रासस
सोमवार, मंसिर २३, २०७६

भोजपुर–टक्सार सडक कालोपत्रको कामले तीव्रता पाएको छ । सुरुवात भएको सात महिनामा ५० प्रतिशतभन्दा बढी काम सम्पन्न भएको छ । समयमा काम सकिने आशा बढेको छ ।

212
कारोबार संवाददाता
सोमवार, मंसिर २३, २०७६

काठमाडौंको चक्रपथ विस्तारको दोस्रो चरणको काम तीव्र रुपमा भइरहेको छ । मार्चको अन्तसम्म विस्तारको काम सुरु गर्नेगरि आन्तरिक तयारी गरिएको विकास सहायता कार्यान्वयन महाशाखाले जनाएको छ । दोस्रो चरणअन्तर्गत कलंकी–महाराजगञ्ज र कोटेश्वर–तिलगंगा सडकखण्ड विस्तार गर्न लागिएको हो ।

375
रासस
सोमवार, मंसिर २३, २०७६

गुण्डुका बासिन्दालाई खानेपानी पु-याउने उद्देश्यले एक करोडको लागतमा सुरु भएको खानेपानी आयोजनाको शिलन्यास गरिएको छ । सूर्यविनायक नगरपालिका–७ गुण्डुमा गुण्डु वृहत खानेपानी समितिले निर्माण गर्न लागेको खानेपानी ट्यांकी निर्माण र पाईपलाइन विस्तारकार्यको भक्तपुर क्षेत्र नं. २ का प्रतिनिधिसभा सदस्य महेश बस्नेत र नगर प्रमुख बासुदेव थापाले संयुक्त रुपमा आयोजनाको शिलान्यास गरेका छन् ।

165
कारोबार संवाददाता
आइतवार, मंसिर २२, २०७६

कालिखोलाका बासिन्दा मध्यपहाडी सडक निर्माण हुनुअघि किनमेल गर्न सिक्किम जान्थे । दैनिक उपभोग्य वस्तु सिक्किमको देन्ताम र उत्तरे बजारबाट ल्याउँथे । गाविसको माथिल्लो भेगबाट ५ र तल्लो भेगबाट ९ घण्टामा पुगिन्छ । सदरमुकाम फुङलिङ आउन अढाइ दिन पैदल हिँड्नुपथ्र्यो ।

518
कारोबार संवाददाता
आइतवार, मंसिर २२, २०७६

उत्तर दक्षिण जोड्ने राष्ट्रिय गौरवको बेनी–जोमसोम–कोरला सडक आयोजनाको तीनवटा प्याकेज अलपत्र परेको छ । बेनीदेखि जोमसोमसम्मको ७६ किलोमिटरमा पाँच र जोमसोमदेखि कोरलाको ११० किलोमिटर सडकमा सातवटा प्याकेज छन् । म्याग्दीको गलेश्वर–नारच्याङ पुल, मुस्ताङको कोवाङ–जोमसोम र चराङ–छोसेर खण्डको सडक अलपत्र परेको हो । निर्माण व्यवसायीले समयमा काम नगर्दा चीनको सिमाना कोरला नाका जोड्ने सडक अलपत्र परेको छ ।

200
भीम गौतम
आइतवार, मंसिर २२, २०७६

माग र आपूर्तिको प्रक्षेपणका आधारमा पाँच वर्षपछि ३ हजार १४ मेगावाट विद्युत् बढी हुने देखिएको छ । हालको विद्युत् माग, उत्पादन र आपूर्तिको विश्लेषण गर्दा यस्तो अवस्था देखिएको हो । पाँच वर्ष अर्थात सन् २०२४ मा विद्युत् उत्पादन ६७१७ मेगावाट पुग्नेछ भने यसमा ३०१४ मेगावाट सरप्लस हुनेछ । १५ प्रतिशत वृद्धिलाई आधार मानेर गरेको प्रक्षेपणमा भने सन् २०२४ मा ३९४७ मेगावाट पुग्नेछ । नेपाल विद्युत् प्राधिकरणले भने सन् २०१९-२०२० मै विद्युत्को माग २२२५ मेगावाट पुग्ने प्रक्षेपण गरेको थियो ।

