सुब्बा कार्की
आइतवार, असार १४, २०७७

रौतहटको १८ स्थानीय तहमध्ये १० वटा स्थानीय तहले आर्थिक वर्ष ०७७÷७८ को बजेट पारित गरेको छ । स्थानीय सरकार सञ्चालन, ऐनअनुसार असार १० गतेभित्र आगामी आवको नीति तथा कार्यक्रम र बजेट प्रस्तुत गरी पारित गरिसक्नुपर्ने प्रावधानअनुसार चन्द्रपुर, मौलापुर, दुर्गा भगवती, वृन्दावन, गढीमाई, माधवनारायण, राजपुर, गौर, परोहा, यमुनामाईसहित १० वटा स्थानीय तहले बजेट प्रस्तुत गरी पास गरेका छन् ।

277
राजेन्द्र बस्नेत
आइतवार, असार १४, २०७७

गजुरी गाउँपालिकाले प्रस्तुत गरेको आर्थिक वर्ष ०७७-७८ को नीति तथा कार्यक्रम कृषिमा केन्द्रित रहेको छ । कोरोना भाइरसका कारण आमनागरिकको दैनिक जनजीवन र अर्थतन्त्रमा पर्न गएको नकारात्मक असरलाई ख्याल गरी आमनागरिकलाई स्वस्थ राखेर उत्पादनशील क्षेत्रमा लगाउन कृषि केन्द्रित नीति कार्यक्रम ल्याएको अध्यक्ष राजेन्द्रविक्रम बस्नेतले बताए ।

415
केशव समर्पण
आइतवार, असार १४, २०७७

मकवानपुरका १० वटा स्थानीय तहमध्ये ९ वटाले असार १० गते आगामी आर्थिक वर्ष २०७७-०७८ को बजेट सार्वजनिक गरे । चालू वर्षको तुलनामा सबै स्थानीय तहको बजेटको आकारमा वृद्धि भएको छ तर, स्रोतमा परनिर्भरता भने कायमै गहिरिँदै गएको देखिन्छ । केही निश्चित आन्तरिक आम्दानीबाहेक प्रदेश र संघीय सरकारको अनुदानकै भरमा स्थानीय सरकारहरुले बजेट बनाएका छन् । एक उपमहानगर, एक नगरपालिका र ८ वटा गाउँपाालिका रहेको मकवानपुरका सबै स्थानीय तहरुको आन्तरिक आम्दानीको हिस्सा कुल आम्दानीको बढीमा १० प्रतिशतको हाराहारीमा देखिन्छ ।

263
गोविन्द खत्री
आइतवार, असार १४, २०७७

आगामी आर्थिक वर्षको बजेटमा प्रशासनिक खर्च घटाइएको दावी गरेको कर्णाली प्रदेश सरकारले स्थानीय तहका जनप्रतिनिधिको सेवा सुविधा भने झण्डै दोब्बर बढाउने तयारी गरेको छ । आन्तरिक मामिला तथा कानुन मन्त्रालयले स्थानीय तहका सबै जनप्रतिनिधिहरुको सेवा सुविधा वृद्धि गर्नेगरी प्रदेशसभा सचिवालयमा जनप्रतिनिधिको सुविधासम्बन्धी विधेयकमा संशोधन विधेयकको मस्यौदामा पेश गरेको हो ।

357
कारोबार संवाददाता
आइतवार, असार १४, २०७७

स्याङ्जाको वालिङ नगरपालिकाले आगामी आर्थिक वर्ष २०७७-०७८ का लागि ८० करोड ९२ लाख ५४ हजार ८ सय २२ बजेट सार्वजनिक गरेको छ । नगरपालिकाका उपप्रमुख कल्पना तिवारीले आठौं नगरसभामा बजेट तथा कार्यक्रम सार्वजनिक गरेकी हुन् । नगरपालिकाको आन्तरिक आय (विभिन्न शीर्षक) तर्फ ५ करोड ३३ लाख, स्रोत उपयोगबाट प्राप्त बाँडफाँड (राजस्व बाँडफाँड) संघीय सरकारबाट १० करोड २२ लाख ६७ हजार ८ सय २२ विनियोजन गरिएको छ ।

