कारोबार संवाददाता
बुधवार, भदौ ४, २०७६
1853

सामाजिक सञ्जाल फेसबुकमा खुकुरी देखाएर भिडियो बनाउँदै प्रधानमन्त्री केपी शर्मा ओली, पुष्पकमल दाहाल प्रचण्ड र शेरबहादुर देउवालाई काट्छु भन्ने बाराका सागर क्षेत्री पक्राउ परेका छन् ।
पक्राउ परेका क्षेत्रीमाथि महानगरीय अपराध महाशाखाको टोली अनुसन्धान अगाडि बढाएको छ । सोमबार बारामै पक्राउ परेका क्षेत्रीलाई काठमाडौं ल्याइएको र साइबर अपराधमा मंगलबार म्याद थप गर्न लागिएको प्रहरीले जनाएको छ । क्षेत्रीले नुवाकोटका पत्रकार शालिकराम पुडासैनी हत्या प्रकरणमा अनुसन्धानका लागि पक्राउ परेका टेलिभिजन प्रस्तोता रवि लामिछानेलाई फसाउन खोजेको भन्दै भिडियोमा अश्लील गाली गरेका थिए ।