केशव समर्पण
बिहिवार, कार्तिक १४, २०७६

एक सय पाँच परिवार बसोबास गर्ने मकवानपुरको कैलाश गाउँपालिका–९ घैराङमा हालसम्म सडक पुग्न सकेको छैन । तर, ग्राभिटी रोपवे (रञ्जुमार्ग) बाट सामान ल्याउने लैजाने गर्ने सुविधा पाएका स्थानीयले पाँच वर्षयता निकै राहत महसुस गरिरहेका छन् । गुरुत्वाकर्षण शक्तिबाट बिनाविद्युत् र इन्धनबाट सञ्चालित ग्राभिटी रोपवे स्थापना भएपछि घैराङको मुहार नै फेरिएको छ । घैराङमा २०७१ सालमा एक हजार दुई सय १४ मिटर लामो ग्राभिटी रोपवे स्थापना भएपछि तरकारी तथा स्थानीयस्तरमा उत्पादित खाद्यान्न बजारसम्म पु¥याउन र बजारबाट घरायसी सामग्री गाउँमा लैजान सहज भएको हो ।

414
कारोबार संवाददाता
बिहिवार, कार्तिक १४, २०७६

पूर्वपश्चिम हुलाकी सडकमा भजनी नगरपालिका र कैलारी गाउँपालिकालाई जोड्ने कान्द्रा पुल १० वर्षमा ३५ प्रतिशतमात्रै बनेको छ । हुलाकी सडकअन्तर्गत २०६६ सालमा ठेक्का सम्झौता भएको सो पुल निर्माणकार्य अझैसम्म आधा पनि पूरा भएको छैन । भजनी नगरपालिकाका– ३, ४, ५ र ८ लाई समेत भजनी नगरपालिकासँग जोड्ने यो पुल नबन्दा त्यहाँका बासिन्दाले आवतजावतमा निकै सास्ती भोग्नु परेको छ । “योे पुल कहिले बन्ला र हामीले सहज रूपमा आवतजावत गर्न पाउँला ?” भजनी नगरपालिका–३ का मानबहादुर चुनाराले भने, “हरेक वर्ष ठेकेदारले यही वर्षभित्र पूरा गर्छु भनेर आश्वासन दिन्छ, तर कामले गति लिँदैन ।”

317
दिलबहादुर केसी
बिहिवार, कार्तिक १४, २०७६

दोलखाको भिमेश्वर नगरपालिका १ स्थित सुष्पाक्षमावतीमा पानीपोखरीमा निर्माणाधीन एकीकृत नमूना बस्तीतमा लाभग्राहीहरुले घर बनाएपछि मात्र पूर्जा पाउने भएका छन् । पुनर्निर्माण प्राधिकरणको कार्यकारी समितिले क्षेमावतिस्थित पानीपोखरीमा रहेको सार्वजनिक जग्गामा पीडितलाई सार्न निर्देशन दिएसँगै जिल्लास्थित जग्गा दर्ता समितिले बस्ती निर्माणको प्रकृया टुंग्याएको हो ।

384
रासस
बिहिवार, कार्तिक १४, २०७६

नेपालकै दोस्रो लामो पुल निर्माण कार्य पूरा भएको छ । दाङको राप्ती नदीमा निर्माण भएको राप्ती गाउँपालिकाको सिसहनियाँ र महादेवा जोड्ने पुल निर्माण सम्पन्न भएको हो ।

246
कारोबार संवाददाता
बिहिवार, कार्तिक १४, २०७६

जिल्लामा भूकम्पका कारण पूर्णक्षति भएका दुई हजार ४६३ घर पुनःनिर्माण भएको छ । लाभग्राहीको सूचीमा परेका पाँच हजार ७४९ पीडितमध्ये हालसम्म दुई हजार ४६३ घर पुनःनिर्माण भइसकेको जिल्ला आयोजना कार्यान्वयन एकाइका प्रमुख राजनराज रेड्डीले जानकारी दिए । त्यसैगरी पाँच हजार १९१ ले पहिलो र तीन हजार ८२१ ले दोस्रो किस्ताको रकम लिएको कार्यालयले जनाएको छ ।

