कारोबार संवाददाता
बुधवार, चैत्र २६, २०७६

कोरोनाभाइरस रोग (कोभिड-१९)को महाप्रकोपसँग जुध्दै नागरिक सुरक्षाका लागि आफूसक्दो प्रयास गर्ने अभियानको निरन्तरतास्वरूप चौधरी फाउन्डेसनले आज निजी क्षेत्रको तर्फबाट पहिलोचोटि सरकारलाई १,००० थान ‘पीसीआर रिएजेन्ट’ (परीक्षण सामग्रीहरू) हस्तान्तरण गरेको छ । स्वास्थ्य मन्त्रालयमा आयोजित समारोहमा फाउन्डेसनले स्वास्थ्यमन्त्री भानुभक्त ढकाललाई ती सामग्री हस्तान्तरण गरेको हो । कोभिड-१९ संक्रमित व्यक्ति पहिचान गर्न ‘पीसीआर रिएजेन्ट’ अति महत्वपूर्ण उपकरण हो ।

266
कारोबार संवाददाता
मंगलबार, चैत्र २५, २०७६

उद्योग वाणिज्य संघ चितवनले कोरोना राहत कोष स्थापना गरेको छ । संघका अध्यक्ष राजु श्रेष्ठले पहिलो चरणमा कोषमा ३ लाख रुपैयाँ जम्मा गरिएको बताए । संघले १ लाख ३० हजार, कार्यसमितिबाट १ लाख ७० हजार रुपैयाँ जम्मा गरिएको हो । संघको सोमबार बसेको बैठकले कोषलाई प्रभावकारी बनाउने छलफल गरेको छ ।

236
कारोबार संवाददाता
मंगलबार, चैत्र २५, २०७६

नेपाल उद्योग परिसंघले कोरोना भाइरसका कारण उत्पन्न विषम परिस्थितिसँग जुध्न विभिन्न तहमा आवश्यक खाद्यान्न सामग्री वितरणलाई जारी राखेको छ । विविध कारणले खाद्य सामग्री अभाव भएकाहरूलाई परिसंघले केन्द्र, प्रदेश सरकार तथा स्थानीय निकायसँग समन्वय गरी खाद्य सामग्री उपलब्ध गराउने प्रयास गरिरहेको छ ।

220
कारोबार संवाददाता
सोमवार, चैत्र २४, २०७६

कोरोना भाइरस संक्रमण रोकथामका लागि मुलुकभित्र जारी लकडाउनका समयमा बिहान–बेलुका हातमुख जोर्न समस्या भएका श्रमिक÷कामदारहरूको सहयोगार्थ नेपाल उद्योग वाणिज्य महासंघद्वारा पहिलो चरणमा ४ हजार प्याकेट राहत सामग्री वितरण गरिएको छ ।बाँचौं र बचाऔं अभियानमा महासंघद्वारा कोरोना भाइरसविरुद्ध सहयोग अभियान २०२० सञ्चालन गरी राहत सामग्री संकलन कार्य जारी गरिएको जनाएको छ । उद्योग, वाणिज्य तथा आपूर्तिमन्त्री लेखराज भट्ट र महासंघका अध्यक्ष भवानी राणाले आइतबार काठमाडौंमा एक कार्यक्रमबीच संयुक्त रूपमा राहत सामग्री हस्तान्तरण गरिन् ।

256
कारोबार संवाददाता
सोमवार, चैत्र २४, २०७६

केएल दुगड समूहले बाँके जिल्लाको कोहलपुर नपा–७, १४ तथा १५ मा ४ सय परिवारलाई, चामल १० केजी, चक्की आटा २ केजी, दाल १ केजी, चना १ केजी र धारा तोरीको तेल १ लिटर गरी कुल १५ केजीको फेमिलीप्याक उपरोक्त वार्डहरूमा बसोबास गर्ने गरिब, असहाय, अपाङ्गहरूलाई वार्ड अफिसको समन्वयमा वितरण गरिएको कम्पनीले जनाएको छ ।

274
कारोबार संवाददाता
सोमवार, चैत्र २४, २०७६

विश्वकै महामारीको रूपमा फैलिरहेको कोरोना भाइरस अर्थात कोभिड(१९ का कारण हाल विश्वमा प्रभावित समुदायहरूको समर्थनमा मेटलाइफ फाउन्डेसनले हिजो घोषणा गरेअनुरूप २५ मिलियन डलर सहयोग गर्ने भएका छन् । मेटलाइफ फाउन्डेसनले प्रदान गर्ने अनुदानले सबै मेटलाइफका कार्यालय भएका क्षेत्रहरूमा विस्तार हुनेछ र दुवै छोटो तथा दीर्घकालीन राहतका प्रयासहरूलाई सम्बोधन गर्नेछ ।

345
कारोबार संवाददाता
सोमवार, चैत्र २४, २०७६

कोरोना भाइरसले (कोभिड–१९) विश्व नै अक्रान्त बनेको यस घडीमा नेपालमा पनि सरकारी तथा निजी संघ–संस्था तथा व्यक्तिहरूले आाफ्नो ठाउँबाट आर्थिक तथा जिन्सी सहयोग सरकारी कोष, स्थानीय सरकारको कोषमा सहयोग भइरहेको छ ।

299
कारोबार संवाददाता
सोमवार, चैत्र २४, २०७६

निजी क्षेत्रका दुई पाउडर प्लान्ट पोखराको सुजल डेरी र चितवनको चितवन मिल्कले तत्काललाई एक सिफटमा मात्र काम गर्ने भएका छन् । दूध संकलन र आपूर्ति सहज नहुने भएकाले तत्काललाई एक सिफ्ट चलाउने भएका हुन् । दूध बढी हुने सिजनमा बचेको दूधलाई दुग्ध विकास संस्थानको विराटनगर पाउडर प्लानसहित मुलुकका तीन वटै पाउडर प्लान्टबाट धुलो दूध बनाइ स्टोर गर्ने गरिन्छ ।

