कारोबार संवाददाता
मंगलबार, श्रावण २७, २०७७

विश्वभर फैलिएको कोरोना भाइरस (कोभिड–१९) ले सुनचाँदी व्यवसायलाई प्रत्यक्ष असर पारेको छ । कोभिड–१९ को कारणले गर्दा अन्तर्राष्ट्रिय बजारमा मूल्य बढ्दा स्थानीय बजारमा सुनको मूल्य बढेर १ लाख रुपैयाँ नाघेको छ । कोभिड–१९ को प्रभावले अन्य व्यापार–व्यवसाय बन्द हुँदा सुरक्षित क्षेत्र सुन मानेर लगानीकर्तामा सुनमा आकर्षित हुँदा मूल्य बढ्न गएको व्यवसायीहरू बताउँछन् ।

536
यादव हुमागाई
सोमवार, श्रावण २६, २०७७

कोभिड–१९ र लकडाउनका कारण बिमा क्षेत्रको वृद्धिदर पनि खुम्चिन थालेको छ । वार्षिक २० प्रतिशत हाराहारीमा वृद्धि हुन थालेको बिमा क्षेत्रमा लकडाउनका कारण वृद्धिदर ६–७ प्रतिशतमा सीमित भएको छ । पहिला भइसकेका बिमा नवीकरण भइरहे पनि नयाँ व्यवसाय थप नभएको बताउँछन् एभरेस्ट इन्स्योरेन्सका प्रमुख कार्यकारी अधिकृत कमल गौतम । कोभिडका कारण मानिसहरूको सोचाइ, भोगाइ र सिकाइमा परिवर्तन भएको र आगामी दिनमा व्यवसायमा नयाँ–नयाँ अवसरहरू सिर्जना हुने उनको भनाइ छ । महामारीले सर्वसाधारणलाई बिमाप्रति सचेत बनाउने भन्दै कोभिडका कारण पनि बिमाको बजार थप विस्तार हुने उनले अपेक्षा गरे । कोभिडले बिमा क्षेत्रमा पारेको असर, आगामी सम्भावनाका साथै समग्र बिमा बजारको अवस्थाबारे गौतमसँग कारोबारकर्मी यादव हुमागाईंले गरेको कुराकानी :

665
कारोबार संवाददाता
आइतवार, श्रावण २५, २०७७

७ सय ५३ स्थानीय तहमा नगरपालिकाको उपप्रमुख र गाउँपालिकाको उपाध्यक्षमा गरी ९१ प्रतिशत महिला नेतृत्वमा छन् । २ सय ९३ वटा नगरपालिकामा महिला उपप्रमुखको संख्या २ सय ७६ जना छ भने ४ सय ४० वटा गाउँपालिकामा महिला उपाध्यक्षको संख्या ४२४ जना छन् । यसैगरी महिला वडाध्यक्षको संख्या २ सय ६५ छ । तिनले स्थानीय सरकार सञ्चालन ऐनमा तोकिएको काम, कर्तव्य र अधिकार निर्वाह गरिरहेका छन् । यसै सन्र्दभमा केही नगरका उपप्रमुखसँग नेतृत्वमा स्थापित भएपछिको स्वशक्तीकरण, अनुभव, सिकाइ र चुनौतीका बारेमा केन्द्रित रही कारोबारकर्मीहरूले गरेको कुराकानी :

424
कारोबार संवाददाता
शुक्रवार, श्रावण २३, २०७७

संक्रामक रोग व्यवस्थापनको जिम्मेवारी संघीय सरकारको एकल हो भन्ने सायदैलाई मात्रै हेक्का होला । तर नेपालमा कोराना भाइरसबाट सिर्जित कोभिड–१९ महारोग व्यवस्थापनमा सरकारहरू बीच सहसम्बन्ध स्थापित भएको छ । कोभिड–१९ को व्यवस्थापनमा स्थानीय तह अग्रमोर्चामा जुटिरहेको छ । बन्दाबन्दीको प्रारम्भ, बीच र अन्त्यपछि कोभिड–१९ को व्यवस्थापन र नियन्त्रणमा स्थानीय तहले निर्वाह गरेको भूमिकाले तिनको जिम्मेवारी, प्रभावकारिता र अपरिहार्यता झनै मुखरित भएको छ । यद्यपि, कोभिड व्यवस्थापन कार्यमा स्थानीय तहको गुनासो भने संघ र प्रदेश सरकारसँग नभएको भने हैन ।