230
भीम गौतम
बिहिवार, कार्तिक १४, २०७६

प्रदेश–२ को सरकारले नवीकरणीय ऊर्जासम्बन्धी नीति बनाउने प्रक्रिया अघि बढाएको छ । मुलुक संघीय संरचना गएपछि एक मेगावाटसम्मको ऊर्जा व्यवस्थापनको अधिकार स्थानीय सरकारलाई दिए पनि प्रदेश सरकारलाई हालसम्म नतोकेपछि प्रदेश–२ सरकारले नवीकरणीय ऊर्जाबारे नीति निर्माण अघि बढाएको हो ।

1241
गोविन्द खत्री
शुक्रवार, कार्तिक ८, २०७६

विकासको महत्वपूर्ण पूर्वाधार सडकको उचित विकास नहुँदा कर्णालीका अधिकांश नागरिक सडकको पहुँचभन्दा बाहिर रहेका छन् । भौगोलिक क्षेत्रफलका हिसाबले सबैभन्दा ठूलो प्रदेश भएपनि कर्णाली प्रदेशभरी हालसम्म जम्मा एक हजार ती सय २१ किलोमिटर सडक मात्र विस्तार भएको हो । कति नागरिक सडक सञ्जालमा जोडिएका छन् भन्ने प्रदेश सरकारको भौतिक पूर्वाधार विकास मन्त्रालयसँग यथेष्ट तथ्यांक समेत छैन । तर विकट भौगोलिक क्षेत्र र जनसंख्यालाई समेत हेर्दा अधिकांश नागरिकले सहजै सडक मार्गको प्रयोग गर्न पाएको देखिँदैन ।

706
होम साउद
शुक्रवार, कार्तिक ८, २०७६

अछामको खप्तड गाउँमा विद्युत् उत्पादन सुरु भएको छ । अछामको साँफेबगर नगरपालिका १२ खप्तडमा ६० किलोवाटको खप्तड लघु जलविद्युत् परियोजनाले उत्पादन सुरु गरेको हो । २०७० सालदेखि निर्माण कार्य सुरु भएको लघु जलविद्युत् आयोजना निर्माणमा वैकल्पिक उर्जाको १ करोड २७ लाख ५० हजार, गरिबी निवारण कोषको २५ लाख, २०७० मा तत्कालीन निर्वाचन क्षेत्र विकास कोषबाट १५ लाख, तत्कालीन जिल्ला विकास समितिबाट ५ लाख खर्च भएको थियो ।

454
कारोबार संवाददाता
शुक्रवार, कार्तिक ८, २०७६

तनहुँको दमौलीस्थित मादी नदीमा बाँध बाँधेर कृत्रिम ताल निर्माण गर्नेबारे विज्ञहरुसँग छलफल गरिएको छ । व्यास नगरपालिकाको अगुवाइमा मादी बहुउद्देश्यीय विकास परियोजनाको गुरुयोजना निर्माण सम्बन्धी प्रारम्भिक छलफल गरिएको हो । ताल निर्माण गर्दा कुन कुन पक्षलाई ध्यान दिने, गुरुयोजनामा कुन कुन पक्षलाई विशेष प्राथमिकता दिने भन्ने सम्बधमा विज्ञहरुसँग छलफल गरिएको नगर प्रमुख बैकुण्ठ न्यौपानेले जानकारी दिए ।

905
भीम गौतम
शुक्रवार, कार्तिक ८, २०७६

विश्व बैंकले सार्वजनिक गरेको ‘डुइङ बिजनेस इन्डेक्स २०२०’ मा नेपालको अवस्था सुधारिएको छ । सन् २०१९ मा तेस्रोबाट चौथो स्थानमा झरेको नेपालको सहज व्यावसायिक वातावरण फेरि तेस्रो स्थानमा उक्लिएर अवस्था सुधारिएको हो । सहज व्यवसायका लागि सन् २०१९ मा सार्वजनिक प्रतिवेदनमा ११० औं स्थानमा रहेको नेपालले १६ अंक सुधार गर्दै ९४ औं स्थानमा उक्लिन सकेको विश्व बैंकको प्रतिवेदनले देखाएको छ ।

