महेन्द्र सापकोटा
शुक्रवार, चैत्र ७, २०७६

दैलेख ७ चैत्र – बाहिरी मुलुकहरुमा महामारीको रुपमा फैलिएको कोरोना भाइरस ‘कोभिक १९’ को संक्रमणको सतर्कताको लागि नौमूले गाउँपालिकाले नारायण नगरपालिका र नौमूले गाउँपालिकाको सिमा तथा प्रवेशद्धारमा हेल्थडेस्क स्थापना गरेको छ । नौमूले गाउँपालिका वासीमा कोरोनाको सक्रमण नाओस भन्दै सचेतनाका लागि शुक्रवार तामेमा हेल्थडेस्क स्थापना गरेको हो ।

537
कारोबार संवाददाता
शुक्रवार, चैत्र ७, २०७६

डडेल्धुराको महाभारत वन क्षेत्रमा पहिलो पटक क्यामेरा ट्यापिङ सुरु गरिएको छ । महाभारत वन क्षेत्रमा ३२ जोडा स्वचालित क्यामेरा (६४क्यामेरा) जडान गरी ट्यापिङ गरिन लागेको हो । बाघलगायत वन्यजन्तुको अवस्था के कस्तो छ भन्ने अध्ययनका लागि क्यामेरा ट्यापिङ गरिरहेको डिभिजनल वन कार्यालय डडेल्धुराले जनाएको छ । नेपाल सरकार र डब्लूडब्लूएएफको सहयोगमा सञ्चालित तराई आर्क ल्याण्ड स्कोप परियोजना र वन कार्यालयको सहकार्यमा क्यामेरा जडान गरी अध्ययन सुरु गरिएको डिभिजनल वन अधिकृत विष्णुप्रसाद आचार्यले बताए ।

369
कारोबार संवाददाता
शुक्रवार, चैत्र ७, २०७६

पश्चिम लमजुङको मध्यनेपाल नगरपालिकाले पाँचवटा बस्तीलाई नमुना दलित बस्तीको रूपमा विकास गरेको छ । पालिका अन्तर्गतका छुट्टाछुट्टै पाँचवटा दलित समुदायका बस्तीमा संरचना निर्माण गरी दलित नमुना बस्तीको रूपमा विकास गरेको हो । नगरपालिकाले अघिल्लो आर्थिक वर्षमा सुरु गरेको सो कार्यक्रमलाई चालू आवमा पनि बजेट विनियोजन गरी पाँच गाउँमा विविध संरचना निर्माण सुरु गरेको जनाएको छ । मध्यनेपाल नगरपालिका प्रमुख रमेशकुमार पाण्डेका अनुसार मध्यनेपाल–६, ७, ९ र १० का पाँच दलित समुदायका लागि नमुना दलित बस्ती कार्यक्रम ल्याइएको हो ।

348
लक्ष्मण ढुंगाना
शुक्रवार, चैत्र ७, २०७६

कोरोना भाइरसको त्रासले नेपालगन्ज नाका हुँदै घर फर्किनेको संख्या बढ्दै गएको छ । पश्चिम तराईको प्रमुख नाका भएका कारण नेपालगन्जबाट प्रदेश नम्बर ५ का साथै कर्णाली र सुदूरपश्चिम प्रदेशका विभिन्न जिल्लाबाट रोजगारी गर्न गएकाहरू धमाधम घर फर्किन थालेका हुन । जमुनाह नाकामा भेटिएका चुनीचाँदे जाजरकोटका यज्ञ बस्नेतले भारतमा भन्दा नेपालमा सुरक्षित हुने ठानेर घर फर्किएको बताए । “भारतमा भाइरस फैलिरहेको भन्ने सुनेपछि घर फर्किएँ,” उनले भने, “ज्यान जोखिममा राखी रोगको भारि बोकेर अर्काको देशमा बस्नुभन्दा बेरोजगार भए पनि घरै बस्नु ठीक ।”

