कारोबार संवाददाता
आइतवार, भदौ ८, २०७६

नेपाली महिलाहरूको महान चाड तीजको अवसरमा नेपाल चेम्बर अफ कमर्स, नेपाल महिला चेम्बरद्वारा आयोजित ‘दोस्रों तीज व्यापार मेला–२०७६’ सम्पन्न भएको छ । राजधानीको जमलस्थित नेपाल चेम्बर अफ कमर्समा शुक्रबारदेखि आयोजित २ दिने मेलाको प्रदेश ३ सांसद एवं पूर्वउद्योगमन्त्री अष्टलक्ष्मी शाक्यले उद्घाटन गर्दै महिलालाई सक्षम, उद्यमी र व्यवसायी बनाउनका लागि महिला चेम्बरले सहयोग गर्नुपर्ने बताएकी थिइन् । उनले महिलाहरूले पनि आफू उद्यममा लाग्न आफैं क्रियाशील हुनुपर्ने पनि बताइन् । उद्घाटन कार्यक्रममा चेम्बरका कार्यबाहक अध्यक्ष राजेन्द्र मल्लले महिला चेम्बरले गरेको कार्यले महिला तथा उद्योमीका लागि थप भूमिका खेलेकोमा जोड दिँदै उनले यस्तो मेलाले महिलामा थप ऊर्जा मिल्ने अपेक्षा गरेका थिए ।

170
कारोबार संवाददाता
शुक्रवार, भदौ ६, २०७६

प्लास्टिक तथा प्लास्टिकजन्य फोहोर व्यवस्थापनमा दिगो समाधान तथा असल अभ्यासलाई अवलम्बन गर्न सरकार र निजी क्षेत्र मिलेर काम गर्न सहमत भएका छन् । नेपाल उद्योग परिसंघको वातावरण समिति तथा प्लास्ट नेपाल फाउन्डेसनको सहकार्यमा भदौ ४ गते काठमाडौंमा आयोजित प्लास्टिक तथा प्लास्टिकजन्य फोहोर व्यवस्थापनमा दिगो समाधान तथा असल अभ्याससम्बन्धी अन्तक्र्रियामा सरकार र निजी क्षेत्रले वातावरण सरंक्षणमा नयाँ कार्ययोजना तय गरेर सहकार्य गर्न सहमति जनाएका हुन् ।

343
कारोबार संवाददाता
शुक्रवार, भदौ ६, २०७६

दसैं र तिहार चाडपर्वको विशेष उपलक्ष्यमा बजाज मोटरसाइकलको एकमात्र आधिकारिक वितरक हंसराज हुलासचन्द एन्ड कम्पनी प्रालिले ‘अब कति जितिन्छ पहिल्यै देखिन्छ’ भन्ने नारासहित ‘बजाज भविष्यवाणी’ सार्वजनिक गरेको जनाएको छ । बजाजले सदैव ग्राहकहरूका लागि रोमाञ्चक योजना र अफरहरू ल्याउँदै आइरहेको भन्दै कम्पनीले दसैं र तिहार चाडपर्वको शुभ अवसरमा बजाजले ग्राहकहरूलाई मोटरसाइकल किन्नुभन्दा अगाडि र किनेपछि कति रकम जितिन्छ भनेर पहिल्यै थाहा पाउने अवसर प्रदान पनि गरेको जनायो ।

377
कारोबार संवाददाता
बिहिवार, भदौ ५, २०७६

पशुपति पेन्ट्सले आफ्ना उपभोक्तामाझ कम्पनीको लोकप्रिय योजना ‘महापर्वको रंगोत्सव’ फेरि ल्याएको जनाएको छ । सदाझैं यस वर्ष पनि कम्पनीले चाडपर्वको समयलाई लक्षित गरी यस योजना ल्याएको हो भन्दै कम्पनीले यस वर्षको योजनाअन्तर्गत उपभोक्ताहरूले ५० हजार रुपैयाँबराबरको पेन्ट्स खरिद गरी ‘लक्की ड्र’ कुपनमार्फत सुन र चाँदीको उपहार जित्न सक्ने पनि जनाएको छ ।

279
कृञ्जला पुलामी
बुधवार, भदौ ४, २०७६

सिन्धुलीको मुख्य बजार क्षेत्रमा सीसी क्यामेरा जडान गरिएको छ । जिल्ला सदरमुकामस्थित माढी बजार अब सिसि क्यामेराको निगरानीमा हुुने भएको हो ।