571
अमरराज आचार्य
बिहिवार, कार्तिक ७, २०७६

चालु आर्थिक वर्ष सुरु भएको ३ महिना पूरा हुँदा समेत जिल्लामा विकास निर्माणका कार्यहरु सुरु हुन सकेको छैन । आर्थिक वर्षको सुरुवातमा काम नगर्ने र आर्थिक वर्षको अन्त्यमा आएर विकास निर्माणको काम गर्ने विगतका वर्षहरुको पुनरावृत्ति यो वर्ष पनि हुने देखिएको छ । आर्थिक वर्षको अन्तिम समयमा गएर योजना सम्झौता गरेर हतारमा काम गर्दा काम समेत गुणस्तहिन काम समेत हुने गरेको छ ।

308
विप्लव काफ्ले
बिहिवार, कार्तिक ७, २०७६

उर्जा, जलस्रोत तथा सिँचाइ मन्त्री वर्षमान पुनले नारायणी नदी तटबन्धनलाई प्राथमिकताका साथ अगाडी बढाइने बताएका छन् । भरतपुर महानगरपालिकाले आयोजना गरेको नारायणी र राप्ती नदी तटबन्धन सम्बन्धि छलफल कार्यक्रममा नारायणी नदी तटबन्धनमा बजेट अभाव हुन नदिने प्रतिवद्धता जनाएका छन् ।

492
भीम गौतम
बिहिवार, कार्तिक ७, २०७६

विद्युत् विकास विभागले १०६१ मेगावाटको माथिल्लो अरुण अर्धजलाशययुक्त जलविद्युत् आयोजनाको सर्वेक्षण अनुमतिपत्र जारी गरेको छ । सस्तो र आकर्षक आयोजनाको रुपमा लिइने माथिल्लो अरुणको सर्वेक्षण अनुमतिपत्र नेपाल विद्युत् प्राधिकरणको पूर्ण स्वामित्वमा रहेको अपर अरुण हाइड्रोइलेक्ट्रिक लिमिटेडले पाएको हो ।

664
कारोबार संवाददाता
बुधवार, कार्तिक ६, २०७६

नेपाल र अष्ट्रियाबीच उर्जा क्षेत्रमा सहकार्य गर्न समझदारी भएको छ । नेपाल र अष्ट्रियाबीच गठित उर्जा संयन्त्रको पहिलो सचिवस्तरिय बैठकमा दुवै देशबीच उर्जा क्षेत्रमा सहकार्य गर्ने समझदारी भएको हो । समझदारीपत्रमा नेपालको तर्फबाट उर्जा मन्त्रालयका सहसचिव प्रविणराज अर्याल र अष्ट्रियाबाट सल्लाहकार सोन्जा स्टीलरले हस्ताक्षर गरेको ऊर्जा, जलस्रोत तथा सिञ्चाई मन्त्री वर्षमान पुनका प्रेस संयोजक रोशन खड्काले जानकारी दिए ।

369
भीम गौतम
बुधवार, कार्तिक ६, २०७६

अमेरिकी सरकारको अनुदानमा सहायतामा निर्माण हुन लागेका सडक परियोजनाअन्तर्गत पूर्वपश्चिम महेन्द्र राजमार्गको मर्मत सम्भार हुने भएको छ । पहिला मेची, कोशी, सगरमाथा, रत्न र त्रिभुवन राजमार्गको ३०५ किलोमिटर सडक मर्मत सम्भार गर्ने सार्वजनिक गरेकोमा आर्थिक रूपमा सम्भाव्यता नदेखिएपछि महेन्द्र राजमार्गमा २७ किलोमिटर नमुना (पाइलोटिङ) सहित १२७ किलोमिटर मर्मत सम्भार हुन लागेको हो ।

677