुष्टि पनि भएको छ ।

637
भीम गौतम
बुधवार, फाल्गुन २८, २०७६

कम्पनीका अध्यक्ष नन्दलाल शर्माले दैनिक रूपमा आयोजनामा भएको प्रगतिको अनुगमन गरी नजिकबाट नियालिरहेको तथा आवश्यक सुझावसमेत दिइएकाले आयोजना दु्रतगतिमा अघि बढेको उनी बताउँछन् । सरकारले सुरक्षा प्रबन्ध गरेको र लगानी बोर्डले सहजीकरण गरिरहेको तथा प्राकृतिक रूपमा आउने बाहेकका अन्य जोखिम कम भएकाले आयोजना दु्रतगतिमा अघि बढ्ने उनी बताउँछन् । हिमाञ्चल र नेपालको जलविद्युत्को विकासक्रम, अरुण तेस्रो जलविद्युत् आयोजनाको निर्माणको अवस्था, यसका चुनौती र समस्या तथा यसबाट नेपालले लिने फाइदाबारे कारोबारकर्मी भीम गौतमले गरेको संक्षिप्त कुराकानी :

680
यादव हुमागाई
सोमवार, फाल्गुन २६, २०७६

समस्याग्रस्त सहकारी संस्थाका बचतकर्ताको रकम फिर्ता गर्नकै लागि सहकारी ऐन–२०७४ मा समस्याग्रस्त सहकारी संघ संस्था व्यवस्थापन समितिको व्यवस्था गरियो । उक्त व्यवस्थाअनुसार सरकारले बनाएको समितिको कार्यकाल पूरा भइसकेको छ । सरकारले ओरेन्टलसहित एक दर्जन सहकारीलाई समस्याग्रस्त घोषणा गरी जिम्मा लगाए पनि समितिले दुई वर्षको कार्यअवधिमा एउटा पनि संस्थाको दायित्व फरफारक गर्न सकेन । समितिले समस्याग्रस्त संस्थाको अभिलेख राख्ने, पीडितहरूको दायित्व यकिन गर्ने र संस्था र सञ्चालकको सम्पत्ति खोजबिन लगायतका काम गरेको र सर्वोच्च अदालतको आदेशका कारण काम अधुरै रहेको बताउँछन् समितिका विज्ञ सदस्य दिपकप्रसाद पौडेल ।

1784
कारोबार संवाददाता
मंगलबार, फाल्गुन २७, २०७६

चीनमा देखिएको कोरोना भाइरसको संक्रमण फैलिन थालेपछि बजारमा अत्यावश्यक वस्तुको कृत्रिम अभाव हुन थालेको छ । छिमेकी मुलुक भारत हुँँदै विश्वका झन्डै एक सय मुलुकमा कोरोना भाइरस फैलिएसँगै बजारमा अत्यावश्यक वस्तुको खरिद बढ्दै गएको छ । खाना पकाउने एलपीजी ग्यास, मास्क, सेनिटाइजर, सर्जिकल लगायतका अत्यावश्यक वस्तुको कृत्रिम अभाव हुन थालेको हो । अभाव हुनसक्ने आशंकामा उपभोक्ताले बढी सामान खरिद गर्न थालेपछि बजारमा अभाव देखिन थालको हो । व्यवसायीले समेत अभाव देखाएर बढी मूल्यमा सामान बिक्री गर्ने गरेका छन् ।

634
कारोबार संवाददाता
आइतवार, फाल्गुन २५, २०७६

आजभन्दा १ सय १० वर्षअगाडि विश्वको औद्योगिक संसारमा उथलपुथलको महान् आन्दोलन विस्तार भइहेको थियो । जनसंख्या वृद्धि बढ्दै गइरहेको थियो । आमूल परिवर्तनकारी विचारधाराहरूको उदय भइरहेको थियो । त्यतिबेला ऐतिहासिक रूपमा महिला अधिकारका विषय पनि बहसमा आइरहेको थियो । सन् १९०० को दशकको सुरुवातदेखि अन्तर्राष्ट्रिय रूपमा महिला दिवस मनाउन सुरु गरेको पाइन्छ ।

588