कारोबार संवाददाता
सोमवार, माघ २२, २०७४

नेपाललाई जापान सरकारले पाँच हजार मेट्रिक टन चामल सहयोग दिएको छ । नेपाल सरकार र जापान सरकारबीच ३ करोड ५० लाख रुपैयाँ बराबरको खाद्यान्न उपलब्ध गराउने सम्झौता भएको थियो । सोहीअनुसार जापानले पहिलो चरणमा पाँच हजार मेट्रिक टन चामल उपलब्ध गराएको हो । जापान सरकारले पहिलो चरणमा ५ हजार १ सय ७४ मेट्रिक टन चामल उपलब्ध गराएको आपूर्ति मन्त्रालयले जानकारी दिएको छ ।

1326
कारोबार संवाददाता
आइतवार, माघ २१, २०७४

जिल्लालाई पूर्ण सरसफाइ बनाउने गरी सञ्चालन गरिएको अभियान अहिले ठप्पजस्तै भएको छ । बजारी क्षेत्रमा सरसफाइ अभियान सञ्चालन भए पनि गाउँमा सरसफाइ अभियान सञ्चालन हुन सकेका छैनन् । गाउँमा खुल्ला दिसामुक्त अभियानको समयमा निर्माण गरिएका शौचालयसमेत भत्कन थालेका छन् ।

1861
कारोबार संवाददाता
आइतवार, माघ २१, २०७४

सिमसार क्षेत्र संरक्षण तथा व्यवस्थापन गर्न सम्बन्धित सरोकारवालाबीच आपसी समन्वयको खाँचो रहेको सोकारवालाले बताएका छन् । सिमसार दिवसको अवसरमा राजधानीमा आयोजित कार्यक्रममा बोल्दै सरोकारवालाले सिमसार संरक्षण तथा व्यवस्थापनका कार्यक्रम प्रभावकारी रूपमा अगाडि बढाउन समन्वय आवश्यक रहेको बताएका हुन् ।

850
कारोबार संवाददाता
आइतवार, माघ २१, २०७४

कालिञ्चोक गाउँपालिका–३ पोखरेकी सीता विकको आजभोलि व्यस्तता बढेको छ । विगतमा हिउँद लाग्ने बित्तिकै पानीको प्यासकै लागि बिहान र साँझ बिताउनु पर्ने दैनिकी अहिले फेरिएको छ । पानी लिन बिताउनु पर्ने समय तरकारी खेती र सरसफाइमा उनको दैनिकी बित्ने गरेको छ ।

966
कारोबार संवाददाता
शुक्रवार, माघ १९, २०७४

सरकारले वन क्षेत्रका निजी लगानी कर्तालाई प्रोत्साहन गर्ने भएको छ । सरकारले वन पैदावारको उत्पादकत्व वृद्धि गर्दै वनबाटै आर्थिक सुधार गर्न निजी क्षेत्रलाई प्रोत्साहन गर्न लागेको हो । वन तथा भू–संरक्षण मन्त्रालयले वन संरक्षणका कार्यक्रम संरक्षणमुखी मात्रै भएकाले उत्पादनमुखी वन व्यवस्थापन हुन नसक्दा पर्याप्त आम्दानी गर्न नसकिएको निष्कर्ष निकाल्दै निजी क्षेत्रको विकल्प खोजेको हो ।

1479
कारोबार संवाददाता
शुक्रवार, माघ १९, २०७४

भूकम्पले गाउँ पहिरोको उच्च जोखिममा पारेपछि परिवारै विस्थापित भई सेलाङको बाँसखर्क आएका वास्तविक भूकम्पपीडितलाई सरकारी जग्गामै घर बनाएर बस्न दिइने भएको छ । पुरानै थातथलोमा फर्कन नसक्ने र अन्यत्र जग्गा नभएका विस्थापित परिवारलाई सो अवसर दिइन लागिएको हो ।

2476
मीनकुमार नवोदित
शुक्रवार, माघ १९, २०७४

चालीसको दशकसम्म मोरङ–सुनसरी औद्योगिक क्षेत्रमा उद्योगहरू गुल्जार थिए । जताततै उद्योगहरू सञ्चालनमा थिए । रोजगारीको अवसर प्रशस्त थियो । उद्योगबाट उत्पादित वस्तुमध्ये ५० प्रतिशतभन्दा बढी निर्यात हुन्थ्यो । तर, साठीको दशकको सुरुदेखि उद्योगहरू बन्द हुने क्रम सुरु भयो । खासगरी सशस्त्र माओवादी द्वन्द्व र लोडसेडिङका कारण उद्योगहरू बन्द हुँदै गएको उद्योगीहरू बताउँछन् । डेढ दशकको अवधिमा यो क्षेत्रका एक सयभन्दा बढी ठूला उद्योग बन्द भएका छन् ।

1372
कारोबार संवाददाता
बिहिवार, माघ १८, २०७४

गोकुलगंगा गाउँपालिकास्थित बेतालीमा निर्माणाधीन १ करोड ६ लाख ४२ हजार लागतको सिँचाइ आयोजना निर्माण सम्पन्न नहुँदै भत्कन थालेको छ । योजनाका लागि प्रयोग भएको पाइपलाई टेवा दिन बनाइएका पोस्टहरू धमाधम भत्कन लागेका हुन् । प्राविधिक डिजाइनमा त्रुटि र गुणस्तरहीन निर्माणका कारण र लागत स्टिमेटअनुसारका सामान प्रयोग नहुँदा यस्तो भएको स्थानीयवासी बताउँछन् ।