351
कारोबार संवाददाता
शुक्रवार, चैत्र ७, २०७६

धनकुटाको मूलघाटमा रहेको शवदाह स्थलमा दाहसंस्कार गर्न दाउराको अभाव हुन थालेको छ । पछिल्लो समय यातायातको पहुँचसँगै विभिन्न क्षेत्रबाट मूलघाटमै दाहसंस्कार गर्न ल्याउन थालेसँगै दाउरा अभाव सुरु भएको हो । साथै विगतको तुलनामा तमोर नदीमा वर्षात्को समयमा कम मात्रामा मुढा बगाएर ल्याउनु र अधिकांश वन सामुदायिक वन क्षेत्रको भएका कारण दाउराको अभाव हुँदै गएको विश्रान्ती मन्दिर व्यवस्थापन समितिका महासचिव जर्नादन घिमिरेले बताए ।

336
सागर परियार
बिहिवार, चैत्र ६, २०७६

तातोपानी २ की संगीता दमाई गाउँकै नजिकको विद्यालयमा कक्षा १ मा पढ्छिन् । शैक्षिक शत्र सुरु भएको महिना दिन बितिसक्दा पनि पाठ्यपुस्तक नपुग्दा उनी रित्तै विद्यालय जान्छिन् । शिक्षकले मौखिक जे गफ सुनाएर त्यही सुनेर फर्किनु उनको बाध्यता बनेको छ । त्यस्तै, सोही गाउँकी संगीता चनारा पनि कक्षा १ मा अध्ययन गर्छिन् ।

348
लक्ष्मण ढुंगाना
बिहिवार, चैत्र ६, २०७६

विश्वमा कोरोना भाइरस संक्रमणको सन्त्रासमा बढेका बेला बाँकेको नेपालगन्ज नाकामा कडाइ गर्न थालिएको छ । कोरोना फैलिन नदिन नेपालगन्जस्थित जमुनाह नाकामा बुधबारदेखि सवारीसाधन प्रवेश निषेध गरिएको छ । नाकामा दैनिक रूपमा हुने भीड कम गर्न जमुनाहादेखि तीन किलोमिटर वरै सवारी साधन रोकिएको छ ।

407
कारोबार संवाददाता
बिहिवार, चैत्र ६, २०७६

मुसिकोट नगरपालिका रुकुम पश्चिमको छैटौं नगरसभा सम्पन्न भएको छ । नगरपालिकाको वडा नम्बर ५ सेरीगाउँमा रहेको सहिद प्रतिष्ठानको सभाहलमा बिहीबार सुरु भएको नगरसभा शुक्रबार सम्पन्न भएको हो । दुई दिनसम्म चलेको सभाले विभिन्न निर्णय र कार्यविधिसमेत पारित गरेको नगरपालिकाले जानकारी दिएको छ ।

314
मुकेश चौधरी
बिहिवार, चैत्र ६, २०७६

सुदूरपश्चिम प्रदेशमा रहेका वैज्ञानिक वन व्यवस्थापन कार्ययोजना लागू भएका सामुदायिक वनमा नयाँ विरुवा पुनर्उत्पादन हुन थालेका छन् । माउ रुख छोडेर रुख कटान गरी झाडी सफाई गरिएकाले सुदूरपश्चिमका ८५ वटा सामुदायिक वनमा सालका नयाँ उम्रेरका छन् । रुख कटान र झाडी सफाई गर्न बाँकी वनमा भने नयाँ विरुवा उम्रिएका छैनन् । अघिल्ला वर्षहरुमा रुख काटिएका प्लटमा नयाँ विरुवा उम्रेर हुर्किरहेको हो । गौरीगंगा नगरपालिका वडा नं. ६, रानीफाँटा सामुदायिक वनमा २०७२ देखि वैज्ञानिक वन व्यवस्थापन कार्ययोजना लागु भएको छ ।

311
कारोबार संवाददाता
बिहिवार, चैत्र ६, २०७६

जरा कुहिने रोगका कारण बन्दा गोभी, साग र मुलालगायतका तरकारी मर्न थालेपछि प्रदेश एकका पहाडी जिल्लाका किसान चिन्तामा परेका छन् । क्लपरुट नामक जरा कुहिने रोग प्रकोपकै रुपमा फैलिएपछि यसको अनुसन्धान थालिएको छ ।

