कारोबार संवाददाता
शुक्रवार, भदौ २७, २०७६

अछामको २० मेगावाट जडित क्षमताको बुढीगंगा जलविद्युत आयोजनाको विस्तृत परियोजना प्रतिवेदन (डिपिआर) तयार भएको छ । विद्युत विकास विभाग अन्तरगतको बुढीगंगा जलविद्युत आयोजना कार्यालयले आर्थिक वर्ष २०७३÷०७४ मै डिपिआर तयार गर्ने लक्ष्य राखेको भएपनि परामर्शदाता कम्पनीले तीन वर्ष ढिलो डिपिआर तयार पारेको हो । आयोजनाको विस्तृत ईन्जिनियरिङ्ग डिजाइन र वातावरणीय प्रभाव मुुल्यांकनको जिम्मेवारी पाएको अन्तर्राष्ट्रिय परामर्शदाता स्मेक र काठमाडौंका उदय जेभीले डिपिआर तयार गरेर आयोजना कार्यालयमा बुझाएका छन् ।

264
कारोबार संवाददाता
शुक्रवार, भदौ २७, २०७६

ऊर्जा, जलस्रोत तथा सिँचाइमन्त्री वर्षमान पुनले सार्वजनिक निजी साझेदारी (पीपीपी) मोडल तीव्र आर्थिक विकास प्राप्त गर्ने प्रभावकारी उपकरण भएको बताएका छन् । नेपाल पूर्वाधार सम्मेलनको दोस्रो दिनको समृद्धिका लागि सार्वजनिक निजी साझेदार विषयक सत्रमा ऊर्जाका परियोजनाका लागि पीपीपी उपयुक्त मोडल हुने उनले बताए । उनले देशले प्राप्त गरेको राजनीतिक उपलब्धी संस्थागत गर्न आर्थिक क्रान्ति सफल हुनुपर्ने तथा पूर्वाधारको क्षेत्रमा हुने निजी लगानीमा जोखिम मात्र नभइ मुनाफाको आकर्षण समेत रहेको तर्क गरेका थिए ।

249
भीम गौतम
शुक्रवार, भदौ २७, २०७६

विश्व बैंकले नेपालमा दिगो पूर्वाधार विकासमा लागि १० हस्तक्षेपमूलक सुधार आवश्यक रहेकोसहितको प्रतिवेदन सार्वजनिक गरेको छ । बिहीबार नेपाल पूर्वाधार सम्मेलनको अवसरमा सार्वजनिक गरेको निजी क्षेत्रको समाधानका लागि दिगो पूर्वाधारलाई लक्षित गरी अध्ययन गरिएको नेपाल पूर्वाधार क्षेत्र मूल्यांकन प्रतिवेदनले यस्तो सुधार आवश्यक रहेको देखाएको हो । ऊर्जा, यातायात र सहरी पूर्वाधार निर्माणमा देखिएको खाडल अन्त्यका लागि सरकार र निजी क्षेत्रबीचमा लगानी व्यवस्थापन तथा सार्वजनिक निजी साझेदारी अवधारणा अघि बढाउनका लागि सहकार्य आवश्यक रहेको उल्लेख छ ।

257
कारोबार संवाददाता
बिहिवार, भदौ २६, २०७६

भारतका उर्जा राज्यमन्त्री आरके सिंहले संखुवासभामा निर्माणाधीन ९ सय मेगावाटको अरुण तेश्रो जलविद्युत परियोजनाको स्थलगत निरीक्षण भ्रमण गरेका छन् । नेपाल विद्युत प्राधिकरणका कार्यकारी निर्देशक कुलमान घिसिंङसहित बुधबार सेनाको हेलिकोप्टरबाट ड्यामसाईड रहेको नुमको फ्याक्सिन्दा र पावरहाउसस्थल चिचिलाको पुखुवा पुगेर उनले स्थलगत निरीक्षण गरेका हुन् । राज्यमन्त्री सिंहले हालसम्मको कामको प्रगतिका बारेमा जानकारी पनि लिएका छन् ।

