सरस्वती ढकाल
सोमवार, फाल्गुन ५, २०७६

प्रधानमन्त्री केपी शर्मा ओलीले शनिबार संघीय संसद्को प्रतिनिधिसभामा वैदेशिक लगानी उत्साहजनक रुपमा वृद्धि भएको दावी गरे पनि तथ्यांक भने ठीक उल्टो छ । प्रधानमन्त्रीले प्रतिनिधिसभा बैठकमा आफ्नो नेतृत्वको सरकारका दुई वर्षे उपलब्धिहरु बुँदागत रुपमा सार्वजनिक गरेको भोलिपल्टै सरकारको आर्थिक सल्लाहकार नेपाल राष्ट्र बैंकले सार्वजनिक गरेको तथ्यांकमा भने वैदेशिक लगानी उत्साहजनक रुपमा वृद्धि नभएको देखाउँछ । प्रधानमन्त्रीले सम्बोधनमा भनेका छन्, “विदेशी तथा आन्तरिक लगानी प्रतिवद्धतामा उत्साहप्रद वृद्धि हुँदै गएको छ । चालू वर्षमा मात्र झण्डै २ खर्ब रुपैयाँको लगानी प्रतिवद्धता थपिएको छ ।

115
निरु अर्याल
सोमवार, फाल्गुन ५, २०७६

तीन तहका सरकारले सवारीसाधान खरिदमै अर्बौ रुपैयाँ बजेट सकेको र त्यसमा पनि करोडौं आर्थिक अनियमितता भएको गुनासो आएपछि सरकारले अब कार्यालय प्रमुख बस्ने कोठा, उनीहरूले प्रयोग गर्ने सवारीसाधनको मापदण्ड तोक्ने भएको छ । सवारीसाधन खरिदमा व्यापक अनियमितता भएको र वित्तीय अराजकता बढेको भन्दै सरकारले वित्तीय अनुशासन कायम गर्न यस्तो मापदण्ड तोक्न लागेको हो ।

252
अमरराज आचार्य
आइतवार, फाल्गुन ४, २०७६

जिल्लामा आएको विकास बजेट न्यून मात्रामा खर्च भएको छ । चालू आव ०७६÷७७ को ७ महिना सकिँदासमेत विकास बजेट न्यून मात्रामा खर्च भएको छ । जिल्लामा आएकोे संघीय सरकार तथा प्रदेश सरकारबाट आएको विकास बजेटको २५ प्रतिशत रकम पनि खर्च हुन सकेको छैन । ७ महिनाको अवधिमा करिब ६० प्रतिशत रकम खर्च हुनुपर्ने भए पनि २५ प्रतिशतसम्म पनि खर्च हुन सकेको छैन । जिल्लामा संघीय सरकारबाट आएको विकास बजेटमध्ये २०.७८ प्रतिशतमात्र खर्च भएको कोष तथा लेखा नियन्त्रण कार्यालय दाङले जनाएको छ । जिल्लामा संघीय सरकारबाट विकास बजेट ३ अर्ब ९८ लाख ७१ लाख ५९ हजार बजेट आएको थियो ।

228
कारोबार संवाददाता
आइतवार, फाल्गुन ४, २०७६

नेपाल उद्योग वाणिज्य संघका उपाध्यक्ष चन्द्रप्रसाद ढकालले प्रादेशिक रुपमा सञ्चालन हुने आयोजनाहरुको स्थापना र सञ्चालनका लागि प्रदेश सरकारले नै अनुमति दिने, कतिपय प्रक्रियागत कुराहरुमा हुने झमेला कम गरिदिने र अहिलेको परम्परागत शैलीमा परिवर्तन गर्ने हो भने नेपालमा लगानीका सम्भावनाहरु थप बढ्ने बताएका छन् ।

282
निरु अर्याल
आइतवार, फाल्गुन ४, २०७६

सत्तारुढ दलभित्रबाटै विवादमा ल्याइएको अमेरिकी सहयोगको मिलिनियम च्यालेन्ज कर्पोरेसन (एमसीसी) अन्तर्गतका परियोजना सञ्चालनमा ल्याइ पाँच वर्षभित्रैै पूरा गर्ने प्रतिवद्धता प्रधानमन्त्री केपी शर्मा ओलीले व्यक्त गरेका छन् । प्रधानमन्त्री ओलीले सरकारको दुई वर्ष पूरा भएको अवसरमा शनिबार संसद्मा सम्बोधन गर्दै एमसीसी अन्तर्गतका योजना महात्वाकांक्षीमात्र नभएर नेपालको विकासमा कोसेढुंगा सावित हुने दावीसमेत गरे ।

