कुमार पाण्डे
मंगलबार, चैत्र ११, २०७६

चीनबाट उत्पन्न भई संसारभरि नै महमारी फैलिरहँदा नेपालीहरूको जीवन र नेपालभित्रका व्यवसायहरू पनि प्रभाावित हुनु कुनै अनौठो कुरा भएन । केही हप्तायता संसारको सामाजिक, आर्थिक एवं राजनीतिक व्यवस्थालाई कोरोना भनिने अदृश्य जीवले अस्त व्यस्त पारेको छ । संसारभर लाखौं मान्छे संक्रमित भएका छन् भने करिब १३ हजार व्यक्ति मरिसकेका छन् । लाखौंले आफ्नै घरमा बन्दी जीवन बिताउनु परिरहेको छ । संसारका कुनै पनि देश यो रोगको प्रभावबाट मुक्त हुन सकेका छैनन्, बरु राष्ट्र–राष्ट्रबीच आवतजावत बन्द गर्ने र सम्पर्क टुटाउने अभ्यास बढेको छ । कतिपय ठाउँमा यसैलाई आधार मानी निश्चित देश वा मुलका व्यक्तिहरू माथि भेदभाव र दोष थोपर्ने काम पनि भएको देखियो ।

878
रत्न प्रजापति
मंगलबार, चैत्र ११, २०७६

चीनको वुहान सहरबाट सुरु भएको कोरोना भाइरसको संक्रमण विश्वका १ सय ८६ मुलुकमा फैलिएको, २ लाख ९४ हजार १ सय १० जना संक्रमित भएको र १२ हजार ९ सय ४४ जनाको मृत्यु (मार्च २२ सम्म) भएको विश्व स्वास्थ्य संगठनले जनाएको छ । तीव्र गतिमा कोरोना भाइरसको संक्रमण फैलिरहँदा त्यसको कहरले विश्वभरिका मानिसहरू शारीरिक रूपमा पीडित हुनुभन्दा पनि बढी मानसिक रूपमा आतंकित छन् । नेपालमा कोरोना भाइरसको संक्रमण फैलिन सक्दैन भनेर कसैले मानसिक रूपमा ढाडस दिन खोजे पनि मानिसहरू विश्वस्त हुन सकेका छैनन् र आतंकित हुन छोडेका छैनन् ।

591
समीर रेग्मी
सोमवार, चैत्र १०, २०७६

भाइरसको क्षेत्र बढेसँगै चीनले यसको महामारीलाई बुझ्यो र यसलाई नियन्त्रण गर्नतर्फ लाग्यो । यो विश्वव्यापी महामारीलाई नियन्त्रण गर्नका लागि चीनले सबै स्तरमा काम ग-यो र बिस्तारै–बिस्तारै संक्रमणमाथि नियन्त्रण कायम ग-यो ।

450
देवेन्द्र अर्याल ‘आँसु’
सोमवार, चैत्र १०, २०७६

भाषा, कानुन, सीप र प्रविधिको अभावमा नेपालीले विदेशमा पाउने पीडा वा समस्या बेग्लै छ । त्यसमा पनि बेलाबेलामा त्यहाँ हुने हिंसा, युद्ध, आक्रमणले नेपाली श्रमिकलाई झनै अप्ठेरोमा पारेको देखिन्छ । पछिल्लो समयमा चीनमा देखा परेको कोरोना भाइरस कोभिड–१९ ले सबैमा त्रास उत्पन्न गरेको छ । रोजगारी, अध्ययन, भ्रमण र अन्य सिलसिलामा थुप्रै नेपाली विदेशका भूमिमा पुगेका छन् । नेपाली श्रमिकहरू विश्वका विभिन्न देशमा रोजगारीका लागि पुगेका छन् । उनीहरू विभिन्न देशमा आफ्नो श्रम र सीप पोख्न पुगेका छन्, जसमध्ये साउदी अरबमा पुग्ने नेपालीको संख्या अत्यधिक छ ।