212
मुकेश चौधरी
आइतवार, असार १४, २०७७

सुदूरपश्चिम प्रदेशका प्रतिपक्षी दलहरु प्रदेश सरकार स्थापना भएदेखि हरेक वर्ष बजेट आउँदा निकै कडा बन्छन् । आर्थिक वर्ष २०७६-७७ को बजेटप्रति असन्तुष्ट भएको प्रमुख प्रतिपक्षी दल नेपाली कांग्रेस र राष्ट्रिय जनता पार्टी (राजपा) का सांसद्हरुले रातो किताव समेत जलाएर र २१ दिनसम्म सदन नै चल्न दिएनन् । अन्तमा ‘राजनीतिक भद्र सहमती’ को नाममा प्रतिपक्षीको आन्दोलन रोकियो । सांसदहरुले भनेका केही योजना राखेर बजेट द्रुत मार्गबाट पास गरियो ।

201
निरु अर्याल
आइतवार, असार १४, २०७७

सरकारले विभिन्न मुलुकबाट सामान पैठारी गरेबापत ९८ संस्थालाई पौने सात अर्ब राजस्व छुट दिएको छ । आर्थिक ऐन २०७६ को दफा १८ लाई टेकेर सरकारले स्वदेशी तथा विदेशी गरी विभिन्न ९८ संस्थालाई पौने ७ अर्ब रुपैयाँ बराबरको राजस्व छुट दिएको हो ।

780
सागर परियार
शुक्रवार, असार १२, २०७७

जुम्लाका स्थानीय तहले बुधबार एकै साथ नीति कार्यक्रम तथा बजेट प्रस्तुत गरेका छन् । यहाँको हिमा गाउँपालिका बाहेक एक नगरपालिका र ६ गाउँपालिकाले बुधबार बजेट प्रस्तुत गरेका हुन् । कृषि, स्वास्थ्य, रोजगारी तथा पूर्वाधारलाई मुख्य प्राथमिकता दिँदै जुम्लाका स्थानीय तहले नीति तथा बजेट ल्याएका छन् । कोरोना महामहारीलाई मध्यनजर गर्दै कृषि, स्वास्थ्य सबै तहको मुख्य प्राथमिकतामा परेको छ ।

299
कारोबार संवाददाता
शुक्रवार, असार १२, २०७७

धनकुटाका ७ वटै स्थानीय तहले आगामी आव २०७७-७८ का लागि बजेट प्रस्तुत गरेका छन् । धनकुटा नगरपालिकाले कृषि, पर्यटन, र स्वाथ्यलाई प्राथमिकतामा राखेर ६१ करोड ७९ लाख ४६ हजार बराबरको बजेट प्रस्तुत गरेको छ ।

310
महेन्द्र सापकोटा
शुक्रवार, असार १२, २०७७

दैलेखका स्थानीय तहले आगामी आव ०७७-७८ का लागि बजेट सार्वजनिक गरेका छन् । असार १० गते बजेट प्रस्तुत गर्नुपर्ने संवैधानिक व्यवस्था भए पनि कोरोनाका कारण ११ दैलेखका अधिकांश स्थानीय तहले बजेट सार्वजनिक गरेका हुन् । स्थानीय तहले केन्द्रीय सरकारले दिएको वित्तीय समानीकरण अनुदान, सशर्त अनुदान, समपूरक अनुदान, विशेष अनुदान र राजस्व बाँडफाँडबाट आएको आर्थिक सहयोग तथा आफ्नै राजस्वको अनुमानको आधारमा बजेट प्रस्तुत गरेका छन् । दैलेखको महाबु गाउँपालिकाले ३७ करोड ४५ लाख बढीको बजेट सार्वजनिक गरेको छ ।

