कारोबार संवाददाता
बिहिवार, कार्तिक १४, २०७६

बाराको सिमरा औराहमा तेस्रो कृषि, पर्यटन, औद्योगिक व्यापार महोत्सव हुने भएको छ । आयोजक एस फाउन्डेसन अफ नेपालले पत्रकार सम्मेलन गर्दै सिमरा औराहमा तेस्रो बारा महोत्सव २०७६ मंसिर १९ देखि मंसिर २९ गतेसम्म हुने जानकारी गराएको हो । द लिड इन्टरटेनमेन्ट एन्ड एडभरटाइजिङसँगको सहकार्यमा आयोजना गर्न लागिएको महोत्सवमा आयोजक एस फाउन्डेसन अफ नेपालका अध्यक्ष बेदप्रसाद भट्टले कृषि, पर्यटन, औद्योगिक ब्यापार मेलाका रूपमा (तेस्रो बारा महोत्सव–२०७६) आयोजना गर्न लागिएको बताए ।

169
कारोबार संवाददाता
बिहिवार, कार्तिक १४, २०७६

सहारा एकेडेमीको सहयोगार्थ पोखरामा आयोजना गरिएको देउसीभैलो कार्यक्रमबाट ७ लाख ६९ हजार ४ सय ११ रुपैयाँ संकलन भएको छ । पोखराका विभिन्न ठाउँमा ५ दिन खेलिएको देउसीभैलो कार्यक्रमबाट गत वर्षको तुलनामा यसवर्ष २ लाख ५८ हजार रुपैयाँ बढी संकलन भएको सहारा क्लबले जनाएको छ ।

181
नीरज पिठाकोटे
बिहिवार, कार्तिक १४, २०७६

वीरगन्ज महानगरपालिकाको मध्यभाग भएर बग्ने सिर्सिया नदीमा भएको प्रदूषण नियन्त्रण माग गर्दै सरोकारवालाले बिहीबारदेखि दबाबमूलक कार्यक्रम थालेका छन् । पर्साको दर्जनभन्दा बढी गाउँ र टोलवासीले छठ पर्व मनाउँदै आएको धार्मिक आस्थासमेत बोकेको सिर्सिया नदीमा प्रदूषण बढिरहेको भन्दै त्यसलाई रोक्न माग गरेका हुन् ।

156
कारोबार संवाददाता
बिहिवार, कार्तिक १४, २०७६

तनहुँको भानु नगरपालिकाको चितुवा प्रभावित वडा १, २, ३ र ४ लाई संकटग्रस्त वडा घोषणा गर्न माग गरिएको छ । प्रतिनिधिसभा तनहुँ क्षेत्र नम्बर १ का सांसद कृष्णकुमार श्रेष्ठ किसानको नेतृत्वमा बिहीबार गृहमन्त्री रामबहादुर थापा र गृहसचिव प्रेमकुमार राईलाई भेट गरी चितुवा प्रभावित भानु नपाका ४ वटा वडालाई संकटग्रस्त वडा घोषणा गरी नागरिकको जिउधनको सुरक्षा गर्न माग गरिएको हो ।

124
कारोबार संवाददाता
बिहिवार, कार्तिक १४, २०७६

शारीरिक रूपमा अपांग भएका व्यक्तिलाई सरकारी सेवा लिन समस्या हुने गरेको छ । जाजरकोटमा मात्र १ हजार ९ सय ३६ अपांगता भएका व्यक्ति छन् । त्यसमध्ये ३ सय ९४ जनाले अपांग परिचयपत्र नै पाउन नसकेको अवस्था छ  । सबैभन्दा बढी अपांगता भएका व्यक्ति जिल्लाको भेरी नगरपालिकामा रहेको अपांग उत्थान केन्द्रका अध्यक्ष यामबहादुर बस्नेतले बताए । सबैभन्दा कम शिवालय गाउँपालिकामा ७७ जनामात्र अपांग रहेको उनको भनाइ छ ।