989
कारोबार संवाददाता
बिहिवार, माघ १८, २०७४

भीमेश्वर नगरपालिकाले हालसम्म गरेको प्रगति मंगलबार प्रेस विज्ञप्तिमार्फत सार्वजनिक गरेको छ । नगरपालिकाका प्रमुख भरत केसीले मंगलबार नगरपालिकाले सबै वडाबाट सेवा थालनी गरेको बताए ।

860
कारोबार संवाददाता
बिहिवार, माघ १८, २०७४

नेपालगन्ज उपमहानगरले ट्राफिक व्यवस्थापन गर्न सुर्खेतरोडमा राखिएका डिभाइडर हटाउने अभियान सुरु गरेको छ । नेपालगन्ज उपमहानगरका प्रमुख डा. धवल शमशेर राणाको अध्यक्षतामा बसेको सर्वदलीय÷सर्वपक्षीय बैठकको निर्णयानुसार सुर्खेतरोडको फोरलेन सडकमा भएका डिभाइडर उठाउन सुरु गरेको हो ।

1149
नीरज पिठाकोटे
बिहिवार, माघ १८, २०७४

सिमेण्ट उद्योगको मूख्य कच्चा पदार्थ क्लिंकर आयातमा देखिएको समस्याका कारण नेपाली सिमेण्ट उद्योगहरुले भोग्नुपरेको समस्यालाई उच्च प्राथामिकतामा राखेर कुटनीतिक पहल गर्न नेपाल सरकारलाई सिमेण्ट उद्योगीहरुले माग गरेका छन् । भारतको रक्सोल स्थित रेलवे यार्डमा वातावरण प्रदुषण भएको भन्दै क्लिंकर आयातामा रोक लगाएपछि कच्चा पदार्थको अभावमा उत्पादन नै बन्द हुने अवस्था भएको भन्दै सिमेण्ट उद्योगीहरुले यसको समस्या समाधानका लागि बिहिबार हुने भारतीय विदेशमन्त्री सुष्मा स्वराजको नेपाल भ्रमणमा उच्च प्राथामिकतामा राखेर नेपाल सरकारले कुटनीतिक पहल गर्न माग गरेका हुन् ।

1073
कारोबार संवाददाता
बिहिवार, माघ १८, २०७४

आधुनिक नेपाल स्थापना भएको २५० वर्षको अवसरमा क्वाटर मिलियन अभियानले वीर–वीरङ्गना ज्ञात अज्ञात सहिदहरुको सम्झनामा नेपाली वीरताको अस्तित्वलाई उजागर गर्न आग्रह गरेको छ । रिपोर्टर्स क्लब नेपालमा क्वाटर मिलियन अभियानले पत्रकार सम्मेलन गरेर मुलुक स्थापना भएको २५० वर्षको अवसरमा यसको औचित्यको बारेमा गहन अध्ययन अनुसन्धान हुनुपर्नेमा जोड दिएको हो । क्वार्टर मिलियनका अभियन्ता प्राध्यापक आनन्द आदित्यले मुलुक स्थापनाको अवसर पारेर कार्यक्रम गर्नु र नेपालको गरिमाका बारेमा विश्वलाई चिनाउनु हरेक नागरिकको कर्तव्य रहने बताए ।

866
निरु अर्याल
बिहिवार, माघ १८, २०७४

प्रदेशसभाको बजेट प्रत्येक वर्षको असार १ मा आउने भएको छ । सरकारले तयार पारेको प्रदेशको आर्थिक कार्यविधि ऐनको मस्यौदाअनुसार प्रदेश अर्थमन्त्रीले प्रत्येक वर्षको असार १ गते आर्थिक वर्षको राजस्व र आम्दानीको व्यय अनुमान (बजेट) पेश गर्नुपर्ने भएको हो ।

1675
कारोबार संवाददाता
बुधवार, माघ १७, २०७४

मुस्ताङस्थित कोरला नाका सञ्चालनका लागि सरकारले पूर्वाधार निर्माणलाई तीव्रता दिनुका साथै कुटनीतिक पहल थालेको छ । कोरला नाका सञ्चालनका लागि पहुँच मार्ग निर्माणसँगै सुरक्षा निकायको क्याम्प खडा गर्ने तयारी भएको हो । कोरला नाकानजिकै पर्ने नेचुङ भन्सार कार्यालय यसअघि नै सञ्चालनमा आइसकेको छ ।

2754
कारोबार संवाददाता
बुधवार, माघ १७, २०७४

धुलो र फोहरको सहरको उपमा पाएको नेपालगन्ज अब केही दिनभित्रै धुलो मुक्त सहरको रूपमा परिणत हुने भएको छ । नेपालगन्जको सुर्खेतरोडमा धुलो उडेर हैरान भएपछि सडकको धुलो संकलन गरी हटाउने कार्य तीव्र पारिएको छ । सुर्खेतरोडमा हिँड्ने पैदल यात्रुलाई धुलो उडेर हैरानी भएपछि नेपालगन्ज उपमहानगरले सुर्खेतरोड लगायतका मुख्य सडकहरूमा सरसफाइकर्मी परिचालन गरी सफाइ अभियान सुरु गरेको हो ।

1147