312
मनोरञ्जन शर्मा
शुक्रवार, असार १२, २०७७

रुपन्देही जिल्लाका १६ स्थानीय तह मध्ये १२ वटा स्थानीय तहले आर्थिक वर्ष २०७७÷०७८ का लागि ल्याएको बजेटको आकार १० अर्ब १ करोड ९८ लाख रुपैयाँ बराबरको रहेको छ ।

267
कारोबार संवाददाता
शुक्रवार, असार १२, २०७७

कोरोना भाइरस नियन्त्रण र पुनः विकास निर्माणमा फर्कने प्रतिवद्धतासहित पाँचथरका स्थानीय तहहरुले आगामी आर्थिक वर्ष २०७७-०७८ का लागि नीति, कार्यक्रम तथा बजेट प्रस्तुत गरेका छन् । कोरोना महामारी नियन्त्रण प्रमुख र कृषिलाई प्राय स्थानीय तहहरुले प्रमुख प्राथमिकतामा राखेका छन् ।

241
कारोबार संवाददाता
शुक्रवार, असार १२, २०७७

ग्रामिण भेगका जनताको आर्थिक रुपमा विकास गराउने योजना नारामै मात्र सिमित देखिन्छ । जनतालाई रोजगारसँगै व्यवसायिक उत्पादनमुलक खेतीमा जोड दिएर खाद्यान्नमा आत्मनिर्भर बनाउने लक्ष स्थानीय तहको नीति तथा कार्यक्रममा सिमित छ । हिमाली जिल्ला म्याग्दीको स्थानीय तहको बजेट २ अर्ब ६४ करोड रहेको छ । कृषि, पशुपालन, जलस्रोत, पर्यटन क्षेत्रका पुर्वाधार विकास र रोजगारमुलक क्षेत्रमा बजेट भनिए पनि पालिकाले उत्पादनमुलक खाद्यान्न आत्मनिर्भर योजना हरके आर्थिक वर्ष नारामै सिमित भएको छ ।

311
कारोबार संवाददाता
शुक्रवार, असार १२, २०७७

आगामी आर्थिक वर्षका लागि लमजुङका ६ वटा स्थानीय तहहरुले नीति तथा कार्यक्रमसँगै बजेट सार्वजनिक गरेका छन् । आठ स्थानीय तह रहेको लमजुङमा दुई नगरपालिका र चार गाउँपालिकाले समयसिमा भित्रै बजेट सार्वजनिक गरेका हुन् । असार १० गते भित्र नीति तथा कार्यक्रम र बजेट सार्वजनिक गर्नुपर्ने कानुनी प्रावधान अनुरुप स्थानीय तहहरुले आगामी आर्थिक वर्षका लागि बजेट सार्वजनिक गरेका हुन् । दुई नगरपालिकाले बजेट सार्वजनिक नगरेपनि कानुनी बाधा फुकाउँदै नीति तथा कार्यक्रम मात्रै ल्याएका हुन् ।

215
अनुपमा खनाल
शुक्रवार, असार १२, २०७७

गोरखाका–८ वटा स्थानीय तहले आगामी आर्थिक वर्ष २०७७-७८ का लागि नीति तथा कार्यक्रम र बजेट सार्वजनिक गरेका छन् । ११ स्थानीय तह रहेको गोरखामा चुमनुब्री, सिरानचोक र गण्डकी गाउँपालिका बाहेक अन्य पालिकाहरूले आगामी आर्थिक वर्षको नीति, कार्यक्रम र बजेट आ–आफ्ना गाउँ र नगरसभामा पेस गरेका छन् । असार १० भित्र आ–आफ्ना सभामा नीति, कार्यक्रम तथा बजेट पेस गर्नुपर्ने व्यवस्था रहे पनि तीन पालिकाले सार्वजनिक गर्न बाँकी छ ।

294