154
कारोबार संवाददाता
बिहिवार, कार्तिक १४, २०७६

धान भित्राउने समयमा कालो पोके रोग लागेपछि बागलुङको जैमिनी नगरपालिकाका किसान चिन्तित बनेका छन् । जैमिनी नगरपालिकाको झण्डै ३ सय हेक्टर जमिनमा लगाइएको ‘शंकर युएस १२’ नामको हाइब्रिड धानमा कालो पोके रोग लागेको छ ।

80
नीरज पिठाकोटे
बिहिवार, कार्तिक १४, २०७६

तराई मधेसमा अत्यन्त निष्ठा र भक्तिपूर्वक मनाईने छठ पर्वले चहलपहल बढाएको छ । सूर्य भगवान अर्थात दिनानाथलाई अर्घ दिन तयार गरिने परिकारहरु अत्यन्तै नियममा बाँधिएर निष्ठापूर्वक गर्नुपर्ने भएकाले छठलाई निष्ठा र कठोर पर्वको रुपमा मानिन्छ । तराई मधेशबासी अहिले पूर्णरुपमा छठपर्वको तयारीमा जुटेका छन् । छठपर्वको पूजा सामग्री जोरजाम किनमेल गर्न यतिबेला बजारमा घुइँचो लाग्ने गरेको छ ।

78
कारोबार संवाददाता
बुधवार, कार्तिक २०, २०७६

प्रहरीले मंगलबार विहान प्रहरीले झापाको कनकाई नगरपालिका –३ स्थित सुरुङाबाट भारत तर्फ तस्करी हुन लागेको दुई ट्रक गोरु नियन्त्रणमा लिएको छ । नियन्त्रणमा लिएका ४९ वटा गोरु भद्रपुर भन्सार पठाइएको इलाका प्रहरी कार्र्यालय बिर्तामोडले जनाएको छ । बिर्तामोड प्रहरीको नेतृत्वमा मंगलबार ४ बजे दुबै ट्रक गोरुरु पक्राउ गरिएको इप्रका बिर्तामोडमा प्रमुख डिएसपी मोहन थापाले बताए । ना.५ख ५९४६ र ना ६ ख ३८४१ नम्बरको ट्रक चालकसहित पक्राउ गरेको छ । चौपाय नवलपरासीबाट प्रमोद यादवले कनकाई नगरपालिका–३ का रमेश खरेलले आयात गरेका हुन् ।

232
कारोबार संवाददाता
बुधवार, कार्तिक २०, २०७६

रेलमार्ग तथा रेल्वे स्टेसनमा परेको आफ्नो जमिनको उचित मूल्यांकन नगरी मुआब्जा दिन लागेको भन्दै पीडितहरूले चन्द्रपुर नगरपालिकाको कार्यालयमा तालाबन्दी गरेका छन् । रेल्वे स्टेसन तथा रेलको लिगमा जमिन परेपछि चन्द्रपुर नगरपालिका–८ का बासिन्दाले नगरपालिकाको कार्यालयमा तालाबन्दी गरेका हुन् ।

248
कारोबार संवाददाता
बुधवार, कार्तिक २०, २०७६

गोरखा क्षेत्र नं दुईका सांसद डाक्टर बाबुराम भट्टराईले आफ्नो क्षेत्रमा संसद् कोषको रकमबाट योजना छनोट गरेका छन् । गोरखा क्षेत्र नं दुईबाट प्रतिनिधिसभामा प्रतिनिधित्व गरेका सांसद डाक्टर भट्टराईले स्थानीय पूर्वाधार विकास साझेदारी कार्यक्रमको छ करोड रुपैयाँ ३२ योजनाका लागि बाडँफाडँ गरेका हुन् । डाक्टर भट्टराईको अध्यक्षतामा जिल्ला समन्वय समितिमा भएको स्थानीय पूर्वाधार विकास साझेदारी कार्यक्रमअन्तर्गतको कार्यक्रम निर्देशक समितिले योजना छनोट गरेको हो ।

