मीनकुमार नवोदित
बिहिवार, असार ११, २०७७

विराटनगर महानगरपालिकाले आगामी आर्थिक वर्षका लागि चालू आर्थिक वर्षभन्दा झण्डै पौने २ अर्ब रुपैयाँ कमको बजेट सार्वजनिक गरेको छ । प्रदेश प्रमुख सोमनाथ अधिकारी ‘प्यासी’को उपस्थितिमा बुधबार महानगरपालिकाले आर्थिक वर्ष ०७७÷०७८ का लागि ३ अर्ब ३७ करोड ८१ लाख १० हजार रुपैयाँको बजेट सार्वजनिक गरेको हो । जुन चालू आर्थिक वर्षको भन्दा १ अर्ब ७४ करोड ४९ लाख ८० हजार कम हो ।

342
नीरज पिठाकोटे
बिहिवार, असार ११, २०७७

वीरगन्ज महानगरपालिकाले आगामी आर्थिक वर्ष २०७७-०७८ मा कुल ३ अर्ब ८६ करोड ५१ लाख ९० हजार ३ सय ३५ रुपैयाँको बजेट सार्वजनिक गरेको छ । बुधबार सार्वजनिक गरेको बजेटमा चालूतर्फ १ अर्व ६२ करोड ६९ लाख १८ हजार अर्थात ४२.०९ प्रतिशत, पुँजीगततर्फ २ अर्व १७ करोड ४६ लाख ७२ हजार अर्थात ५६.२६ प्रतिशत र वित्तीय व्यवस्थातर्फ ६ करोड ३६ लाख अर्थात १.६५ प्रतिशत खर्च हुने अनुमान गरिएको छ ।

359
कारोबार संवाददाता
बुधवार, असार १०, २०७७

ट्रान्सपरेन्सी इन्टरनेसनल नेपालले स्वास्थ्य सामग्री खरिदमा सरकारका निकायहरुले अनियमितता गरेको आशंका गरेको छ । अपारदर्शी ढंगले हतार हतारमा स्वास्थ्य सामग्री आपूर्ति गर्न अनुभवहीन ओम्नी समूहलाई ठेक्कापट्टा दिनु र सो समूहले समयमै सामग्री आपूर्ति गर्न नसक्नु तथा आपूर्ति गरिएका सामग्रीहरु पनि अत्यधिक महँगो तथा कम गुणस्तरका हुनुले उक्त ओम्नी समूहसँग गरिएको ठेक्कापट्टा असल मनसायले गरिएको थियो भनी विश्वस्त रहने अवस्था नदेखिएको ट्रान्सपरेन्सीले आरोप लगाएको छ ।

241
कारोबार संवाददाता
बुधवार, असार १०, २०७७

कोरोना नियन्त्रणका लागि प्रदेश–१ सरकारले हालसम्म झण्डै २० करोड रुपैयाँ खर्च गरेको छ । प्रमुख प्रतिपक्ष दल नेपाली कांग्रेसले कोरोना नियन्त्रणका लागि भएको गरिएको खर्च सार्वजनिक गर्न माग गर्दै सोमबारको प्रदेशसभा बैठक अवरुद्ध पारेको थियो । कांग्रेसको मागअनुसार मंगलबारको प्रदेशसभा बैठकमा प्रदेश सरकारका तर्फबाट आन्तरिक मामिला तथा कानुनमन्त्री हिक्मतकुमार कार्कीले खर्च विवरण सार्वजनिक गरेका हुन् ।