161
कारोबार संवाददाता
बुधवार, चैत्र ५, २०७६

तराईका विभिन्न स्थानमा डेंगुको प्रकोप बढेसँगै रौतहटको एक नगरपालिकाले लामखुट्टे नियन्त्रण गर्न औषधि छर्ने अभियान सुरु गरेको छ । जिल्लाको गौर नगरपालिकाका मेयर अजय गुप्ताले नगरक्षेत्रभित्र लामखुट्टे नियन्त्रणका लागि अभियान सुरु गरेका हुन् । गौर नगरपालिकामा लामखुट्टेका कारण विभिन्न रोग देखापर्न थालेपछि लामखुट्टे नियन्त्रणका लागि औषधि छर्ने अभियान थालिएको गौर नगरपालिकाका प्रमुख कार्यकारी अधिकृत सुमन कार्कीले जानकारी दिए । लामखुट्टे नियन्त्रण अभियान थालनी कार्यक्रममा गौर नगरपालिकाकी उपप्रमुख किरण ठाकुर, युवा समाजसेवी ओमप्रकाश साह लगायतको उपस्थिति थियो ।

496
सागर परियार
बुधवार, चैत्र ५, २०७६

स्थानीय सरकार सञ्चालन ऐन २०७४ ले आन्तरिक स्रोत व्यवस्थापन तथा अनुगमन निरीक्षणको जिम्मा जिल्ला समन्वय समितिलाई दिएको छ । नदीजन्य वस्तु (ढुंगा, गिट्टी, बालुवा) खानी, उद्योग, प्राकृतिक स्रोत व्यवस्थापन तथा परिचालन गर्ने जिम्मेवारी जिससलाई छ । सोहीअनुसार अवैध उत्खनन् भइरहेको समाचार र स्थानीयको गुनासाका आधारमा जिससले धेरै पटक अनुमगनसमेत ग-यो ।

256
कारोबार संवाददाता
बुधवार, चैत्र ५, २०७६

कोरोना भाइरस नियन्त्रण र रोकथामका लागि प्रभावकारी कदम चाल्न मानव अधिकार तथा शान्ति समाजले दाङका प्रमुख जिल्ला अधिकारीको ध्यानाकर्षण गराएको छ ।

306
लक्ष्मण ढुंगाना
मंगलबार, चैत्र ४, २०७६

कोरोना भाइरस संक्रमणको जोखिम बढेको भन्दै नेपालगन्जमा सावधानी अपनाउन थालिएको छ । नेपालगन्ज उप–महानगरपालिकाको आयोजनामा सोमबार कोरोना भाइरससम्बन्धी सरोकारवालाबीच समन्वयात्मक बैठक बसेर पूर्वतयारीका लागि एकीकृत रूपमा पहल थाल्ने विभिन्न निर्णय भएका छन् । बैठकले अत्यावश्यक कामबाहेक भारतमा नजान सर्वसाधारणलाई आग्रह गर्ने निर्णय गरेको छ । भारत उत्तरप्रदेशको लखनउमा कोरोना संक्रमणका बिरामी भेटिएपछि सजग रहनुपर्ने भन्दै उक्त निर्णय गरिएको हो ।

336
कारोबार संवाददाता
मंगलबार, चैत्र ४, २०७६

तनहुँको विभिन्न स्थानीय तहमा जग्गाको चक्लाबन्दी प्रबद्र्धन कार्यक्रम सुरु गरिएको छ । गण्डकी प्रदेशको भूमि व्यवस्था, कृषि तथा सहकारी मन्त्रालयको सहयोगमा तनहुँका विभिन्न स्थानीय तहमा जग्गा चक्लाबन्दी कार्यक्रम सुरु गरिएको हो । उर्वर जग्गा बाँझो राख्ने प्रवृत्तिलाई निरुत्साहित गरी उत्पादन वृद्धि गर्ने उद्देश्यले अभियान थालिएको हो ।

484