492
कारोबार संवाददाता
आइतवार, मंसिर २२, २०७६

राष्ट्रिय पुनर्निर्माण प्राधिकरणले समयमा नै सम्पन्न हुने दावी गरे पनि धरहरा र रानीपोखरी समयमा नै सम्पन्न हुनेमा सांसदहरूले आशंका व्यक्त गरेका छन् । संघीय संसदको राज्यव्यवस्था तथा सुशासन समितिमा सांसद कृष्णगोपाल श्रेष्ठले धरहरा समयभित्रै बन्नेमा आंशका व्यक्त गरे । उनले धरहरा निर्माण गर्ने कम्पनी क्षतिपूर्ति लिने दाउमा रहेको तथा अहिलेको तालले १० वर्षमा पनि धरहरा नबन्ने भन्दै आपत्ति जनाए । धरहरा पुनर्निर्माण समयमा होस् भनेर आफूले आशंका व्यक्त गरेको भन्दै सांसद श्रेष्ठले धरहरा पुनर्निर्माणलाई समयमा सम्पन्न गर्न आफ्नो तर्फबाट सक्दो सहयोग गर्ने बताए ।

234
कारोबार संवाददाता
शुक्रवार, मंसिर २०, २०७६

नेपाली सेनाको ब्यारेकभित्र रहेको रानीपोखरीको जीर्णोद्धार गर्न नेपाली सेनाले अनुमति दिई सहयोग गरेको भन्दै भक्तपुर नगरपालिकाले नेपाली सेनाका प्रधानसेनापति पूर्णचन्द्र थापालाई मयूर झ्याल उपहार दिएको छ । नगरपालिकाका प्रमुख सुनिल प्रजापतिको नेतृत्वमा गएको नगरपालिकाको टोलीले जङ्गीअड्डामा थापालाई विश्वमै आकर्षक मानिने कलात्मक मयूर झ्याल उपहार दिएको हो ।

208
कारोबार संवाददाता
शुक्रवार, मंसिर २०, २०७६

व्यास नगरपालिका–१ स्थित भादगाउँ करादी खिरखाँदी खानेपानी तथा सरसफाइ उपभोक्ता समितिले भादगाउँ क्षेत्रमा दीर्घकालीन खानेपानी समस्या समाधान गर्न मादी नदी लिफ्टिङ आयोजनाको विस्तृत परियोजना प्रतिवेदन (डीपीआर) सर्भे सुरु गरेको छ । पहिलो चरणको ‘भिजिबिलिटी सर्भे’ पश्चात् व्यास नगरपालिका–४ स्थित करीब तीन किलोमिटर दूरीको मादी नदी किनारमा पानी बोरिङ गरी लिफ्टिङ गर्न सर्भे थालेको हो ।

202
कारोबार संवाददाता
शुक्रवार, मंसिर २०, २०७६

खानेपानी मन्त्री बिना मगरले सुरुङबाट आउने मेलम्चीको पानी प्रशोधन गर्नका लागि काम भइरहेको सुन्दरीजलस्थित प्रशोधन केन्द्रको बिहीबार निरीक्षण गरेकी छिन् । मन्त्री मगरको नेतृत्वमा मन्त्रालयका सचिव माधव बेल्बासे, मेलम्ची खानेपानी विकास समितिका कार्यकारी निर्देशक तिरेशप्रसाद खत्री र काठमाडौं उपत्यका खानेपानी लिमिटेडका महाप्रबन्धक मिलन शाक्यलगायतको टोलीले प्रशोधन केन्द्रको निरीक्षण गरेको हो । पानी प्रशोधन केन्द्रको निरीक्षणसँगै मन्त्री मगरले सुन्दरीजलस्थित सुरुङको समेत निरीक्षण गरेकी छिन् । दोस्रो प्रशोधन केन्द्रको कामलाई तीव्र गतिमा समयमै सम्पन्न गर्न मन्त्री मगरले विभागीय प्रमुखहरुलाई निर्देशन दिइन् । उनले अब केही समयमै दोस्रो प्रशोधन केन्द्रको काम सकिने जानकारी दिएकी छिन् ।