233
भगवान खनाल
बिहिवार, असार ११, २०७७

आगामी आर्थिक वर्ष २०७७-७८ को लागि ७ सय ५३ स्थानीय तहमध्ये अधिकांशले बुधबार बजेट सार्वजनिक गरेका छन् । स्थानीय सरकार सञ्चालन ऐन, २०७४ को दफा ७१ को उपदफा (१) तथा अन्तर सरकारी वित्त व्यवस्थापन ऐन, २०७४ को दफा २१ उपदफा(३) ले गाउँ कार्यपालिका र नगर कार्यपालिकाले प्रत्येक असार महिनाको दश गते भित्र आगामी आर्थिक वर्षको राजस्व र व्ययको अनुमान सम्बन्धित गाउँ-नगरसभामा पेश गर्नुपर्ने प्रावधानअनुसार बुधबार अधिकांश स्थानीय तहले बजेट सार्वजनिक गरेका हुन् । स्थानीय निर्वाचनपछि जनप्रतिनिधिले चौथो पटक बजेट ल्याएका हुन् ।

453
मनिषा चम्लागाईँ
बिहिवार, असार ११, २०७७

सरकारले गत साता मरिच आयात खुला ग-यो । तर, स्वदेशी मरिचले नै बजार पाउन सकेको छैन । पूर्वी नेपालका किसानले उत्पादन गरेको मरिच बिक्री नहुँदै सरकारले गत चैत अन्तिम साता लगाएको मरिच आयातमाथिको प्रतिबन्ध असार पहिलो साता नै खुला गरेपछि स्थानीय किसान निराश छन् ।

617
गोपाल पोखरेल
बुधवार, असार १०, २०७७

कोरोना भाइरस नियन्त्रणलाई पहिलो प्राथमिकतामा राख्दै उदयपुरका स्थानीय तहले आगामी आव ०७७÷७८ कोे नीति तथा कार्यक्रम प्रस्तुत गरेका छन् । बुधबार भएको पाँचौ नगरसभामा जिल्लाका बेलका, त्रियुगा र चौदण्डीगढी नगरपालिकाका साथै लिम्चुङ्बुङ र रौतामाई गाउँपालिकाले आगामी वर्षको बजेटमा कोरोना भाइरस नियन्त्रणलाई प्राथमिकतामा राखेका हुन् । सदरमुकामस्थित ंत्रियुगा नगरपालिकामा आव ०७७÷७८ का लागि ‘स्वास्थ्य शिक्षित हाम्रो सहर, समुन्नत समावेशी समृद्व त्रियुगा नगर’ भन्ने नीति तथा कार्यक्रमसहितको बजेट प्रस्तुत गरेको छ । नगर प्रमुख बलदेव चौधरीले आव ०७७÷७८ का लागि १ अर्ब २ करोड ७ लाख ९६ हजार रुपैयाँको बजेट प्रस्तुत गरे । नगरप्रमुख चौधरीेले भने, “चालू आवमा ९९ करोड ५८ लाख २० हजार रुपैयाँको बजेट थियो ।” चालूतर्फ ६१ करोड ८ लाख ९२ हजार र पुँजीगत खर्चतर्फ २५ करोड १४ लाख २८ हजार रुपैयाँकोे बजेट विनियोजन गरेको उनले बताए । चालूमा करिब २६ प्रतिशत र पुँजीगततर्फ ७४ प्रतिशत बजेट विनियोजन गरिएको उनको भनाइ छ । बेलका नगरपालिकाले ६७ करोड रुपैयाँको अनुमानित बजेट प्रस्तुत गरेको छ । नगर प्रमुख दुर्गाकुमार थापाले ‘उत्पादनको दोस्रो वर्ष, कोरोनाविरुद्धको स्वास्थ्य संघर्ष’ भन्ने नीति तथा कार्यक्रमसहितको सो बजेट प्रस्तुत गरेका हुन् । उनले कोरोनाविरुद्धको संघर्षका लागि नीति तथा कार्यक्रम प्रस्तुत गरेको बताए । “कोरोना नियन्त्रणको प्रभावकारी कार्ययोजना निर्माण र कार्यान्वयन, कृषि उपजको उचित मूल्यांकन गरी किसान लक्षित कार्यक्रम सञ्चालन गरिनेछ,” उनले भने, “सबै वडाको जग्गा नापी गर्ने योजना, रोजगार अभिवृद्धि कोष स्थापना, सञ्चालन र सबै वडा कार्यालयको भवन निर्माणलगायतका कार्यक्रम समेटिएको छ ।” चौदण्डीगढी नगरपालिकाका प्रमुख खगेन्द्र राईले आव ०७७÷७८ का लागि ६७ करोडको बजेट प्रस्तुत गरेका छन् । उनले कृषि, शिक्षा, स्वास्थ्य र सडक निर्माणलाई प्राथमिकतामा राखेर बजेट तयार गरिएको बताए । “बेल्टारमा कोरोना अस्पताल निर्माणका लागि तत्काल ५० लाख निकासा गर्ने गरी नीति तथा कार्यक्रम प्रस्तुत गरेका छौं,” उनले भने । रौतामाई गाउँपालिकाका प्रमुख गजेन्द्रबहादुर खड्काले आव ०७७÷७८ का लागि ४६ करोड ९७ लाखको बजेट तथा कार्यक्रम प्रस्तुत गरे । “कोरोना नियन्त्रण, कृषि तथा पशुपालन र वैदेशिक रोजगारबाट फकिएका युवाका लागि रोजगार प्रवद्र्धन कार्यक्रमलाई प्राथमिकतामा राखेका छौं,” उनले भने । लिम्चुङ्बुङ् गाउँपालिकाका प्रमुख मेजरकुमार राईले २० करोड ६२ लाख ५६ हजार रुपैयाँको अनुमानित बजेट प्रस्तुत गरेका छन् । कोरोना नियन्त्रण कोष सञ्चालनमा १ करोड, चालू खर्चमा ५ करोड तथा कोसी करिडोर सडक निर्माणलगायत अन्य पूर्वाधार निर्माणमा १५ करोड रुपैयाँ विनियोजन गरिएको उनले बताए । कटारी नगरपालिकाले भने नगरप्रमुख अस्वस्थ भएकाले बुधबार नीति तथा कार्यक्रम सार्वजनिक गर्न सकेन । कटारीले एक सातापछि मात्र कार्यक्रम प्रस्तुत गर्ने जानकारी दिएको छ ।

