कारोबार संवाददाता
बिहिवार, श्रावण २२, २०७७

कोरोना भाइरस संक्रमण र बाढी डुबानको जोखिममा परेका वीरगन्जवासीलाई विद्युत् आपूर्ति अनियमित हुँदा थप समस्या भएको छ । पाँच महिनादेखि कोरोना भाइरस संक्रमणको जोखिममा पनि दैनिकी चलाइरहेका वीरगन्जवासीलाई बीचमा अविरल वर्षापछि आएको बाढी डुबानको पनि त्रासमा नै बाँच्नुपर्ने बाध्यता आइपरेको थियो ।

420
कारोबार संवाददाता
बुधवार, श्रावण २१, २०७७

गैरआवासीय नेपालीहरुले प्रबद्र्धन गरेको एनआरएन इन्फ्रास्ट्रक्चर एण्ड डेभलपमेन्ट लिमिटेडको आईपीओमा १ अर्ब ४० करोडभन्दा माथिको आवेदन परेको छ । मंगलबार साँझसम्म ३ लाख ३४ हजार २९२ आवेदकबाट एक करोड ४० लाख ५३ हजार ७६० कित्ता सेयरको १ अर्ब ४० करोड ५३ लाख ७६ हजार रुपैयाँ बराबरको आवेदन परेको छ ।

393
कारोबार संवाददाता
बुधवार, श्रावण २१, २०७७

२०७२ वैशाखको भूकम्पले क्षति पु¥याएको घरमध्ये ५५७ वटा घरहरुको पुनर्निर्माण सम्पन्न भएको छ । राष्ट्रिय पुनर्निर्माण प्राधिकरणको जिल्ला आयोजना कार्यान्वयन इकाई म्याग्दीले प्राधिकरणसँग सम्झौताअनुसार हालसम्म ५५७ जनाले आवास पुनर्निर्माण गरेको जानकारी दिए । हालसम्म निजी आवास सम्झौताअनुसार सम्पन्न गरेकाले तेस्रो किस्ताको पनि भुक्तानी भएको आयोजना प्रमुख यज्ञप्रसाद रिजालले बताए । निजी आवास पुनर्निर्माणको ५२ प्रतिशत प्रगति भएको छ, भूकम्पले प्रभावितअनुसार कुल लाभग्राही १ हजार ६५ जना थिए, ९५० जनाले सम्झौता गरेर पहिलो किस्ता लगेका छन्, दोस्रो किस्ता ६२५ जनाले सम्झौताअनुसार लगिसकेको आयोजना प्रमुख रिजालले जानकारी दिए । कुल लाभग्राहीमध्ये ११५ जना सम्झौता हुन बाँकी छन् ।

344
सागर परियार
बुधवार, श्रावण २१, २०७७

जुम्ला, डोल्पा र जाजरकोट जोड्ने दानसाँघु पक्की पुलको निर्माणकार्य ९ वर्षपछि सम्पन्न भएको छ । तिलाजवा नदीको दानसाँघु दोभानमा २०६८ साल असार १५ गतेदेखि निर्माणकार्य थालनी भएको थियो भने ६० मिटर लम्बाइको उक्त पक्की पुल २०७१ असार मसान्तसम्म ४ वर्षभित्र निर्माणकार्य सम्पन्न गर्ने सम्झौता भएको थियो । तर विभिन्न प्राविधिक समस्याका कारण ५ वर्ष ढिला भएर २०७७ असारमसान्तमा निर्माणकार्य सम्पन्न गरिएको हो । २०७२ सालमा तत्कालीन प्रमुख इन्जिनियर हरिप्रसाद शर्मा बहाल हुँदा ५० प्रतिशत काम भइसकेको पुलको डिजाइन फेल भयो । जसका कारण

324
कारोबार संवाददाता
बुधवार, श्रावण २१, २०७७

निर्माण सम्पन्न भएका कुल ८२ मेगावाट क्षमताका २३ आयोजना साँवा तथा ब्याज तिर्न नसक्ने अवस्थामा पुगेको सरकारी प्रतिवेदनले देखाएको छ । ऊर्जा, जलस्रोत तथा सिँचाइ मन्त्रालयले तयार पारेको निजी क्षेत्रबाट सञ्चालन भएका आर्थिक रूपले संकटग्रस्त जलविद्युत् आयोजना समस्या सम्बन्धमा अध्ययन गर्न गठित समितिको प्रतिवेदनअनुसार, सबैभन्दा बढी संकटग्रस्त ३९ आयोजनामध्ये २३ आयोजना यस्तो अवस्थामा पुगेका हुन् । सामान्यतया १० वर्षभित्र साँवा ब्याज तिरेर आयोजनाहरू प्रतिफल आउने अवस्थामा पुग्ने भए पनि यी आयोजनाहरू भने जनताको सेयर र लगानीकर्ताको प्रतिफल नभइ बैकको साँवा र ब्याज तिर्न सक्ने अवस्थामा पनि छैनन् । प्रतिवेदनले यसको कारण भने सरकारी निकायले सहजीकरण गर्न नसकेको उल्लेख गरेको छ ।

