कारोबार संवाददाता
मंगलबार, माघ ७, २०७६

बागमती प्रदेशको लोक सेवा आयोगमा दुई सदस्य नियुक्त भएका छन् । पूर्वसहसचिव सुदर्शन ढकाल र त्रिवि शिक्षण अस्पतालमा अध्यापन गराउ“दै आएकी शर्मिला न्यौपानेले आयोगको सदस्यको रूपमा सोमबार सपथ ग्रहण गरेका हुन् । दुई सदस्य नियुक्त गरेसँगै तीन सदस्यीय आयोगले पूर्णता पाएको छ । प्रदेशका मुख्यमन्त्री डोरमणि पौडेल, सभामुख सानुकुमार श्रेष्ठ र प्रमुख प्रतिपक्ष दलका नेता इन्द्रबहादुर बानिया“ सम्मिलित सिफारिस समितिले आइतबार सदस्य सिफारिस गरेका थिए । सदस्यहरूलाई आयोगका अध्यक्ष सुरेशमान श्रेष्ठले सपथ ग्रहण गराएका हुन् ।

136
कारोबार संवाददाता
मंगलबार, माघ ७, २०७६

सुदूरपश्चिम प्रदेश सरकारले छाडा पशुचौपया व्यवस्थापन गर्न कार्यविधि बनाएको छ । प्रदेश सरकरको सोमबार सबेको मन्त्रिपरिषद्को बैठकले सामुदायिक छाडा पशु कल्याण प्रवद्र्धन गर्न गौशाला निर्माण तथा व्यवस्थापन कार्यक्रम सञ्चालन कार्यविधि २०७६ स्वीकृत गरेको हो । भूमि व्यवस्था, कृषि तथा सरकारी मन्त्रालयले तयार गरेको सो कार्यविधि अनुसार प्रदेश सरकारले गौशाला निर्माण गरी छाडा पशु चौपायाको व्यस्थापन गर्ने भएको छ ।

136
कारोबार संवाददाता
मंगलबार, माघ ७, २०७६

कुनै समय एनजीओ आईएनजीओको जिल्ला भनेर चिनिने डडेल्धुरामा अहिले गैरसरकारी संघसंस्थाको सक्रियतामा कमी हुँदै जान थालेको छ । जिल्ला प्रशासन कार्यालय र गैरसरकारी संस्था महासंघमा दर्ता भएका संघसंस्थाहरू नवीकरण हुन छाडेपछि कमी हुँदै गएको आभास भएको हो । आव ०६०-६५ तिर पाँच सय बढी एनजीओ-आईएनजीओ रहेको डडेल्धुरामा अहिले डेढ दर्जनमा खुम्चिएको गैसस महासंघ डडेल्धुराले जनाएको छ ।

113
कारोबार संवाददाता
मंगलबार, माघ ७, २०७६

मुगु जिल्लाको पुर्वी उत्तरीकरान भेगमा पर्ने मुगुमकामरोङ्ग गाउँपालिकामा पटक पटक परेको हिमपातले विकास निमार्णका काम ठप्प भएका छन् । जिल्लाका चार स्थानीय तहमध्ये उच्च हिमाली क्षेत्रमा रहेको गाउँपालिकामा हिमपातले विकास निमार्णका काम ठप्प भएका हुन् । मुगु, डोल्फु चितै, किम्री, ताखा, खारी, पुअ, रिउस, दाउरा, सेरोगलगायतका वडा १ देखि ७ सम्मका बस्तीमा हिउँले ढाकेपछि गाउँपालिका, गैर सरकारी निकाय र अन्य निकायबाट सञ्चालित विकास निर्माणका काम अवरुद्ध भएका छन् ।

119
सागर परियार
सोमवार, माघ ६, २०७६

कर्णालीकै प्रसिद धार्मिक स्थल चन्दननाथ मन्दिरको दत्तात्रयको मुख्यमूर्ति तीन वर्षपछि बेबारिस्से अबस्थामा भेटिएको छ । गत तीन वर्ष पहिले मन्दिरबाट चोरी भएको करिब १८ किलो चाँदीको दत्तात्रयको त्रिम मूख्य मूर्ति सोमबार बिहान खेतको आलीमा भेटिएको जिल्ला प्रहरी कार्यालय जुम्लाले जनाएको छ ।