397
सागर परियार
बुधवार, असार १०, २०७७

जुम्लाका स्थानीय तहले बुधबार एकै साथ नीति कार्यक्रम तथा बजेट प्रस्तुत गरेका छन् । यहाँको हिमा गाउँपालिका बाहेक एक नगरपालिका र ६ गाउँपालिकाले बुधबार बजेट प्रस्तुत गरेका हुन् । कृषि, स्वास्थ्य, रोजगारी तथा पूर्वाधारलाई मुख्य प्रथामिकता दिदै जुम्लाका स्थानीयतहले नीति र बजेट ल्याएको पाईन्छ ।

443
कारोबार संवाददाता
बुधवार, असार १०, २०७७

आर्थिक वर्ष २०७७-०७८ का लागि नीति, कार्यक्रम र बजेट तयार गरी नगर-गाउँ सभामा प्रस्तुत गर्न तयार भएका स्थानीय सरकारका उपप्रमुखहरुले स्वास्थ्य, कृषि र आयआर्जनका कार्यक्रमलाई विशेष प्राथमिकतामा राखेको बताएका छन् । उनीहरुले कोरोनालगायतका महामारीसँग लड्न, महामारीका कारण नागरिकको आयआर्जनमा आएको गिरावटलाई उठाउन स्वास्थ्य, कृषि र आयआर्जनका क्षेत्रमा नीति, कार्यक्रम र बजेट फोकस गरेको बताए ।

404
कारोबार संवाददाता
बुधवार, असार १०, २०७७

खाद्य अधिकार सञ्जालले कोरोनाका कारण आउन सक्ने खाद्य संकट झेल्न ‘कृषि उत्पादन बढाऔं, खाद्यान्नमा आत्मनिर्भर बनौं’ कार्यक्रम सञ्चालन गर्न स्थानीय तहहरुसँग माग गरेको छ ।