639
कारोबार संवाददाता
मंगलबार, श्रावण २०, २०७७

म्याग्दीमा चालू आर्थिक वर्ष २०७६-०७७ मा संघ र प्रदेश कार्यालयबाट विकासतर्फ ६७ प्रतिशत बजेट खर्च भएको छ । जिल्लामा पूर्वाधारतर्फको बजेट निकासा संघ र प्रदेशको ४५ करोड २० लाख रुपैयाँ खर्च निकास तेस्रो चौमासिकको असारमा भएको कोष तथा नियन्त्रक कार्यालयले जानकारी दिएको छ ।

302
गोविन्द खत्री
मंगलबार, श्रावण २०, २०७७

लामो समयदेखि चर्चित कोहलपुर–सुर्खेत १३२ केभीए विद्युत् प्रसारणलाइन निर्माणका लागि ठेक्का प्रक्रिया टुंगिएको छ । गत आर्थिक वर्षको अन्तिममा निर्माण कम्पनीसँग ठेक्का सम्झौता भएसँगै निर्माण प्रक्रिया अघि बढेको हो । दुई वर्षभित्र निर्माण सम्पन्न गर्नेगरी गतअसार २२ गते आयोजनाले भारतीय निर्माण कम्पनी ‘आरएस इन्फाप्रोजेक्ट प्राइभेट लिमिटेड’ सँग सम्झौता गरेको छ ।

414
कारोबार संवाददाता
मंगलबार, श्रावण २०, २०७७

ललितपुर महानगरपालिकाले विभिन्न स्थानमा पार्क निर्माणको कामलाई तीव्रता दिएको छ । महानगरपालिकाले हरियाली र पानीजन्य योजना (ग्रीन एण्ड ब्लू प्रोजेक्ट) अन्तर्गत ललितपुरको विभिन्न स्थानमा पार्क निमार्णको कामलाई तीव्रता दिएको हो । सोही योजनाअन्तर्गत महानगरपालिकाले जावलाखेल डबलिमा पार्क निमार्ण गर्न लागेको छ ।

322
कारोबार संवाददाता
मंगलबार, श्रावण २०, २०७७

आर्थिक वर्ष ०७६-०७७ मा ऊर्जातर्फको कुल बजेट ७५ अर्ब ५३ करोड ४० लाख रहेकोमा ४६ अर्ब ३९ करोड ५२ लाख खर्च भएको छ । मन्त्रालयका अनुसार, जलस्रोत तथा सिँचाइतर्फ २४ अर्ब ७८ करोड ७५ लाख बजेटमा १४ अर्ब ५ करोड ४० लाख खर्च भएको छ । ऊर्जातर्फ वार्षिक प्रगति ६१. ४२ प्रतिशत र भौतिकतर्फ ७८. ३६ प्रतिशत तथा जलस्रोत तथा सिँचाइतर्फ वार्षिक प्रगति वित्तीयतर्फ ५६.७० प्रतिशत र भौतिकतर्फ ७२. ३० प्रतिशत खर्च भएको मन्त्रालयले जनाएको छ । ऊर्जा मन्त्रालयको तेस्रो चौमासिकसम्ममा भने वित्तीय प्रगति ७३.२६ र भौतिक प्रगति ७५.३ प्रतिशत भएको छ । यस्तै जलस्रोत तथा सिँचाइ मन्त्रालयतर्फ सोही अवधिमा भौतिक प्रगति ७१.७९ र वित्तीय प्रगति ७१.६७ प्रतिशत भएको छ ।

352
भीम गौतम
मंगलबार, श्रावण २०, २०७७

विद्युत् विकास विभागले उत्पादन अनुमतिपत्र (जेनेरेसन लाइसेन्स) लिनका लागि प्रवद्र्धक कम्पनीसँग लगानीको ग्यारेण्टीको विवरण माग्न थालेको छ । विभागले कुनै पनि जलविद्युत् आयोजनाले ऋण बाहेकको स्वपुँजी (इक्विटी) वापत गर्नुपर्ने जम्मा रकमको ग्यारेण्टी गरेपछि मात्र उत्पादन अनुमतिपत्र दिने भन्दै यस्तो विवरण माग्न थालेको हो ।

