भीम गौतम
मंगलबार, श्रावण १, २०७५
1215

भारतसँग विद्युत् आदानप्रदानका लागि महत्वपूर्ण मानिएको २२० केभीको ढल्केबर सबस्टेसन निर्माण सम्पन्न भएको छ । शनिबार र आइतबार १६० केभीएका दुई ट्रान्सफर्मरमा चार्ज भएसँगै नेपालको २२० केभीको सबस्टेसनको निर्माण सम्पन्न भएको छ । यो नै नेपालको सबैभन्दा ठूलो सबस्टेसन हो । हाल १८ वटा १३२-३३ केभीका १८ र ६६ केभीका ७ सबस्टेसन मात्र निर्माण सम्पन्न भएका  छन् । भारतसँग विद्युत् आदानप्रदानका लागि महत्वपूर्ण मानिएको २२० केभीको ढल्केबर सबस्टेसन निर्माण सम्पन्न भएको छ । शनिबार र आइतबार १६० केभीएका दुई ट्रान्सफर्मरमा चार्ज भएसँगै नेपालको २२० केभीको सबस्टेसनको निर्माण सम्पन्न भएको छ ।
यो नै नेपालको सबैभन्दा ठूलो सबस्टेसन हो । हाल १८ वटा १३२-३३ केभीका १८ र ६६ केभीका ७ सबस्टेसन मात्र निर्माण सम्पन्न भएका  छन् । “ढल्केबर हालसम्म विद्युत् प्राधिकरण सबस्टेसनको संरचनामध्ये सबैभन्दा ठूलो हो,” नेपाल विद्युत् प्राधिकरणका प्रवक्ता प्रवल अधिकारीले भने, “यो निर्माणसँगै अब भारतसँग आफ्नै सबस्टेसनबाट साढे २ मेगावाटसम्म विद्युत् आयात गर्न सहज भएको छ ।” तीन वर्षअघि निर्माण सम्पन्न हुनुपर्ने आयोजनाको काम समयमै नगरेपछि चिनियाँ कम्पनीसँगको ठेक्का सम्झौता तोडेर भारतीय कम्पनीलाई दिइएको थियो ।

समयमै सबस्टेसन नबन्दा विद्युत् प्राधिकरणले अस्थायी ट्रान्सफर्मर राखेर ढल्केबर–मुज्जफरपुर अन्तरदेशीय प्रशारण लाइनमार्फत हिउँदमा १४५ मेगावाटसम्म विद्युत् आयात गर्दै आएको छ । अस्थायी ट्रान्सफर्मर राखेवापत नेपालले बार्षिक एक करोडभन्दा बढी तिर्दै आएको छ । नेपाल विद्युत् प्राधिकरणले सबस्टेसन निर्माण गर्न २०७१ जेठ २९ गते चीनको सेन्ट्रल चाइना पावर ग्रिड (सिसिपिजी) कम्पनीसँग ठेक्का सम्झौता गरेको थियो ।
करिब ८५ प्रतिशत निर्माण पूरा भएपछि विविध बहानामा चिनियाँ कम्पनीले काम रोक्दै आएको थियो । निर्माण अवधि प्रभावित हुने भएपछि प्राधिकरणले २०७४ असोज ६ गते चिनियासँग सम्झौता रद्द गरी बाँकी काम पूरा गर्न भारतको टेलमस र इम्को कम्पनीलाई जिम्मा दिइएको थियो ।
दुवै ट्रान्सफर्मर चार्ज भएको जानकारी दिँदै नेपाल भारत विद्युत् प्रशारण तथा व्यापार आयोजनाका प्रमुख राधेश्याम महतोले १२ दिनभित्र सबस्टेसनसँग ढल्केबर–मुज्जफरपुर अन्तरदेशीय प्रशारणलाइन लगायत जोडिने लगायतका अन्य काम सम्पन्न हुने जानकारी दिए । “२२० केभी सबस्टेसनसँग प्रशारणलाइन जोड्न बाँकी छ, अब करिब १२ दिनभित्र सो काम सकिन्छ, त्यसपछि मात्र २२० केभीको सबस्टेसनको काम पुरा भएको मान्न सकिन्छ” उनले भने ।
प्राधिकरणले २२० केभी सबस्टेसनलाई ४ सय केभी क्षमता वृद्धि गर्न समेत लागेको छ । हाललाई भने ४ सय केभी ढल्केबर–मुजफ्फरपुुर अन्तरदेशीय प्रसारण लाइन २२० केभीमा चार्ज गरिने योजना छ ।


सातामा धेरै पढिएको