394
मीनकुमार नवोदित
बुधवार, भदौ ४, २०७६

प्रदेश सरकारले जनअपेक्षाअनुसार काम गर्न नसकेको गुनासो बढिरहेका बेला उद्योगी व्यवसायीहरूले मुख्यमन्त्री शेरधन राईलाई भेटेर औद्योगिक समस्या समाधान गरिदिन हारगुहार गरेका छन् ।

348
कारोबार संवाददाता
बुधवार, भदौ ४, २०७६

वीरगन्जमा नव उद्यमशाला, प्रथम बिजनेस इन्क्युवेसन कार्यक्रम सञ्चालनका लागि त्रिपक्षीय सम्झौता भएको छ । सुरु गरिएको नयाँ सोच भएका युवाहरूलाई व्यवसाय गर्न तथा उद्यमशीलता विकासका कार्यमा आकर्षित गर्न सरोकारवालाको सञ्जाल विस्तार, विकास र स्टार्टअप इकोसिस्टम संस्थागत गर्न सघाउने उद्देश्यले कार्यक्रम गर्नका लागि वीरगन्ज उद्योग वाणिज्य संघ, अन्तरप्रेरणा प्रालि र वीरगन्ज पब्लिक कलेजबीच त्रिपक्षीक्ष सम्झौता गरिएको हो ।

304
कारोबार संवाददाता
मंगलबार, भदौ ३, २०७६

भाइब्रेन्ट गोवाःग्लोबल एक्स्पो एन्ड समिट–२०१९ को रोड शोको क्रममा १७ वटा रोड शो विभिन्न मुलुकमा गरी १८ औं रोड शो नेपालमा गर्ने क्रममा भाइब्रेन्ट गोवा टोलीले नेपाल चेम्बर अफ कमर्सले आयोजना गरेको एक कार्यक्रममा आफ्नो प्रस्तुति प्रस्तुत गरे । उक्त अवसरमा भाइब्रेन्ट गोवा ज्ञान समिटका अध्यक्ष एवं ओपन डेस्टिनेसनका उपाध्यक्ष मिलिन्ड अन्भेकरले १७ देखि १९ अक्टोबर २०१९ मा आयोजना हुने एक्स्पोबारे प्रकाश पारे । उक्त एक्स्पोले गोवा राज्यमा भएका उद्योग एंव व्यवसाय जगतको सबल पक्ष देखाउने सुवर्ण अवसर भएको र यसबाट व्यावसायिक अवसरप्राप्त भई व्यवसाय तथा ज्ञानको आदान–प्रदान करिब १२ मुलुक र भारतका २० प्रान्तका उद्योगी व्यवसायीबीच हुने धारणा राखे ।

312
कारोबार संवाददाता
मंगलबार, भदौ ३, २०७६

नेपाल पूर्वाधार सम्मेलनको पूर्वतयारी स्वरूप गण्डकी प्रदेशको पोखरामा शनिबार एक छलफल एवं अन्तरक्रिया कार्यक्रम सम्पन्न भएको छ । सो कार्यक्रममा प्रदेश उद्योग, पयर्टन, वन तथा वातावरणमन्त्री विकास लम्साल, प्रदेश नीति तथा योजना आयोगका उपाध्यक्ष गिरीधरी शर्मा पौडेल, योजना आयोगका पूर्वउपाध्यक्ष डा. शंकरप्रसाद शर्माले प्रदेशको सम्भावना तथा आवश्यकताका विषयमा चर्चा गरेका थिए भने परिसंघका उपाध्यक्ष वीरेन्द्रराज पाण्डेले तेस्रो पूर्वाधार सम्मेलनको तयारीका सन्दर्भमा जानकारी गराएका थिए ।

329
कारोबार संवाददाता
मंगलबार, भदौ ३, २०७६

नेपाल चेम्बर अफ कमर्स र नेपाल मेडिसिटी हस्पिटलबीच सहकार्य गर्ने विषयमा सोमबार समझदारीपत्रमा हस्ताक्षर भएको छ । चेम्बरका तर्फबाट चेम्बरका अध्यक्ष राजेशकाजी श्रेष्ठ र मेडिसिटी हस्पिटलका तर्फबाट सो हस्पिटलका अध्यक्ष डा. उपेन्द्र महतोले हस्ताक्षर गरेका छन् ।