340
कारोबार संवाददाता
सोमवार, श्रावण १९, २०७७

बागलुङ र पर्वत जोड्नेगरी निर्माण गरिएको एसियाकै लामो झोलुंगे पुल सर्वसाधारणका लागि खुल्ला गरिएको छ । बागलुङ नगरपालिका–१ रामरेखा र कुश्मा नगरपालिका–१ पाङ अदुवावारी जोड्नेगरीे बनेको ५ सय ६७ मिटर लामो झोलुंगे खुल्ला गरिएको हो । ७ करोड ९७ लाखमा निर्माण सम्झौता भएको पुल साझौता अवधिभन्दा एक वर्ष पहिले नै निर्माणकार्य सम्पन्न भएको थियो । सस्पेन्सन ब्रिज डिभिजन कार्यालयमार्फत पुल निर्माणको जिम्मा हिमशिखर कन्स्ट्रक्सनले पाएको थियो । ३ महिना अगाडि निर्माण सम्पन्न भए पनि कोरोना महामारीका कारण हस्तान्तरण हुन सकेको थिएन । कोरना महामारीका कारण पुल हस्तान्तरण हुन नसके पनि सर्वसाधारणका लागि शुक्रबारबाट खुला गरिएको बाग्लुङ नगरपालिकाका नगरप्रमुख जनकराज पौडेलले बताए ।

548
सागर परियार
सोमवार, श्रावण १९, २०७७

अविरल वर्षाका कारण ठाउँठाउँमा पहिरो खस्दा एक सातादेखि अबरुद्ध कर्णाली राजमार्ग आजबाट शुचारु भएको छ । हप्तादिन सम्म पनि पहिरो पन्छाउन नसक्दा राजमार्ग अबरुद्ध थियो । कालिकोट दैखोला देखि जुम्ला सम्मको विभिन्न खण्डमा आएको पहिरो पन्छाएपछि आईतबारदेखि सडक खुलेको सडक डिभिजन जुम्लाका प्रमुख लिला बहादुर भण्डारीले बताए ।

296
कारोबार संवाददाता
सोमवार, श्रावण १९, २०७७

खानेपानी मन्त्रालयको भौतिक प्रगति ८० प्रतिशत देखिएको छ । खानेपानी मन्त्रालय र मातहतका विभिन्न निकायहरुले आर्थिक वर्ष २०७६÷०७७ मा गरेका भौतिक तथा वित्तीय प्रगतिकाबारे तेस्रो चौमासिक एवं वार्षिक समीक्षा बैठकमा मन्त्रालयको भौतिक प्रगति ८० प्रतिशत देखिएको हो । आइतबार बसेको समीक्षा बैठकमा मन्त्रालय मातहत रहेका विभिन्न निकायहरुले गरेका भौतिक र वित्तीय प्रगतिकाबारे जानकारी गराइएको थियो । समीक्षा बैठकमा खानेपानी मन्त्रालयको समग्र भौतिक प्रगति ८० प्रतिशत रहेको जानकारी सहसचिव अरुण सिंखडाले गराए । मन्त्रालयअन्तर्गत गत आर्थिक वर्षमा १४ वटा आयोजना सम्पन्न भई १ लाख ९० हजार २ सय ९२ जनसंख्या उच्च तथा मध्यमस्तरको खानेपानी सेवाबाट लाभान्वित भएको सहसचिव सिंखडाले बताए ।

335
कारोबार संवाददाता
सोमवार, श्रावण १९, २०७७

सरकारले प्राथमिकतामा राखेका र मुलुक विकासको ‘गेमचेन्जर’ भनिएकै आयोजनाको स्थिति झनै बेहाल देखिएको छ । प्रधानमन्त्री केपी शर्मा ओलीले सिंहदरबारबाटै अनुगमन गर्ने निर्णय गरेको र विकासका लागि गेमचेन्जर मानिएका राष्ट्रिय गौरवका आयोजनाको अवस्था झनै कहालीलाग्दो बनेको हो । परम्परागत तरिकाले आउने बजेट, आयोजनाको डिजाइनदेखि नै समस्या चुलिने, विस्तृत अध्ययन नहुने र ‘राम्रोभन्दा हाम्रो मान्छे’लाई प्राथमिकतामा राख्दा आयोजनाको लागत उच्च हुने र प्रतिफल प्रायः शून्यको हाराहारीमा छ ।

435
कारोबार संवाददाता
आइतवार, श्रावण १८, २०७७

सरकार र प्रवद्र्धकबीच भएको आयोजना विकास सम्झौता (पीडीए) अनुसार २० दिनअघि नै खिम्ती जलविद्युत् गृहको आधा स्वामित्व नेपाल विद्युत् प्राधिकरणको नाममा आइसक्नुपर्ने भए पनि सरकारकै बेवास्ताले अन्योल बढाएको छ ।

493