कारोबार संवाददाता
मंगलबार, भदौ १७, २०७६

कृषि उत्पादन वृद्धि नगरेसम्म आयात प्रतिस्थापन गर्न नसकिने प्रदेश १ का उद्योगी व्यवसायीहरूले बताएका छन् । उनीहरूले कृषिको उत्पादन वृद्धिमा ध्यान दिनुपर्नेमा जोड दिए । नेपाल उद्योग वाणिज्य महासंघ प्रदेश नम्बर १ को आयोजनामा इलाम उद्योग वाणिज्य संघमा भएको अन्तरक्रियाका वक्ताहरूले कृषियोग्य जमिन बाँझो हुँदा आयात बढ्दै गएको बताएका हुन् ।

303
कारोबार संवाददाता
मंगलबार, भदौ १७, २०७६

प्रतिलिटर दूध उत्पादनमा तीन रुपैयाँ अनुदान उपलब्ध गराउने माडी नगरपालिको निर्णय प्रभावकारी देखिएको छ । गत आर्थिक वर्षदेखि लागू गरिएको अनुदानको व्यवस्थाले यहाँका कृषक पशुपालनतर्फ आकर्षित हुँदै गएका छन् । कृषकलाई पशुपालनमा प्रोत्साहन गर्न नगरपालिकाले आफ्नो आन्तरिक आयबाट हरेक वर्ष ६० लाख विनियोजन गर्दै आएको छ । कृषकलाई गत आर्थिक वर्षमा अनुदानबापत ३६ लाख ५० हजार रुपैयाँ उपलब्ध गराएको माडी पशुसेवा शाखाका प्रमुख मोहन रानाभाटले जानकारी दिए । कृषक पशुपालनतर्फ आकर्षित भएसँगै माडीमा दूध उत्पादनमा वृद्धि भएको छ

287
मनोरञ्जन शर्मा
सोमवार, भदौ १६, २०७६

सुनको मूल्य बढेसँगै नयाँ गहना खरिद भन्दा पूराना गहना बेच्नेको भीड लाग्ने गरेको छ । अघिल्लो हप्ता भैरहवा बैंक रोडस्थित हाम्रो पाल्पाली सुनचाँदी पसलमा एक महिला पैसाको आवश्यकता भएको भन्दै सोहि पसलमा केही समय अघि बनाएको सुनका गहना विक्रीका लागि आइन् । पैसाको आवश्यकता परेको र अहिले मूल्य पनि बढेकाले विक्री गर्न लागेको बताइन् । श्रेष्ठ मात्र होइन अहिले धेरै नयाँ सुन र सुनका गहना किन्ने नभई बिक्री गर्ने अत्यधिक छन् ।

530
कारोबार संवाददाता
सोमवार, भदौ १६, २०७६

आर्थिक वर्ष २०७५÷०७६ मा शोधनान्तर स्थिति ६७ अर्ब ४० करोड रुपैयाँले घाटामा रहेको छ । अघिल्लो वर्ष शोधनान्तर स्थिति ९६ करोड रुपैयाँले बचतमा रहेको थियो । अमेरिकी डलरमा शोधनान्तर स्थिति अघिल्लो वर्ष ११ लाखले घाटामा रहेकोमा समीक्षा वर्षमा ५९ करोड १० लाखले घाटामा रहेको हो ।

320
कारोबार संवाददाता
आइतवार, भदौ १५, २०७६

सरकारले कुनै पनि किसिमको कारोबार गर्न प्यान अनिवार्य गरेपछि धनगढीमा व्यक्तिगत प्यान लिनेहरुको संख्या बढेको छ । आन्तरिक राजश्व कार्यालय धनगढीले साउनयता ४४ दिनमा १७ हजार छ सय ९४ जनालाई व्यक्तिगत प्यान दिएको छ । आर्थिक ऐन २०७६-०७७ भन्दा पहिले पनि सरकारले व्यक्तिगत प्यानको व्यवस्था गरेको भएपनि २०७६ असार मसान्तसम्म जम्मा २८ हजार तीन सय २० जनाले मात्रै व्यक्तिगत प्यान लिएका थिए ।