408
अमरराज आचार्य
बुधवार, असार १०, २०७७

दाङमा प्रदेश नं ५ सरकारले आव ०७७÷७८ का लागि ३३ करोड ९१ लाख ६३ हजार बजेट विनियोजन गरेको छ । जिल्लाका १० वटा स्थानीय तहका लागि यस प्रकारको बजेट विनियोजन गरिएको हो । जसमा वित्तीय समानीकरणतर्फ ५ करोड ८१ लाख ६३ हजार, सशर्त अनुदानतर्फ २१ करोड ६० लाख र विशेष अनुदानतर्फ ६ करोड ५० लाख रकम विनियोजन गरिएको छ । प्रदेश सरकारले स्थानीय तहहरूमा वितीय समानीकरण, सशर्त अनुदान, विशेष अनुदान र समपूरक शीर्षकमार्फत यो रकम छुटयाएको प्रदेश सरकारले प्रकाशन गरेको रातो किताबमा उल्लेख गरिएको छ । घोराही उपमहानगरपालिकामा ८ करोड ४८ लाख २३ हजार विनियोजन गरिएको छ ।

424
कारोबार संवाददाता
बुधवार, असार १०, २०७७

आगामी आर्थिक वर्षको मौद्रिक नीतिले कृषि क्षेत्रका लागि मात्रै ५० अर्बको पुनर्कर्जाको व्यवस्था गर्नुपर्ने सरोकारवालाहरुले बताएका छन् । आगामी मौद्रिक नीतिमा कृषि क्षेत्र विषय नेपाल आर्थिक पत्रकार समाज (सेजन) ले गरेको अन्तरक्रियामा गोल्यान गु्रपका अध्यक्ष पवन गोल्यानले कृषि क्षेत्रका लागि मात्रै ५० अर्बको पुनर्ककर्जाको व्यवस्था हुनुपर्ने बताए ।

391
निरु अर्याल
बुधवार, असार १०, २०७७

आर्थिक वर्षको अन्तिमतिर विकास बजेट ठूलो परिमाणमा खर्च हुने परम्परा चालू आर्थिक वर्षमा रोकिएको छ । खर्चको प्रवृत्ति हेर्दा यस वर्ष उल्टो अवस्था देखिन्छ । कोरोना महामारीले अर्थतन्त्र शिथिल भएपछि चालू आर्थिक वर्षमा सरकारको विकास खर्च न्यून देखिएको छ भने चालू खर्च हवात्तै बढेको छ ।

522
कारोबार संवाददाता
बुधवार, असार १०, २०७७

पछिल्लो समय बजारमा पेट्रोलियम पदार्थको खपत बढ्न थालेको छ । लकडाउनको मोडालिटी परिवर्तन भएसँगै इन्धन खपत पनि बढ्न थालेको हो । नेपाल आयल निगमका प्रवक्ता वीनितमणि उपाध्यायले दिनहुँजसो इन्धनको खपत बढ्न थालेको बताए ।

644
कारोबार संवाददाता
मंगलबार, असार ९, २०७७

विश्वभरि महामारीका रूपमा फैलिएको कोरोना भाइरसको रोकथाम र नियन्त्रणका लागि म्याग्दीको बेनी नगरपालिकाले ६८ लाखभन्दा बढी खर्च गरेको छ । बेनीमा क्वारेन्टाइन सञ्चालन व्यवस्थापन, आइसोलेसन कक्ष स्थापना, राहत वितरण, स्वास्थ्य सामग्री खरिदलगायतको क्षेत्रमा अहिलेसम्म ६८ लाख २३ हजार १ सय २८ रुपैयाँ खर्च भएको नगरपालिकाले जनाएको छ ।

459