286
कारोबार संवाददाता
मंगलबार, भदौ ३, २०७६

जापानको सर्वोत्कृष्ट हेल्थी होम पेन्ट केएनपीले दसैंको शुभअवसर पारेर पुनः एक पटक ‘रंगमा दंग’ योजना नेपाली बजारमा ल्याएको जनाएको छ । यस योजनाअन्तर्गत ग्राहकहरूले केएनपी इम्प्रेसन र एक्सल टोटलको प्रत्येक ६० हजार रुपैयाँ (भ्याटसहित) को खरिदमा एउटा कुपन प्राप्त गर्न सक्ने भन्दै कम्पनीले योजनामा ग्राहकहरूले ‘लक्की ड्र’ मार्फत बम्परमा १० तोला सुन, १० भाग्यशाली ग्राहकले स्मार्टफोन र ३ भाग्यशाली ग्राहकले एलईडी टिभी जित्ने अवसर प्राप्त गर्न सक्ने बतायो ।

275
कारोबार संवाददाता
आइतवार, भदौ १, २०७६

कवाडी व्यवसायमा लगाइएको १३ प्रतिशत भ्याट स्वीकार्य नहुने कवाडी व्यवसायीहरूले बताएका छन् । नेपाल कवाडी मजदुर व्यवसायी संघको वार्षिक साधारणसभामा बोल्दै कवाडी व्यवसायीहरूले सरकारले लगाएको अनिवार्य भ्याटको व्यवस्था आफूहरूले नमान्ने बताए । कार्यक्रममा बोल्दै संघका केन्द्रीय अध्यक्ष धर्मेन्द्र लामाले सरकारले १३ प्रतिशत भ्याट लगाउने निर्णयले व्यवसायीहरू पलायन हुने र लाखौंको रोजगारी गुम्ने अवस्था रहेको बताउँदै अध्यक्ष लामाले यस विषयमा सरकार संवेदनशील बन्न सुझाव दिए । उनले यो निर्णय तत्काल फिर्ता लिन सरकारलाई आग्रह पनि गरे ।

188
कारोबार संवाददाता
आइतवार, भदौ १, २०७६

अत्याधुनिक सुविधासहित अन्तर्राष्ट्रियस्तरको तालिम प्रदान गर्ने उद्देश्यले काठमाडौंको बसुन्धरामा नयाँ तालिम केन्द्र ‘इन्टरस्काफ सेफ्टी ट्रेनिङ सोलुसन प्रालि’ सञ्चालनमा आएको छ । बेलायतका विभिन्न तालिम प्रदायक संस्थाबाट मान्यता प्राप्त उक्त ट्रेनिङ सेन्टरले अन्तर्राष्ट्रिय स्तरको तालिम प्रदान गर्नुका साथै प्रमाणपत्र प्रदान गर्ने जनाइएको छ ।

176
कारोबार संवाददाता
आइतवार, भदौ १, २०७६

गणतन्त्र इन्डोनेसियाको ७४ औं स्वतन्त्रता दिवसको अवसरमा शनिबार एक समारोहकाबीच नेपालका लागि इन्डोनेसियाका अवैतनिक वाणिज्यदूत एवं आईएमई ग्रुपका अध्यक्ष चन्द्रप्रसाद ढकालले वाणिज्यदूतको कार्यालय, आईएमई कम्प्लेक्स परिसरमा इन्डोनेसियाको झन्डोत्तलन गरे । कार्यक्रममा नेपालमा बसोबास गरिरहनुभएका इन्डोनेसियन नागरिकहरू, वाणिज्यदूत कार्यालयका कर्मचारी तथा आईएमईमा कार्यरत कर्मचारीहरूको उल्लेख्य उपस्थिति रहेको भन्दै ढकालले इन्डोेनेसियको शान्ति र समृद्विको कामना गरे ।

183
कारोबार संवाददाता
आइतवार, भदौ १, २०७६

नेपाल उद्योग वाणिज्य महासंघको रिक्त कोषाध्यक्ष पदमा वर्तमान कार्यकारिणी समिति सदस्य निरक केसी मनोनीत भएका छन् । महासंघ कार्यकारिणी समितिको शुक्रबारको बैठकले सुर्खेतका केसीलाई निर्विरोध निर्वाचित गरेको हो । महासंघ अध्यक्ष भवानी राणाको अध्यक्षतामा सम्पन्न कार्यकारिणी समितिको १३ औं बैठकबाट केसी कोषाध्यक्ष पदमा निर्वाचित भएको महासंघले जनाएको छ । अध्यक्ष राणाले नवनिर्वाचित कोषाध्यक्ष केसीलाई शुक्रबार नै पद तथा गोपनियताको शपथ ग्रहण गराइन् ।

116