338
प्रकाश लम्साल
आइतवार, भदौ १५, २०७६

स्थानीय सरकारको सुस्तताका कारण बारामा करोडौं मूल्यका जग्गा किनबेच र पूर्वाधार निर्माण भएका छन् । दशकयता सयौं बिघा जग्गा भूमाफियाको कब्जामा परी सुरु भएको कीर्ते व्यापार दोस्रो तेस्रो ब्यक्तिसम्म किनबेच भइ घर, पूर्वाधारहरू निर्माण भएका छन् । स्थानीय जनप्रतिनिधी आउनुअघि कीर्ते जग्गाको भयावह तथ्यांक थाहा पाएका जनप्रतिनिधिहरूले आफनो अधिकार उपभोग गर्न चुक्दा अहिले पनि कीर्ते काम चलिरहेको छ ।

341
किरण आचार्य
आइतवार, भदौ १५, २०७६

मुलुकभर यो वर्षको वर्षे धान रोपाइँ सकिएको छ । कृषि तथा पशुपंक्षी मन्त्रालयका अनुसार यो वर्ष धान खेतियोग्य जमिनमध्ये ९४.८३ प्रतिशत क्षेत्रमा रोपाइँ भएको छ । यो तथ्यांक गत वर्षभन्दा ७० हजार ८७६ हेक्टर अर्थात् ०.५६ प्रतिशत कम रोपाइ भएको छ ।

388
कारोबार संवाददाता
आइतवार, भदौ १५, २०७६

दूध उत्पादक किसानहरूले तत्काल दूधको मूल्य बढाउन सरकारसंग माग गरेका छन । शनिवार राष्ट्रिय व्यवसायी पशुपालन तथा दूध उत्पादक कृषक समाज, नेपालले पत्रकार सम्मेलन गर्दै यस्तो माग गरेको हो । विगत तीन वर्षदेखि सरकारले दूधको मूल्य यथावत राख्दा किसानहरू मारमा परेको भन्दै समाजले तत्काल मूल्य बढाउन माग राखेको हो । आफुहरको उत्पादन लागतमा बिगत तीनबर्ष यता ३० प्रतिशतभन्दा बढि मूल्यवृद्धि भएको जनाउँदै दूधको मूल्यमा प्रतिलिटर १० रुपैयाँ बढाउनुपर्ने उनीहरूको माग छ ।

348
कारोबार संवाददाता
शुक्रवार, भदौ १३, २०७६

हिमाली जिल्ला मुगुका व्यवसायीलाई कर तर्न छिमेकी जिल्ला जिम्ला जानुपर्ने बाध्यता छ । नगरपालिकामा रहेका व्यवसायीका लागि वार्षिक दुई हजार ५ सय रुपैयाँ र गाँउपालिकामा रहेका व्यवसायीलाई एक हजार पाँच सय रुपैयाँ कर तिर्न १५ हजार रुपैयाँ भन्दा बढी खर्च लाग्ने गरेको छ । आफूहलाई पायक पर्ने स्थानमा करदात कार्यालय स्थापना नहुँदा कर लागत भन्दा बढ खर्च हुने गरेको व्यवसायीहरूले गुनासो गरेका छन् ।

317
नवराज कार्की
शुक्रवार, भदौ १३, २०७६

ओखलढुंगाका स्थानीय तहहरूमा पछिल्ला वर्षहरूमा बेरूजु बढ्दै गएको छ । आर्थिक वर्ष २०७३-०७४ र २०७४-०७५ को महालेखा परीक्षकको लेखापरीक्षण प्रतिवेदनमा आर्थिक सुशासन कमजोर हुँदै गएको तथ्यांक देखिएको छ । बेरूजुलगायतका आर्थिक अनुशासन पालना नगरेको टिप्पणी प्रतिवेदनमा १५ भन्दा बढी बुंदामा उल्लेख भएका छन् ।