336
भीम गौतम
बिहिवार, भदौ २६, २०७६

मुलुकको पूर्वाधार क्षेत्रका लागि २५० खर्ब लगानी आवश्यक रहेको अध्ययनले देखाएको छ । नेपाल उद्योग परिसंघले गरेको लगानी र वित्तीय आवश्यकतासम्बन्धी अध्ययनले सन् २०३० सम्मको लागि ऊर्जा, सडक, खानेपानी तथा सरसफाई र सहरी विकासका लागि यो परिमाणमा लगानी आवश्यक देखिएको हो ।

355
कारोबार संवाददाता
बुधवार, भदौ २५, २०७६

प्रदेश नं. १ सरकारको गौरवको आयोजनाका रूपमा रहेको मोरङको विराटचोक–घिनाहाघाट चार लेन विस्तारित सडकको ग्रामथान गाउँपालिकामा शिलान्यास गरिएको छ ।

498
दिलबहादुर केसी
बुधवार, भदौ २५, २०७६

१० वर्षदेखि निर्माण पूरा नभएपछि सडक डिभिजन चरिकोटमा रहेका तत्कालिन र वर्तमान डिभिजन प्रमुखहरुलाई अख्तियारले बयान लिन थालेको छ । विगू गाउँपालिका र गौरीशंकर गाउँपालिका जोड्ने भोर्लेको पुल १० वर्षदेखि अलपत्र परेको छ । कन्सल्टेन्टले गलत डिजाइन गरेपछि निर्माणाधीन पुल अलपत्र परेको हो ।

495
प्रगति ढकाल
बुधवार, भदौ २५, २०७६

मेलम्ची खानेपानी आयोजनाको काम छाडेर हिँडेको ठेकेदार कम्पनी सिएमसी दि रेभेनाबाट भेण्डर तथा स्थानीय सप्लायर्सहरुले पाउनुपर्ने भुक्तानी रकमको बिषयमा टुंगो नलाग्दा विवाद मिल्न सकेको छैन । भेण्डर तथा स्थानीय सप्लायर्सहरुले बाँकी भुक्तानी सरकारले नै तिर्नुपर्ने माग राखेका छन् भने सरकारले भने अध्ययन गर्न नै बाँकी रहेको भन्दै भुक्तानी बिषय टुंगो नलगाउँदा विवाद लम्बिएको हो ।

328
कारोबार संवाददाता
बुधवार, भदौ २५, २०७६

नेपाल–भारत पेट्रोलियम पाइपलाइनको औपचारिक रूपमा उद्घाटन भएको छ । नेपालका प्रधानमन्त्री केपी शर्मा ओली र भारतीय प्रधानमन्त्री नरेन्द्र मोदीले मंगलबार आ–आफ्नो कार्यालयबाटस्वीच थिचेर पाइपलाइनको उद्घाटनगरेका हुन् । उद्घाटन भएसँगै पाइपलाइनबाट नियमित रूपमा इन्धन भित्रिन सुरु भएको छ । नेपाल–भारत पेट्रोलियम पाइपलाइन दक्षिण एसियाकै पहिलो क्रसबोर्डर पाइपलाइन हो । भारतको मोतिहारीदेखि नेपालको अमलेखगञ्ज निर्माण भएको पेट्रोलियम पाइपलाइनको उद्घाटनसँगै पेट्रोलियम पदार्थ आयात औपचारिक रूपमा सुरु भएको छ । पाइपलाइनबाट पहिलो दिन २ हजार किलोलिटर डिजेल भित्रिएको छ ।

326
दीपेन्द्र थापा
बुधवार, भदौ २५, २०७६

सडक विभागले समयसीमा तोकेरै काठमाडौंबाट बाहिरिने र भित्रिने यात्रुको सहजताका लागि राजमार्गहरूको सुधार गर्ने भएको छ । असोज पहिलो हप्ताभित्र काठमाडौंबाट बाहिरिने र भित्रिने नाकाको सडकमा सुधार गरिसक्ने भन्दै विभागले दसैंमा घर जाने यात्रुको लागि सहज वातावरण बनाएर गन्तव्यसम्मको यात्रा सहजीकरण गर्नको लागि सडक सुधार गर्न लागिएको जनाएको छ । साथै काठमाडौं उपत्यकाको सडक दसैंअगाडि मर्मतसमेत गरिने पनि विभागले जनाएको छ ।