422
सरस्वती ढकाल
बिहिवार, श्रावण २२, २०७७

नेपाल चेम्बर अफ कमर्शको ६७औं वार्षिक साधारणसभाबाट वरिष्ठ उपाध्यक्षमा निर्वाचित उद्यमी राजेन्द्र मल्ललाई चेम्बरमा ‘वेटिङ प्रेसिडेन्ट’का रूपमा हेरिएको छ । दुई दशकदेखि चेम्बर आन्दोलनमा सक्रिय उनी निजी क्षेत्रभित्र स्पष्ट वक्ताका रूपमा परिचित छन् । चेम्बर अभियन्ताहरूले व्यावसायिक स्वार्थभन्दा माथि उठेर मुलुकको दिगो आर्थिक विकास तथा समग्र निजी क्षेत्रको प्रवद्र्धनका लागि काम गर्नुपर्ने धारणा राख्ने मल्ल व्यावसायिक रूपमा पनि उत्तिकै सफल छन् । उनले उत्पादनमूलक उद्योगदेखि व्यापार, बिमा, पर्यटन, शिक्षा, जलस्रोत, उड्डयन र कृषि क्षेत्रमा व्यवसाय विस्तार गरेका छन् । निर्जीवन बिमा व्यवसायी संघको समेत नेतृत्व सम्हालिसकेका मल्ल पछिल्ला वर्षमा चेम्बरलाई देशव्यापी बनाउने अभियानसँगै निजी क्षेत्रका अन्य संगठनसँग पनि सहकार्यमा जुटेका छन् ।

518
प्रगति ढकाल
बुधवार, श्रावण २१, २०७७

गत साउन ३ गते चितवनको माडीस्थित चेपाङ बस्तीमा चितवन राष्ट्रिय निकुञ्ज प्रशासनले आगो लगाएर बस्ती उठाएको भन्दै यतिबेला सामाजिक सञ्जालदेखि सडकसम्म चर्को आलोचना भइरहेको छ । बर्सात्को समयमा उठीबास लगाउन नहुने भन्दै एकातिर विरोध भइरहेको छ । स्थानीयका अनुसार माडी नगरपालिकाको वडा नम्बर ९ स्थित कुसुम खोलामा रहेको बस्तीमा निकुञ्जको टोली सात हात्तीसहित गएका थिए । उक्त टोलीले त्यहाँका खेत र पाखामा लगाइएको बाली नष्ट गर्नुका साथै त्यहाँ रहेका घर, गोठ तथा बाली हेर्न बनाइएका मचानहरू भत्काएको र दुइटा घरमा आगो लगाइदिएको आरोप छ । यस घटनालाई लिएर मानव अधिकारवादीहरूले पनि गास–बासको व्यवस्था राज्यले गर्ने नागरिकको सवैंधानिक अधिकार खोसिएको भन्दै विरोध गरिरहेका छन् । वन तथा वातावरण मन्त्रालय र चितवन राष्ट्रिय निकुञ्जका कर्मचारीहरूले भने घरमा आगो नलगाएको र घटनालाई अतिरञ्जित मात्रै गरिएको स्पष्ट पारेका छन् । यसै विषयमा कारोबारकर्मी प्रगति ढकालले दुवै पक्ष तथा मानव अधिकारवादीसँग गरेको कुराकानीको सार :

891
निरु अर्याल
मंगलबार, श्रावण २०, २०७७

सरकार यतिबेला चालू आर्थिक वर्षका लागि ल्याएको १४ खर्ब ७४ अर्बको बजेट कार्यान्वयनको दौरानमा छ । दुईवटा बजेट कार्यान्वयनमा आफूलाई असफल सावित गरिसकेको दुईतिहाइ नजिकको वाम गठबन्धनको सरकारले चालू आर्थिक वर्षको बजेटलाई पूर्णरूपमा कार्यान्वयन गर्ने वाचा गरेको छ, तर सरकारको काम गराइ र उपस्थितिले चालू आर्थिक वर्षका लक्ष्यहरू असफल हुने स्पष्ट भइसकेको अर्थशास्त्री डा. डिल्लीराज खनाल बताउँछन् । स्रोतबिनै ठूलो महत्वाकांक्षाका साथ आएको बजेटको कोरोना महामारीका कारणले कार्यान्वयन पक्ष निकै चुनौतीपूर्ण रहेको उनको तर्क छ । नेपालको कूटनीति, अर्थतन्त्र र राजनीतिलाई नजिकबाट नियाल्न सक्ने र खरो र स्पष्ट रूपमा बोल्न सक्ने खुबी भएका खनाल कोरोना संकटका बेलासमेत सरकारले आफ्नो इमानदारिता देखाउन नसकेको र राष्ट्रिय तथा अन्तर्राष्ट्रिय रूपमै विश्वसनीयता गुमाएको दाबी गर्छन् ।