833
कारोबार संवाददाता
सोमवार, माघ ६, २०७६

लमजुङमा मेलमिलापका अधिकांश मुद्दा असफल भएका छन् । जिल्ला अदालतको तथ्यांकअनुसार मेलमिलापका लागि पठाइएका मुद्दाहरूमा अधिकांश मुद्दा असफल भेटिएको हो । सदरमुकाम बेंसीसहरमा आयोजित मेलमिलाप अभिमुखीकरण कार्यक्रममा सो तथ्यांक प्रस्तुत भएको हो । जिल्ला अदालतको पछिल्लो चार वर्षको तथ्यांकअनुसार एक सय ५९ मुद्दा मेलमिलापका लागि पठाइएका थिए । सोही चार वर्षको तथ्यांकलाई हेर्दा करिब ६८ प्रतिशत मुद्दा असफल भएको पाइएको हो ।

169
दीननाथ बराल
सोमवार, माघ ६, २०७६

अन्नपूर्ण पदमार्गमा हिमपहिरोका कारण तीन नेपालीसहित सात जना हालसम्म पनि सम्पर्कविहीन छन् । बिहीबार र शुक्रबार परेको हिमपहिरोमा परी तीन नेपाली र चार कोरियालीसहित सात जना हालसम्म सम्पर्कविहीन रहेको ट्रेकिङ एजेन्सिज् एसोसिएसन अफ नेपाल (टान) पश्चिमाञ्चल क्षेत्रीय संघ पोखराले जनाएको छ । हिमपहिरोमा परी घाइते भएका दुई जनालाई भने सकुशल उद्धार गरेको टान पोखराका अध्यक्ष हरिबहादुर भुजेलले आइतबार पोखरामा आयोजित पत्रकार भेटघाट कार्यक्रममा जानकारी गराए ।

242
कारोबार संवाददाता
आइतवार, माघ ५, २०७६

विश्वप्रसिद्ध चक्रीय अन्नपूर्ण पदमार्ग अन्तर्गत मनाङ पुगेका चार विदेशी पर्यटक सम्पर्कविहीन भएका छन् । अन्नपूर्ण पदमार्ग अन्तर्गत पाँच हजार चार सय १६ मिटर उचाइको थोराङला पास गर्न गएका चारजना विदेशी पर्यटक सम्पर्कविहीन भएका हुन् । सम्पर्कविहीन भएका चार जनामध्ये दुई महिला र दुई पुरुष छन् । सम्पर्कविहीन हुनेहरूमा पर्यटकहरू ह्वाङ यिविन, क्याटसियु टिङ, मा क्आिन्ली र अन्वद झाड छन् ।

292
कारोबार संवाददाता
आइतवार, माघ ५, २०७६

पैयूँका रुख नासिने र गाउँघरतिर तोरीखेती गर्ने चलन हराउँदै गएपछि मौरीलाई चरन क्षेत्रको अभाव भएको म्याग्दीका मौरीपालक कृषकले बताएका छन् । पुष्परसको अभावले गर्दा मह उत्पादनमा कमी आएको उनीहरुको भनाइ छ । जिल्लाका ज्यामरुककोट, रत्नेचौर, अर्मन, बाबियाचौरलगायतका गाउँमा व्यावसायिक रुपमा मौरीपालन गरेका कृषकले विगतका वर्षको तुलनामा यस वर्ष पुष्परसमा कमी आएको र मह उत्पादन कमी भएको बताएका हुन् ।

163
दिलबहादुर केसी
आइतवार, माघ ५, २०७६

एक हप्ता अघि कालिञ्चोक गाउँपालिका वडा नं. ६ थाङबारुका किसानहरुले सामुहिक रुपमा किविका विरुवा रोपे । किसानहरुको साथमा गाउँपालिका अध्यक्ष विनकुमार थामीसहितका जनप्रतिनिधि र सरोकारवालाहरु सहभागी भए । ३४ जना किसानको २१६ रोपनी जग्गाको एउटै प्लट बनाएर रोपिएको किवि खेतीमा गाउँपालिकाले अभियानकै रुपमा लिएको छ । एक वडा एक फलफूल पकेट क्षेत्र अभियान थालेको कालिञ्चोक गाउँपालिकाले वडा नं. ६ को थाङबारुमा किवि पकेट क्षेत्र बनाएको अध्यक्ष विनकुमार थामीले बताए ।