213
सागर परियार
बुधवार, कार्तिक २०, २०७६

जुम्लाबाट २०६४ देखि २०७४ साल सम्मको निर्वाचनमा विजयी हुने नेताले तातोपानी १ मा खानेपानी पु-याउने विषयलाई मुख्य एजेण्डा बनाए । सोहि अनुसार निर्वाचित भएको केही महिनामा घरघरमा धारा जडान गर्ने बाचा गरेपनि गाउँमा पानी पुगेन् ।

276
कारोबार संवाददाता
बुधवार, कार्तिक २०, २०७६

एक करोड ५० लाखको लागतमा लोक सेवा आयोग जुम्लाको नयाँ भवन निर्माण भएको छ । सम्झौता अनुसार नै दुईतले भवन निर्माण सम्पन्न भएको छ ।

245
कारोबार संवाददाता
बुधवार, कार्तिक २०, २०७६

जंगली जनावरले खेतीबाली नष्ट गरेपछि जिल्लाको सोताङ गाउँपालिका–१ का कृषकले क्षतिपूर्तिको माग गरेका छन् । साविक पावै–९ का हुलु, कुवापानी क्षेत्रमा किसानले लगाएको अन्नबाली जंगली जनवारले नष्ट गरेको भन्दै राहतको मागसहित वडा कार्यालयमा निवेदन दिएका छन् । जंगलबाट आएका बाँदर, दुम्सी, घोरल र मृगले धान, मकै, कोदो, फापर, केरालगायतका बाली सखाप पारेको कृषक मेगबहादुर राईले गुनासो गरे । आम्दानीको मुख्य स्रोत नै कृषि भए पनि भित्र्याउनै नपाइ सखाप पारिदिएको भन्दै उनीहरूले वडा कार्यालयमार्फत स्थानीय सरकार र डिभिजन वन कार्यालयले राहतको व्यवस्था गर्नुपर्ने माग गरेका हुन् ।

168
रासस
बुधवार, कार्तिक २०, २०७६

नगरपालिका–७ मल्मका हेमबहादुर थापालाई यस वर्ष खेतमा गहुँ छर्न गोरु, हलि र खेताला खोज्नुपरेन । तीन हल गोरुको मेलो ‘मिनीटिलर’ अर्थात् यान्त्रिक हलोले तीन घण्टामै उम्काइदियो । दुई हजार तिरेपछि खेतको धान, पराल पनि ट्र्याक्टरले एकै खेपमा घर पु-यायो । उनीजस्तै मल्म र आँगाखेतका अधिकांश किसानले यसपाली धान र पराल बोक्न ट्र्याक्टर तथा खेत जोत्न यान्त्रिक हलो प्रयोग गरे । फाँटमा न गोरु देखिए न कतै दाइँ गरेको पाइयो । किसानले धान काट्न र झाँट्न भने खेताला लगाए अर्थात् परम्परागत सीप नै अपनाए ।

172
कृञ्जला पुलामी
बुधवार, कार्तिक २०, २०७६

कमलामाई नगरपालिका–४ ढुङग्रेबासका राजकुमार श्रेष्ठ नेपाल आर्मीको जागिर छाडेर बाख्रा पालनमा रमाइरहेका छन् । कुनै बेला देश र जनताको सेवामा समर्पित राजकुमारको अहिले दैनिकी फेरिएको छ । उनको दैनिकी बाख्राको खोरबाट नै सुरु हुन्छ अनि अन्त्य पनि । दिनभरी यही बाख्राको रेखदेख र आहारा, पानी दिनमा उनी व्यस्त हुन्छन् । जागिर छाडेर त्यसै घरमा बसिरहेका राजकुमारलाई चितवन जिल्लाको बाख्रा फर्म हेरेपछि बाख्रा पालन गर्न इच्छा लाग्यो । त्यसपछि जिल्लाकै पनि अन्य बाख्रा फर्महरुको अवलोकन गरेपछि बाख्रा पालन नै गर्ने निधोमा पुगेको बताउँछन् ।

370