385
कारोबार संवाददाता
शुक्रवार, फाल्गुन २, २०७६

सुदूरपश्चिम प्रदेश सभाको अर्थ विकास तथा प्राकृतिक स्रोत समितिले साझेदारी व्यवसाय दर्ता गर्ने सम्बन्धमा व्यवस्था गर्न बनेको विधेयक २०७६ माथि भिडियो कन्फरेन्समार्फत सुझाव लिएको छ । अर्थ समितिले बिहीबार भिडियो कन्फरेन्समार्फत नौवटै जिल्लाका जिल्ला समन्वय समिति र उद्योग वाणिज्य संघहरूबाट सो विधेयकका प्रावधानको विषयमा राय सुझाव लिएर प्रतिवेदन तयार गरेको हो । अर्थ समितिका सभापति हर्कबहादुर कुँवरले विधेयकमाथि दफवार छलफल गर्दै जिल्ला समन्वय समिति र उद्योग वाणिज्य संघका प्रतिनिधिसँग सुझाव लिएको बताए । उनले अछाम, बाजुरा, डोटी र बैतडीबाट महत्वपूर्ण सुझाव आएको बताए ।

243
सागर परियार
शुक्रवार, फाल्गुन २, २०७६

स्थानीय सरकार सञ्चालन ऐन २०७४ को दफा १६ उपदफा ४ बमोजिम योजनाको अनुगमन तथा सुपरिवेक्षण गर्ने जिम्मेवारी उपमेयर तथा उपाध्यक्षलाई तोकेको छ । साथै, स्थानीय सरकार सञ्चालन ऐन २०७४ को दफा ४७ को उपदफा १ ले न्यायिक समितिको संयोजक पनि उपमेयर तथा उपाध्याक्षलाई नै तोकेको छ भने अनुगमन संयोजकको अनुगमन बिना कुनै पनि योजनाको भुक्तानी नहुने व्यवस्था छ ।

354
कारोबार संवाददाता
शुक्रवार, फाल्गुन २, २०७६

बेंसीसहर नगरपालिकाले चालू आवको ६ महिनामा डेढ करोडभन्दा बढी आन्तरिक राजस्व संकलन गरेको छ । चालू आव ०७६-७७ को अर्धवार्षिक प्रगतिअनुसार नगरपालिकाले आन्तरिक आयतर्फ विभिन्न शीर्षकमा १ करोड ५७ लाख ३० हजार रुपैयाँ राजस्व संकलन गरेको हो । जसमध्ये सबैभन्दा धरै एकीकृत सम्पत्ति कर उठ्ने गरेको नगरपालिकाले जनाएको छ । त्यस्तै नक्सापास, घरबाटो सिफारिस लगायतका सिफारिस शुल्क, अभिलेखीकरण, व्यवसाय कर, बहाल करलगायत अन्य क्षेत्रबाट पनि राजस्व संकलन भएको नगरपालिकाकाका कार्यक्रम अधिकृत मेघेन्द्र पोख्रेलले जानकारी दिए ।

298
रासस
शुक्रवार, फाल्गुन २, २०७६

बागमती प्रदेश सरकारले कृषि व्यवसायको प्रवद्र्धन गर्न भन्दै विभिन्न १० कृषि केन्द्रलाई एक÷एक करोड रुपैयाँका दरले अनुदान वितरण गर्ने भएको छ । प्रदेशको भूमि व्यवस्था, कृषि तथा सहकारी मन्त्रालयअन्तर्गतको कृषि विकास निर्देशनालयले व्यावसायिकरूपमा काम गर्ने कृषि केन्द्रलाई अनुदान वितरणका लागि सम्झौता गरेको हो ।

235
कारोबार संवाददाता
शुक्रवार, फाल्गुन २, २०७६

जिल्ला समन्वय समिति ओखलढुंगाले गरेको छुट्टाछुट्टै तीनवटा योजनाको अनुगमनमा ५३ लाखभन्दा बढी अनियमितता भेटिएको छ । समितिले एक विज्ञप्ति सार्वजनिक गर्दै अनियमितताको खुलासा गरेको हो । चालू आर्थिक वर्षमा समितिले मोलुङ एकवार हर्कपुर पात्ले सडक आयोजना, निशंखे खेलमैदान निर्माण योजना र ढुस्के पोक्तिङखोला वरुणेश्वर सडक निर्माण योजनामा अनुगमन गरेको थियो । जसमध्ये ढुस्के पोक्तिङखोला वरुणेश्वर सडक निर्माण योजनामा सबैभन्दा बढी अनियमितता भेटिएको छ ।