409
डा. दिलनाथ दंगाल
सोमवार, चैत्र १०, २०७६

कुनै पनि प्रत्यक्ष लाभको आशा नगरी जनताले सरकारलाई बुझाउने तिरोलाई कर भनिन्छ । यो कर कुनै व्यक्ति, फर्म वा कम्पनीले कानुनबमोजिम सरकारलाई तिर्नुपर्ने अनिवार्य भुक्तानी पनि हो अथवा कर तिर्नु व्यक्तिको अनिवार्य कर्तव्य हो । कर र मृत्यु दुवै अवश्यम्भावी कुरा हुन् । यसको अर्थ राज्यले नागरिकसँग कर असुल गर्न कहिल्यै छोड्दैन । त्यसकारण यो मृत्युजस्तै अवश्यम्भावी छ । कसै–कसैले करलाई मृत्यु र बच्चा जन्मने कार्यजस्तै हो भनेका छन् । यसको अर्थ हो— कर भनेको मृत्यु र बच्चा जन्मने कार्यजस्तै अनिश्चित हुन्छ र यसलाई समयमा परिपालना गरेन भने मृत्यु र बच्चा जन्मने जस्तै कष्टकर हुन पनि सक्छ ।

578
कारोबार संवाददाता
आइतवार, चैत्र ९, २०७६

गत जनवरी अन्तिमदेखि विश्वलाई नै भाइरस नामक रोगका कारण त्राहिमाम–त्राहिमाम ! बनाएको छ । सो संक्रामका रोगको भाइरसलाई ‘नोबेल कोरोना भाइरस (कोभिड–१९)’ नाम दिइएको छ । सो रोग पहिले लगभग २९ देशमा पैmलिएको थियो भने, लगभग २८ सय जनाको ज्यान लिएको थियो ।

346
सुदर्शन अधिकारी
आइतवार, चैत्र ९, २०७६

झन्डै तीन कार्यकालसम्म रिक्त रहेको स्थानीय तहमा जनप्रतिनिधि आमनागरिकले जे–जस्ता अपेक्षा गरेका थिए, त्यो सबै अपेक्षामा नै सीमित हुने अवस्था आएको देखिन्छ । जनभावना बुझेर उनीहरूको छिटो र सहज ढंगबाट कार्यसम्पादन गर्नुपर्ने, कर न्यून मात्र असुल्नुपर्ने, विकासका कार्यहरू पारदर्शी र प्रभावकारी हुनुपर्ने लगायतका विविध पक्षमा नगन्य मात्र कार्य हुनुले सही अर्थमा भन्ने हो भने जनता निराश बनेको अवस्था छ । सिंहदरबारको अधिकार घरघरमा भन्ने नारालाई चरितार्थ गर्न सकिएको छैन ।

298
अच्युतप्रसाद पौडेल ‘चिन्तन’
आइतवार, चैत्र ९, २०७६

कोरोना भाइरसका कारण हाल बजारमा औषधिलगायत अन्य वस्तुहरूको आपूर्तिमा समस्या देखिन थालेको छ । देशका आमनागरिकमा दैनिक जीवनयापन गर्दा वस्तु र सेवाको आपूर्ति आवश्यक छ । यस्तो आपूर्ति न केवल खाद्यान्न बरु स्वास्थ्य उपचारलगायत निर्माण सामग्री, औषधिमूलोको व्यवस्था, पेट्रोलियम पदार्थ सहज र सुलभ मूल्यमा उपभोक्ताले पाउने व्यवस्था गर्नु राज्यको दायित्व हो । न्यूनतम जीविकोपार्जनका लागि आवश्यक नाना, खाना र छाना सबैका लागि आवश्यक विषय हो ।