355
दीननाथ बराल
आइतवार, माघ ५, २०७६

अन्नपूर्ण संरक्षण क्षेत्र आयोजना (एक्याप)को सम्झौता अवधि शनिबार सम्पन्न भएको छ । म्याद सकिन एक दिनअघि गत बिहीबार संघीय सरकारका वनमन्त्री शक्तिबहादुर बस्नेतले एक्यापलाई अब नयाँ मोडलमा लैजाने र जुन स्थानीयको चाहनाअनुसार नै हुने जनाएका छन् । संघीय मन्त्रीसहित प्रदेश सरकारका मुख्यमन्त्री उपस्थित कार्यक्रममा विभिन्न तहका जनप्रतिनिधि र सरोकारवालाहरूले एक्याप विकासको बाधक भएकोे आरोप लगाएपछि मन्त्री बस्नेतले यस्तो बताएका हुन् ।

223
कृञ्जला पुलामी
शुक्रवार, माघ ३, २०७६

कमलामाई नगरपालिका–२ भद्रकालिका प्रदिप गौतम व्यावसायिक रूपमै भैंसी पालनमा व्यस्त छन् । पेसाले कृषि प्राविधिक रहेका प्रदिपले यसरी भैसीं पालन सुरु गरेको २ वर्ष भयो । ३ वर्ष कृषि प्राविधिकका रूपमा कामसमेत गरेका प्रदिप अहिले यहि भैंसीको रेखदेखमा नै व्यस्त छन् । खेतीबालीमा आएका समस्या समाधान गर्न र खेतीका लागि किसानलाई प्रोत्साहन गर्न गाउँघर डुल्दाडुल्दै उनलाई पनि व्यवसाय गर्ने सोच पलायो ।

331
कारोबार संवाददाता
शुक्रवार, माघ ३, २०७६

जिल्लामा आधुनिक घट्टको विकासले परम्परागत घट्ट पछिल्लो समय लोप हुँदै गएको छ । पछिल्लो समय कुटानी पिसानीमा छिटोछरितोका लागि विद्युत्बाट चल्ने आधुनिक मेसिनहरू आएपछि परम्परागत घट्ट, ढिकी र जाँतो लोप हुँदै गएका हुन् । गाउँगाउँमा विद्युत् विस्तार र सडक पुगेसँगै आधुनिक मेसिनहरू गाउँमा पुगेसँगै ग्रामीण भेगका जनताको आकर्षण बढेपछि परम्परागत पानीघट्टको प्रयोग घट्दै गएको छ ।

294
कारोबार संवाददाता
शुक्रवार, माघ ३, २०७६

सुदूरपश्चिम प्रदेशमा छाउगोठ भत्काउने अभियान चलिरहँदा डडेल्धुराको भित्री मधेसमा पर्ने आलिताल गाउँपालिकामा पनि एक दर्जन बढी छाउगोठ भत्काइएका छन् । इलाका प्रहरी कार्यालय जोगबुडा डडेल्धुराका प्रमुख प्रहरी निरीक्षक जनकबहादुर मल्लको नेतृत्वमा गएको प्रहरी टोलीले आलिताल गाउँपालिका–६ धिमडाका २ दर्जन घर परिवारले प्रयोगमा ल्याएका ११ वटा छाउगोठ भत्काएको हो ।

275
कारोबार संवाददाता
शुक्रवार, माघ ३, २०७६

लमजुङका भूकम्प पीडितहरूले अनुदान रकम फिर्ता गर्न थालेका छन् । भूकम्पले घर भत्किएर पुनर्निर्माणका लागि अनुदान रकम लिएका पीडितहरूले घर निर्माण नगरेपछि रकम फिर्ता गरेका हुन् । जिल्लामा हालसम्म १७ जनाले रकम फिर्ता गरेको पुनर्निर्माण प्राधिकरण अनुदान व्यवस्थापन शाखा लमजुङले जनाएको छ । शाखाका अनुसार हालसम्म दोस्रो किस्ता लिएका दुईजना र पहिलो किस्ता लिएका १५ जनाले रकम फिर्ता गरेका हुन् ।

284