197
कारोबार संवाददाता
शुक्रवार, फाल्गुन २, २०७६

अख्तियार दुरूपयोग अनुसन्धान आयोगले अझै ८६ अर्ब ४४ करोड बरारबका १२ सय २ आयोजना अझै रुग्ण अवस्थामा रहेको जनाएको छ । एक वर्षअघिको माघमा नेपाल सरकारद्वारा सञ्चालन भएका आयोजनाहरूमा निर्माण कार्यको ठेक्का व्यवस्थापनको अवस्था, अध्ययन तथा विश्लेषण गरेर १ खर्ब १८ अर्ब बराबरका १ हजार ८ सय ४८ योजनाहरू ठेक्का सम्झौता भएर रुग्ण भएको प्रतिवेदन सार्वजनिक गरेको अख्तियारले अझै यति धेरै रुग्ण रहेको देखाएको हो । अख्तियारले रुग्ण ठेक्काहरू अघि बढाउनका लागि दिएको सुझावहरूको आधारमा एक वर्षभित्र मौजुदा अवस्थाको विवरण समेत समावेश गरिएको अद्यावधिक प्रतिवेदन सार्वजनिक गर्दै अख्तियारले सरकारलाई ठेक्का प्रणाली सुधारका लागि भन्दै २७ बुँदे सुझाव दिइएको छ ।

406
सागर परियार
बिहिवार, फाल्गुन १, २०७६

उपमेयर अस्परादेवि न्यौपानले मंगलबार पत्रकार सम्मेलन गरी आफुमाथि लगाएका आरोपहरुको खण्डन गर्दै मेयर कान्तिका सेजुवाले प्रमाण बिना चरित्रहत्या गर्ने काम भएको बताएकी छन् । मेयर सेजुवालले विहिबार विहान पत्रकार सम्मेलन गरी बजेट विनियोजन, योजना अनुगमन, देखि सवारी साधन प्रयोगको सन्दर्भमा दुईजनाको संलग्नता रहेको दाबी गरेकी छन् ।

1221
रासस
बिहिवार, फाल्गुन १, २०७६

सुक्खा बन्दरगाह निर्माणको विषयलाई लिएर भ्रमपूर्ण अपवाह फैलिँदा कञ्चनपुरको महाकाली नगरपालिका–७ कञ्जभोजमा स्थापना हुने सुक्खा बन्दरगाह निर्माणमा ढिलाइ भएको छ । १२ वर्षअघि सरकारले कञ्चनपुरको कञ्जभोजमा सुक्खा बन्दरगाह निमार्ण गर्ने प्रस्ताव गरेको भए पनि पछिल्लो दुई वर्षयता स्थानीयवासीको विरोधले प्रक्रिया अघि बढ्न नसकेको हो । “सुक्खा बन्दरगाह बनेपछि पूरै बस्ती नै विस्थापित हुन्छ भन्ने भ्रम गाउँमा छरिएको रहेछ”, वडाध्यक्ष ज्ञानेन्द्र बहेक क्षेत्रीले भने, “पछिल्ला केही महिनायता जनप्रतिनिधिको सक्रियताले स्थानीयवासी केही सकारात्मक भएका छन् ।”

234
कारोबार संवाददाता
बिहिवार, फाल्गुन १, २०७६

यस वर्ष सुन्तला बिक्रीबाट ३० करोड बढी रकम भोजपुरमा भित्रिएको छ । उत्पादित चार हजार ७०६ मेट्रिक टन सुन्तला बिक्रीबाट सो बराबरको आम्दानी भएको कृषि ज्ञान केन्द्रले जनाएको छ । गत वर्षको तुलनामा यस वर्ष १० प्रतिशतले सुन्तला उत्पादनमा वृद्धि भएको बताइएको छ । जिल्लामा उत्पादन भएको सुन्तला धनकुटा, सुनसरी, झापा, मोरङ, धरान, इटहरी, विराटनगर, काठमाडौँलगायतका शहरमा जाने गरेको छ । करीव दुई करोड मूल्य बराबर आन्तरिकरूपमा खपत हुने र बाँकी अन्य जिल्लामा जाने गरेको केन्दका निमित्त कार्यालय प्रमुख योगन्द्रप्रसाद यादवले जानकारी दिनुभयो । कार्यालयको तथ्याङ्कअनुसार गत वर्ष २८ करोड २९ लाख ४४ हजार बराबरको सुन्तला बिक्री भएको थियो ।

301
कारोबार संवाददाता
बिहिवार, फाल्गुन १, २०७६

सरकारले चालू आर्थिक वर्षको बजेटमार्फत् लिएको आर्थिक वृद्धिको लक्ष्यलाई यथावत् राख्दै बजेटको आकार र राजस्व असुलीको लक्ष्य घटाएको छ । चालू आर्थिक वर्षको बजेटको अर्धवार्षिक समीक्षामार्फत् सरकारले बजेटको आकार करिब १० प्रतिशत अर्थात् डेढखर्ब घटाएर १३ खर्ब ८५ अर्ब ९६ करोड ३६ लाखमा झारेको जानकारी दिएको हो ।

436