218
कारोबार संवाददाता
शुक्रवार, चैत्र ७, २०७६

यो हप्ता नेपालको संसद् भवनमा अचम्मको विषयले चर्चा पायो, ‘सेयर बजार राज्यले बन्द गर्नुपर्छ’ । उक्त महान् कोटेसनका जन्मदाता नेपाल मजदुर किसान पार्टीका सांसद प्रेम सुवाल हुनुहुन्छ । विश्व २१ औं शताब्दीमा हिंडिरहेको र चन्द्रमामा आलुको खेती गर्न र पृथ्वीका मानिसलाई चन्द्रमामा लगेर बसोबास गराउने अभियानमा सफलता पाउन लागिसकेको अवस्थामा हाम्रा सासदहरू कति विवेकशील, कति विकसित र कति समाजवादी हुनुहुँदो रहेछ भन्ने कुराको विश्वलाई परिचय गराएर नेपालको आर्थिक अवस्थाका बारेमा विश्वले र बाँकी नेपालीले बुझ्ने मौका पाएका छन् ।

343
रमेश भट्टराई
शुक्रवार, चैत्र ७, २०७६

सरकारले सूचना जारी गर्दै भन्यो– चैत ५ सम्ममा कक्षा ९ सम्मको परीक्षा सक्नू । सबैलाई हाँसोमजाकको विषय भयो– के यो कोरोनाले चैत ६ गतेबाट नेपाल आउने भनेको हो र ! तर, संयोग भनौँ या बाध्यता कोरोना भाइरसका कारण चैत ६ गतेबाट हुने भनिएको एसईई परीक्षा, प्राविधिक शिक्षा तथा व्यावसायिक तालिम परिषद् (सीटीईभीटी) तथा त्रि.वि.अन्तर्गतबाट हुने परीक्षासमेतलाई अर्को सूचना नआएसम्मका लागि रोक्ने भनेर सरकारद्वारा अचानक साँझपख अर्को सूचना जारी भयो । भनाइ र संयोगको जोग मिल्यो । यो समाचारसँगै सामाजिक सञ्जालमा एउटा छुट्टै तरङ्ग उत्पन्न भयो । वास्तवमा सबै तयारी पूरा गरेर परीक्षा केन्द्रमा पुगेका विद्यार्थी वर्ग तथा व्यवस्थापनमा जिम्मेवार जुटेकाहरूमाथि प्रत्यक्ष रूपमा अप्ठ्यारो परेको छ ।एकदिन अघि मात्र जानकारी दिएको भए सायद धेरै वैज्ञानिक हुने थियो ।

379
जगदीश दाहाल
शुक्रवार, चैत्र ७, २०७६

हालै संसद्मा सरकारले प्रस्तुत गरिएको बैंक तथा वित्तीय संस्थासम्बन्धी ऐन (बाफिया), २०७३ लाई संशोधन गर्न बनेको विधेयक लिएर यतिबेला सिंगो बैंक तथा वित्तीय क्षेत्रमात्र होइन, अन्य सबै सरोकारवाला निकाय तथा त्यो सँग आबद्ध संघसंस्था र व्यक्तिहरूमाझ ठूलो चर्चाको विषय बनेको छ । त्यति मात्र होइन, धेरैले यो संशोधन विधेयकको खुलेरै विरोध पनि गरेका छन् भने खुलेरै विरोध नगर्नेले पनि सरकारको नियतमा शंका गर्न लागेका छन् । विधेयकका बारेमा संसद्मा धेरै सांसदले आफुहरूको कति कुरामा विरोध हो, केमा विरोध हो भनेर आ–आफ्नो तर्फबाट संशोधन दर्ता गरिसकेका छन् । विधेयक संशोधनले मर्का पर्ने पक्षहरूजस्तै बैंकमा कार्यरत प्रमुख कार्यकारी अधिकृतहरू बैंकका अध्यक्ष तथा सञ्चालकहरू बैंकमा लगानी गरेर बसेका साधारण लगानीकर्ताहरू सबैले आ–आफ्नो तर्फबाट संशोधनका लागि आफ्ना जनप्रतिनिधिमार्फत लिखित रूपमा सुझाव दिएर प्रतिनिधि सभामा पेससमेत भएको छ ।