151
कारोबार संवाददाता
शुक्रवार, मंसिर २०, २०७६

विज्ञहरुले नेपालको समृृद्धिका लागि लगानीको वातावरणमा सुधार गर्नुपर्ने बताएका छन् । नेपाल खुल्ला विश्वविद्यालयको व्यवस्थापन तथा कानुन संकायले ग्लोबल सेन्टर फर रिसर्च एण्ड डेलभपमेन्ट तथा ओडीसी पोलिसी हले संयुक्त रुपमा आयोजना गरेको गुणस्तरीय जीवनको सुधारमार्फत नेपालको समृृद्धिका लागि आर्थिक रुपान्तरण विषयका कार्यक्रममा उनीहरुले यस्तो बताएका हुन् ।

214
रासस
शुक्रवार, मंसिर २०, २०७६

कञ्चनपुर-कञ्चनपुरको शुक्लाफाँटा नगरपालिका वडा नं १२ भएर बग्ने वनहरा नदीमा एक करोड ८३ लाखमा झोलुङ्गे पुल निर्माण गरिएको छ । पुल निर्माण भएपछि स्थानीय बासिन्दाको आवागमन सहज बनेको छ ।

148
कारोबार संवाददाता
बिहिवार, मंसिर १९, २०७६

जिल्लाको आठराई त्रिवेणी गाउँपालिकाले आव ०७६÷७७ मा महिला तथा अपांगका लागि लोकसेवा तयारी कक्षा (सहायक चौथौ र पाँचौ) सञ्चालन गर्न सहभागी छनोटको तयारी गरेको छ । गाउँपालिकाले मंसिर १५ गतेसम्म दरखास्त आह्वान गरेको थियो । गाउँपालिकास्थित ५ वटै वडाका गरी २६ जनाले दरखास्त दिएका छन् । तीमध्ये छनोट परीक्षामा उच्चतम अंक ल्याउने १५ जनालाई छनोट गरिने भएको छ । मंसिर २० गते परीक्षामार्फत छनोट गर्ने गाउँपालिकास्थित महिला विकास शाखा संयोजक सीता लिम्बूले जानकारी दिइन् । छनोट परीक्षामा सामान्य ज्ञानबाट ३५ वटा प्रश्न र आइक्यू १५ वटा गरी ६० वटा प्रश्न तय गरिएको संयोजक लिम्बूले जानकारी दिइन् । संयोजक लिम्बूले भनिन्, “दुर्गमका महिला तथा अपांगमा क्षमता भए पनि अवसरबाट वञ्चित छन् ।

203
केशव समर्पण
बिहिवार, मंसिर १९, २०७६

विद्युत् चुहावट नियन्त्रणका साथै सेवा प्रवाह सुधारका लागि नेपाल विद्युत् प्राधिकरणले प्रदेश डिभिजन कार्यालय र त्यसअन्तर्गतको वितरण केन्द्र प्रमुखसँग कार्य सम्पादन सम्झौता गरेको छ । प्राधिकरणका कार्यकारी निर्देशक कुलमान घिसिङ र प्राधिकरणको प्रदेश–३ डिभिजन कार्यालय प्रमुख केदारराज शिलवालबीच बुधबार हेटौंडामा कार्यसम्पादन सम्झौता भएको हो ।

231
सागर परियार
बिहिवार, मंसिर १९, २०७६

लामो समयदेखि खडेरीको मारमा परेका जुम्लाबासीको समस्या समाधान भएको छ । सिँचाइ अभावकै कारणस्याउ, सिमी, जौ र गहुँलगायतको खेती गर्न नपाएका जुम्लाबासीले लिफ्टबाट सिँचाइ सुविधा पाएपछि राहत महसुस गरेका छन् । स्थानीय वीरमने दमाइले सिँचाइ सुविधाले खेती गर्न सहज हुने बताए । विगतमा खानेपानीकोसमेत समस्या हुने जुम्लामा सिँचाइका लागि गाउँमा पानी आएपछि स्थानीय खुशी भएका हुन् ।

279