272
लक्ष्मण ढुंगाना
शुक्रवार, भदौ १३, २०७६

गत आर्थिक वर्ष २०७५-०७६ मा नेपालगञ्ज नाकाबाट करिब ४९ अर्ब रुपैयाँ बराबरको व्यापार घाटा भएको छ । नेपालगञ्जस्थित जमुनाह नाका हुँदै ५१ अर्ब ७ करोड २५ लाख रुपैयाँभन्दा बढीको सामग्री आयात भएकोमा दुई अर्ब ३६ करोड ८५ लाख रूपैयाँको सामान मात्र निर्यात भएको हो । नेपालगञ्ज भन्सार कार्यालयको तथ्यांक अनुसार गत आवमा ४८ अर्ब ७० करोड ४० लाख रुपैयाँभन्दा बढीको व्यापार घाटा भएको हो । यो अघिल्लो आर्थिक वर्ष २०७४-०७५ को भन्दा करिब आठ अर्ब रुपैया बढी भएको कार्यालयले जनाएको छ । आर्थिक वर्ष २०७४-०७५ मा यस नाकाबाट करिव ४१ अर्ब रुपैयाँ बराबरको व्यापार घाटा भएको थियो ।

299
अमरराज आचार्य
शुक्रवार, भदौ १३, २०७६

चाडपर्व आउन थालेपछि भारतीय नाकाबाट राजश्व छली गरेर काँचो कपडा, फेन्सी सामानलगायतका विभिन्न दैनिक उपभोग्य सामग्रीहरु बजारमा भित्रिन थालेको गुनासो आएपछि व्यवसायीहरुको टोली भन्सार कार्यालयमा पुगेको हो । तुलसीपुर उद्योग वाणिज्य संघका अध्यक्ष वीरबहादुर रावतले नाकामा चेकजाँचमा कडाइ नहुँदा भन्सार नतिरेका दुइ नम्बरी सामानहरू बजारमा देखिन थालेको भन्दै भन्सार प्रमुखको ध्यानाकर्षण गराएका थिए । राजश्व छलेर बजारमा आउँदा आफूहरूले कर तिरेर ल्याएको सामान उपभोक्ताले महंगो मुल्यमा किन्न नचाँहदा व्यवसाय गर्न असहज भएको व्यवसायीहरुको ध्यानाकर्षण पत्रमा उल्लेख छ ।

347
कारोबार संवाददाता
शुक्रवार, भदौ १३, २०७६

नेपाल र भुटानबीचमा तेस्रो द्विपक्षीय व्यापार सम्झौता सम्पन्न भएको छ ।भुटानसँग व्यापार कसरी बढाउन सकिन्छ भनेर दुई देशबीचमा व्यापार सम्झौता भएको हो । उद्योग,वाणिज्य तथा आपूर्ति मन्त्रालयका सहसचिव नवराज ढकाल र भुटानका आर्थिक मामिला मन्त्रालयको व्यापार विभाग निर्देशकसमेत रहेकाउद्योग वाणिज्य मन्त्रालयका सहसचिव सोनाम तेनजिङबीच बिहीबार व्यापार सम्झौतामा हस्ताक्षर भएको हो । व्यापार सम्झौतासँगै भुटानमा व्यापार बढाउनका सहज हुने जनाइएको छ ।

368
रासस
बिहिवार, भदौ १२, २०७६

पछिल्लो डेढ महीनादेखि निकै उतारचढावकाबीच कारोवार हुँदै आएको सुनको मूल्य स्थानीय बजारमा आज फेरि वृद्धि भएको छ । नेपाल सुन चाँदी व्यवसायी महासङ्घका अनुसार आज छापावाला सुनको मूल्यमा रु ८०० ले वृद्धि भई प्रतितोला रु ७३ हजार ४०० कायम भएको छ । बुधबार छापावाल सुन प्रतितोला रु ७२ हजार ६०० मा कारोवार भएको थियो । सो मूल्य नेपालको इतिहासमा अहिलेसम्मकै उच्च हो ।

292
अनुपमा खनाल
बिहिवार, भदौ १२, २०७६

गोरखाका स्थानीय तहहरूले पूर्ण रुपमा सरकारले अनिवार्य गरेको सञ्चित कोष व्यवस्थापन प्रणाली (सुत्र) कार्यान्वयन नगर्दा संघीय सरकारले अुनदान रोकेको छ । आवश्यक सर्त पूरा नभएको भन्दै कोष तथा लेखा नियन्त्रक कार्यालय गोरखाले बजेट रोकेको हो । चालू आर्थिक वर्षको एक महिना बितिसक्दा पनि गोरखाका स्थानीय तहले संघीय सरकारबाट पाउने वित्तिय समानीकरण अनुदानको बजेट नपाएको कोष तथा लेखा नियन्त्रक कार्यालय गोरखाले जनाएको छ ।

344