325
एजेन्सी
बिहिवार, चैत्र ६, २०७६

कोरोना विश्वव्यापी भएको छ । यसबाट विश्वभरि संक्रमित हुनेको संख्या १ लाख ९८ हजार ४ सय १२ पुगेको छ भने मृत्यु हुनेको संख्या ७ हजार ९ सय ८४ पुगेको छ । युरोपसमेत विश्वका प्रभावित देशको सडक सुनसान भएको छ र अवस्था कफ्र्युजस्तो देखिएको छ । चीनपछि युरोपमा सबैभन्दा धेरै कोरोनाको असर परेको छ ।

427
कारोबार संवाददाता
बिहिवार, चैत्र ६, २०७६

औद्योगीकरणको विश्वव्यापी तरंगले सामाजिक संरचना निर्धारणमा असर गर्न थालेपछि समाजवादी राज्य व्यवस्था अँगालेका प्रायः सम्पूर्ण राष्ट्रले श्रम बजारलाई व्यवस्थित पार्न सामाजिक सुरक्षा कार्यक्रमहरू कार्यान्वयनमा ल्याउने गरेका थिए । जर्मन समाजशास्त्री म्याक्स वेबरको ब्युरोक्रयाटिक थ्यौरी अफ म्यानेजमेन्ट भन्ने सिद्धान्तमा आधारित यस्ता कार्यक्रमहरू युरोपेली राष्ट्रहरूमा प्रचलनमा रहने गरेकोमा सन् १९३० मा संयुक्त राज्य अमेरिकामा देखा परेको चरम आर्थिक मन्दीले अमेरिकामा पनि सामाजिक सुरक्षा कार्यक्रमलाई जन्म दिन सफल भएको थियो र आज पनि विश्व परिवेशमा अमेरिकी अर्थतन्त्र बलियो रहनुको एउटा कारणका रूपमा सामाजिक सुरक्षा कार्यक्रमलाई परिभाषित गर्ने गरिन्छ ।

353
कारोबार संवाददाता
बिहिवार, चैत्र ६, २०७६

सन् १९८५ मा स्थापना भएको क्षेत्रीय सहयोगका लागि दक्षिण एसियाली संघ (सार्क) को हाल आठ सदस्य छन् । नेपाल सरकारलगायत सार्क राष्ट्रका सरकाहरूले आफ्नो देशका आमजनताको आयमा कर लगाई देश तथा जनताको विकासको लागि खर्च गर्छ । तर विगत केही वर्षदेखि नेपाल सरकारले कर संकलन गरी, बजेट विनियोजन गर्छ तर उक्त बजेट खर्च गर्न सक्दैन । सार्क राष्ट्रहरूको आर्थिक सूचकांक तलको तालिका नं. १ बाट स्पष्ट हुन्छ ।

1163
कारोबार संवाददाता
बुधवार, चैत्र ५, २०७६

राष्ट्रसेवक कर्मचारी र नागरिकले राज्यको कुनै पनि नियम–कानुन पालन गर्नुपर्छ । राज्यले निर्दिष्ट गरेका नियम–कानुन अवलम्बन गर्नु हामी सबैको प्रमुख दायित्व हो । त्यसैले प्रत्येक राष्ट्रसेवक कर्मचारीले पालन गर्नुपर्ने महŒवपूर्ण विषयका रूपमा सम्पत्ति विवरणको जानकारी सम्बन्धित निकायमा पेस गर्नु रहेको छ । त्यसैले प्रत्येक आर्थिक वर्ष समाप्त भएको दुई महिनाभित्र कर्मचारी र जनप्रतिनिधिले आफू र आफ्नो परिवारको नाममा रहेको सम्पत्ति विवरण बुझाउनुपर्ने व्यवस्था छ ।

368