563
कारोबार संवाददाता
सोमवार, श्रावण १९, २०७७

नेपाल सरकारको चालू आर्थिक वर्षको बजेटमार्फत कोरोना भाइरस प्रभावितका लागि सम्बोधन भएन । तर, नेपाल राष्ट्र बैंकले ल्याएको मौद्रिक नीतिले कोरोना प्रभावितलाई राहत दिने तथा अर्थतन्त्रलाई गतिशील बनाउने नीति अवलम्बन गरेको छ । त्यसैगरी नेपाल धितोपत्र बोर्डले ल्याएको नीति तथा कार्यक्रम पनि धितोपत्र बजारका पक्षहरूलाई अहिलेको अवस्थालाई अत्मसात् गर्दै अघि बढ्न मद्दत गर्ने खालको नै रहेको छ ।

689
धर्मेन्द्र कर्ण
आइतवार, श्रावण १८, २०७७

माओवादी आन्दोलनसँग निकट भई विभिन्न समयमा महत्वपूर्ण बैठकको आयोजना गर्ने, माओवादी केन्द्र र एमालेबीच एकीकरण अघि भएका कतिपय महत्वपूर्ण बैठकका जानकारको रूपमा समेत चिनिएका पार्टी सम्बद्ध उद्योगी व्यवसायीहरूको संगठन राष्ट्रिय उद्योग व्यापार महासंघका अध्यक्ष हुन् शिवप्रसाद कट्टेल । उनै कट्टेलसँग कारोबारकर्मी धर्मेन्द्र कर्णले समसामयिक विषयमा गरेको कुराकानीको सारसंक्षेप :

543
मुकेश चौधरी
शुक्रवार, श्रावण १६, २०७७

नेपाल सरकारले वैज्ञानिक वन व्यवस्थापन कार्ययोजना लागू भएका सामुदायिक र साझेदारी वनमा जथाभावी कटानी भएको भन्दै रूख कटानी, काठ ढुवानी तथा बिक्री–वितरणमा रोक लगाएको छ । बैज्ञानिक वन व्यवस्थापन कार्यविधि, २०७१ लागू गरेपछि नेपाल सरकारले तराईका वनको ५० प्रतिशत र पहाडका वनको २५ प्रतिशत वनमा वैज्ञानिक वन व्यवस्थापन कार्यक्रम लागू गर्ने रणनीति लिएको थियो । कैलाली जिल्लाका ९४ ९कुल वनको १३ प्रतिशत, कञ्चनपुरका १२, डडेल्धुराका ५, बैतडीका २, डोटीका ८, अछामका ४ र बाजुराका १ वटा सामुदायिक वनमा गरी प्रदेशका १२६ सामुदायिक वन ९प्रदेशको कुल वनको ३।३ प्रतिशत वन० मा वैज्ञानिक वन व्यवस्थापन कार्ययोजना लागू भएको छ ।

1299
दीपेन्द्र थापा
बिहिवार, श्रावण १५, २०७७

नेपाल पर्यटन बोर्डका पूर्वप्रमुख कार्यकारी दीपकराज जोशी सन् २००० देखि निरन्तर पर्यटन क्षेत्रको विकास तथा प्रवद्र्धनमा सक्रिय छन् । हाल कोभिड–१९ पछिको पर्यटनलाई दिशानिर्देश गर्न संयुुक्त राष्ट्र विश्व पर्यटन संगठन (युनाइटेड नेसन्स वल्र्ड टुरिजम अर्गनाइजेसन) का पूर्वमहासचिव डा. तालेव रिफाईको संरक्षकत्वमा सुरु भएको र १ सय १२ देशका प्रतिनिधि सदस्य रहेको विशेष अन्तर्राष्ट्रिय परियोजना रिब्युल्डिङ ट्राभलमा टास्कफोर्स मेम्बरका रूपमा आबद्ध जोशीले प्यासिफिक एसिया ट्राभल एसोसिएसनको डेस्टिनेसन कमिटीको अध्यक्षका रूपमा प्यासिफिक एसियाको पर्यटन क्षेत्रलाई नेतृत्व पनि गरिसकेका छन् ।