220
कारोबार संवाददाता
मंगलबार, भदौ २४, २०७६

नेपाल भ्रमणमा रहेका चिनियाँ विदेशमन्त्री वाङ सोमबार बिहान पर्यटकीय पर्वत चन्द्रागिरि पुगे । काठमाडौंको पश्चिम–दक्षिणमा अवस्थित आकर्षक पर्यटकीय पर्वत चन्द्रागिरिमा विदेशमन्त्री वाङ केबलकारमार्फत पुगेका वाङले त्यहाँ केहीबेर हाइकिङसमेत गरेका छन् । उनले करिब डेढ घन्टा चन्द्रागिरी क्षेत्रमा हिँडेको जनाइएको छ ।

251
कारोबार संवाददाता
मंगलबार, भदौ २४, २०७६

०७२ सालमा गएको विनाशकारी भूकम्पको केन्द्र थियो, गोरखा । भूकम्पमा ठूलो क्षति बेहोरेको गोरखा विस्तारै तंग्रिँदै छ । विपद्पछि धेरै संस्थाले तत्काल राहत र उद्धारमा सहयोग गरे पनि अधिकांश सहयोगी संस्थाहरु भने फर्किसकेका छन् । तर, केयर नेपाल भने अझै गोरखाको सिरानचोक गाउँपालिकामा विपद् व्यवस्थान र जीविकोपार्जनमा सक्रिय देखिएको छ ।

228
कारोबार संवाददाता
मंगलबार, भदौ २४, २०७६

उपत्यकाको ट्राफिक व्यवस्थापनलाई चुस्त दुरुस्त बनाउन प्रविधियुक्त ट्राफिक व्यवस्थापनमा जोड दिइने भएको छ । महानगरीय ट्राफिक प्रहरी महाशाखाले काठमाडौं उपत्यकामा दिनहुँ बढ्दै गएको ट्राफिक समस्या कम गर्न प्रविधिको उच्चतम् प्रयोग गरिने बताइएको हो । केही दिन अगाडि मात्र महाशाखामा सरुवा भएर आएका महाशाखाका प्रमुख, प्रहरी वरिष्ठ उपरीक्षक भीमप्रसाद ढकालले आफ्नो कार्यकालमा ट्राफिक समस्यालाई प्राथमिकतामा राखेर समस्या समाधानमा तदारुकता देखाउने बताए । ‘सरोकारवाला निकायसँग सहकार्य गर्दै व्यवहारमा विनम्रता, कानून कार्यान्वयनमा कडाइ गरिनेछ ।’ उनले भने ।

267
रासस
मंगलबार, भदौ २४, २०७६

नमोबुद्ध नगरपालिका–४ भकुण्डेबेसीमा क्षेत्रीयस्तरको कभर्ड हल निर्माण शुरु भएको छ । यसका लागि जमिन सम्याउने काम भइरहेको छ । प्रदेश नं ३ सामाजिक विकास मन्त्रालयद्वारा विनियोजित रु एक करोड बजेटबाट कभर्ड हलको निर्माण कार्य थालिएको वडाध्यक्ष उद्धवप्रसाद काफ्लेले जानकारी दिए । उनका अनुसार हाललाई नपा कार्यपालिकाको बैठकले कभर्ड हलको लागि ९० रोपनी जमिन दिने निर्णय गरेको छ । ‘यस वर्ष थप बजेटबाट हलको क्षमता बढाउँदा थप जमीनको प्रबन्ध गर्नेर्छौं’, वडाध्यक्ष काफ्लेले भने । कभर्ड हलका लागि गत आर्थिक वर्षमा एक करोड ७५ लाख रुपैयाँको विस्तृत परियोजना प्रतिवेदन (डिपिआर) तयार गरिएको थियो ।

187
रासस
मंगलबार, भदौ २४, २०७६

मकवानपुरको वाग्मती गाउँपालिका–९ को देउजरगएरमा सोमबारदेखि विद्युत सेवा शुरु भएको छ । लामो समयदेखि विद्युत अभाव रहेको देउजरगएरमा केन्द्रीय विद्युत प्रसारण लाइन विस्तार गरीसेवा शुरु गरिएको हो । करीब १०० घरपरिवारले आफ्नो घरमा बिजुली बत्ती बाल्न सक्नेगरी विद्युत विस्तार गरिएको वाग्मती गाउँपालिकाका अध्यक्ष सर्केश घलानले जानकारी दिए ।

216