427
सरस्वती ढकाल
आइतवार, चैत्र २३, २०७६

सरकारले लकडाउन जारी रहेका बेला उद्योग सञ्चालन गर्ने भने पनि उद्योगीहरू भने उद्योग सञ्चालन गर्ने मनस्थितिमा छैनन् । लकडाउनपछि समस्यै समस्यामा रुमलिएकाले सञ्चालनमा समस्या रहेको उनीहरू बताउँछन् । एउटा उद्योग चलाउन त्यसलाई चाहिने आवश्यक सामग्रीका लागि अर्काे उद्योगमा निर्भर हुनुपर्ने, कोरोनाको संक्रमण हुने डरले श्रमिकहरू काममा आउन नचाहने तथा स्थानीय तहमा उद्योग खोल्न दिँदा संक्रमण बढ्छ भन्ने भ्रम फैलिएकाले सञ्चालनमा समस्या रहेको उनीहरूको भनाइ छ ।

737
कारोबार संवाददाता
शनिवार, चैत्र २२, २०७६

श्री राधामाधव समिति नेपाल, यससँग सम्बधित समाज नेपाल र डिभाइन युथक्लब नेपालको पहलमा विश्वव्यापी महामारी कोरोना (कोभिड–१९) को रोकथामका सिलसिलामा घोषित लकडाउनका कारण अत्यन्त कठिन अवस्थामा रहेका मानिसहरूलाई लक्षित गरी राहत सामग्री वितरण अभियान आरम्भ गरिएको छ ।

218
मनिषा चम्लागाईँ
शुक्रवार, चैत्र २१, २०७६

प्रदेश –१को भूमि व्यवस्था कृषि तथा सहकारी मन्त्रालयले विज्ञप्ती जारी गर्दै लकडाउनकै समयमा चिया टिप्न सुरु गरेर प्रशोधन थाल्न आवह्न गरे पनि झापाका उद्योगीले तत्कालै पूर्ण रुपमा चिया उद्योग सञ्चालन गर्न नसक्ने बताएका छन् । शुक्रबार जिल्ला प्रशासन कार्यालय झापामा भएको छलफलमा उद्योगीले लकडाउनको बेला चिया टिप्ने र प्रशोधनका लागि गरिएको आवह्न तत्कालै लागू गर्न नसक्ने बताएका हुन् । मन्त्रालयले बुधबार विज्ञप्ती जारी गरी चिया टिप्न, ढुवानी गर्न, कारखाना सञ्चालन गर्न स्थानीय तहलाई सुरक्षित मापदण्ड बनाई कार्यान्वयन तथा अनुगमन गर्न निर्देशन दिएको थियो ।

411
कारोबार संवाददाता
बिहिवार, चैत्र २०, २०७६

जुम्ला, मुगु र डोल्पामा भइरहेको औद्योगिक सर्वेक्षण स्थगित भएको छ । वैशाख मसान्तसम्म मुगु, डोल्पा र जुम्लाका ५४ उद्योगमा सर्वेक्षण सकेर राष्ट्रिय योजना आयोग र केन्द्रीय तथ्यांक विभागमा प्रतिवेदन बुझाउने लक्ष्य स्थगित भएको हो । विश्वव्यापी माहमारीका रुपमा फैलिएको कोरोना भाइरसको त्रासले औद्योगिक सर्वेक्षण स्थगित भएको प्रमुख जिल्ला अधिकारी तथा जिल्लास्तरी औद्योगिक सर्वेक्षण समितिकी अध्यक्ष दुर्गा बञ्जाडेले बताइन् ।

419
कारोबार संवाददाता
बिहिवार, चैत्र २०, २०७६

ओयो होटेल एण्ड होम्सले नेपालको लकडाउनमा फसेर घर फर्किन नपाएका पर्यटक तथा नेपालीलाई निःशुल्क आवासको व्यवस्था गर्ने घोषणा गरेको छ । सरकारले कोरोना भाइसको महामारी फैलावट कम गर्न एक हप्ताभन्दा बढी समयदेखि लकडाउन गरिएको छ ।

314
कारोबार संवाददाता
बुधवार, चैत्र १९, २०७६

विगत २९ वर्षदेखि अनवरत रूपमा सेलवेस र सेल्सबेरीद्वारा सुपरमार्केट सञ्चालन गरिरहेका हामीले हाम्रो देशमा विविध विपतहरू (बाढी, महाभूकम्प) आइपर्दा विपद् व्यवस्थापनमा समाज र राष्ट्रप्रति उत्तरदायी हुँदै आएका छौं ।

447
कारोबार संवाददाता
बुधवार, चैत्र १९, २०७६

साना किसान विकास लघुवित्त वित्तीय संस्थाले सरकारले स्थापना गरेको कोरोना भाइरस संक्रमण रोकथाम नियन्त्रण तथा उपचार कोषमा १० लाख रुपैयाँ सहयोग प्रदान गरेको छ । विश्वव्यापी रूपमा फैलिएको कोरोना भाइरसको रोकथाम, नियन्त्रण र उपचारका लागि सरकारले स्थापना गरेको कोषमा आफ्नो तर्फबाट १० लाख रुपैयाँ सहयोग रकम जम्मा गराएको बैंकले जानकारी दिएको छ ।

336