593
कारोबार संवाददाता
बुधवार, श्रावण १४, २०७७

कृष्णप्रसाद पाण्डे, एनआरएन इन्फ्रास्ट्रक्चर एण्ड डेभलपमेन्ट लिमिटेडका संस्थापक हुन् । आठ वर्षअघि स्थापना भएको लिमिटेडले जलविद्युत्मा लगानी गर्दै आएको छ । लिमिटेडले निर्माण गरिरहेका आयोजनामध्ये २७ मेगावाटको दोर्दी निर्माणको अन्तिम चरणमा छ । लिमिटेडको लगानी रहेको सानीमाई र त्यसको क्यासकेट आयोजना सम्पन्न भइसकेको छ भने सानिमा गु्रपबाटै ७३ मेगावाटको मिडिल तमोर, २८.१ मेगावाटको लिखु र १४ मेगावाटको माथिल्लो मैलुंग निर्माण भइरहेका छन् ।

1349
किरण आचार्य
मंगलबार, श्रावण १३, २०७७

अघिल्लो साता सरकारी दस्तावेज सार्वजनिक भए । महालेखा परीक्षकको ५७औं प्रतिवेदन र नेपाल राष्ट्र बैंकको मौद्रिक नीति ०७७÷७८ । दुवै प्रतिवेदनमाथि विश्लेषण र टीकाटिप्पणी गत सातासमम्म मुख्य विषय वस्तुका रूपमा मिडियामा स्थान पाए । यद्यपि फाट्टफुट्ट पाइरहेका छन् । कोरोना भाइरस महामारीका कारण अर्थतन्त्रमा क्षति पुगे पनि दुवै प्रतिवेदन महत्वका साथ हेरिएका छन् । दुवैमा रहेका कृषिसँग सम्बन्धित विषयको चर्चा विगतभन्दा बढी नै भएको पाइयो ।

982
यादव हुमागाई
सोमवार, श्रावण १२, २०७७

कोभिड–१९ को महामारीका कारण लगानी गर्न नसकिएपछि बैंक तथा वित्तीय संस्थामा जस्तै सहकारीमा पनि तरलता बढेको छ । सहकारी विभागले गरेको अध्ययनमा सहकारीको बचत बढेको तथा लगानी घटेकाले तरलता बढेको औंल्याएको थियो । बैंकमा बचतको ब्याजदरसमेत घटेकाले बैंकबाट सहकारीमा निक्षेप सरेको हुनसक्ने बताउँछन् सहकारी विज्ञ ज्ञानेन्द्रप्रसाद पौडेल । कोभिडले सहकारीमा तत्कालीन रूपमा खासै असर नपारे पनि दीर्घकालीन रूपमा भने असर पार्ने उनको भनाइ छ । अब लगानीका नयाँ–नयाँ क्षेत्र खोज्दै उत्पादनमूलक क्षेत्रमा लगानीका साथै प्रसोधन र बजारीकरणमा समेत सहकारीले भूमिका बढाउनुपर्ने आवश्यकता देखिएको उनले औंल्याए ।

875
कारोबार संवाददाता
आइतवार, श्रावण ११, २०७७

नेपालमा पनि कोरोना भाइरस संक्रमण सुरु भएसँगै २०७६ चैत ६ गतेदेखि देशभरका सम्पूर्ण विद्यालय बन्द भए । चैत ६ गतेदेखि नै सुरु हुने भनेको एसईई परीक्षा पनि स्थगित भई अहिले विद्यालयबाट विद्यार्थीको मूल्यांकन गरी नतिजा निकाल्ने अन्तिम तयारीमा सरकार छ । नेपालमा अहिले कोरोना संक्रमण कम भएसँगै सरकार विद्यालय खोल्ने तयारीमा पनि लागेको छ । सहरी क्षेत्रका कतिपय विद्यालयले अनलाइन कक्षा पनि सञ्चालन गरेका छन् भने ग्रामीण भेगका विद्यालय प्रविधिमा पहुँच नहुँदा अन्योलमा छन् । अझै पनि कतिपय जिल्लामा कोरोना भाइरसको प्रकोप बढ्दै गएको अवस्था छ । केही जिल्लामा शून्य अवस्था छ । सरकारले भदौ १ गतेबाट विद्यार्थी भर्ना अभियान सुरु गर्ने भनेको छ । निजी विद्यालय विद्यार्थी भर्ना गरी पठनपाठन सुरु गर्ने मनस्थितिमा पुगेका छन् भने केहि संक्रमणको अवश्थाबारे विचार विमर्शमै छन् । यसै सन्दर्भमा विभिन्न जिल्लाका शिक्षा, विकास समन्वय एकाइ प्रमुखसँग कारोबारकर्मीहरूले गरेको कुराकानी :

380