कारोबार संवाददाता
शुक्रवार, श्रावण ३, २०७६
448

ग्लोबल आईएमई बैंकले सरल तथा सुलभ कृषि कर्जा प्रवाह गर्ने उद्देश्यले तरकारी तथा फलफूल व्यवसायीहरूसँग आवधिक कृषि कर्जा लगानीसम्बन्धी सम्झौतापत्रमा हस्ताक्षर गरेको छ ।  ग्लोबल आईएमई बैंकले सरल तथा सुलभ कृषि कर्जा प्रवाह गर्ने उद्देश्यले तरकारी तथा फलफूल व्यवसायीहरूसँग आवधिक कृषि कर्जा लगानीसम्बन्धी सम्झौतापत्रमा हस्ताक्षर गरेको छ । सम्झौतामा बैंकका सहायक महाप्रबन्धक सुरेन्द्रराज रेग्मी, नेपाल फलफूल थोक व्यवसायी संघका अमर बानियाँ तथा तरकारी फलफूल थोक बजार व्यावसायिक संस्थाका भरतप्रसाद खतिवडाले हस्ताक्षर गरेको बैंकले जनाएको छ ।  उक्त अवसरमा बोल्दै सहायक महाप्रबन्धक रेग्मीले विगतदेखि नै ग्लोबल आईएमई बंैक र फलफूल व्यवसायीहरूबीच असल सम्बन्ध रहेको र यस सम्झौताबाट नेपाल फलफूल थोक व्यवसायी संघ र तरकारी फलफूल थोक बजार व्यावसायिक संस्थाबीचको सामिप्यता अझ बढ्ने विश्वास व्यक्त गरे । उनले सम्झौताप्रति संघ–संस्थामा आबद्घ व्यवसायीहरूले सस्तो, सरल तथा सूलभ ब्याज दरमा कृषि कर्जा प्राप्त गर्न सक्ने भएकोले व्यवसायीहरूलाई यसको भरपुर फाइदा लिन आग्रह गर्दै यसबाट फलफूल तथा तरकारी बजारको थप विकास एवं विस्तारमा टेवा पुग्नेधारणा राखे । यस सम्झौताबाट नेपाल फलफूल थोक व्यवसायी संघ र तरकारी फलफूल थोक बजार व्यावसायिक संस्थामा आबद्घ करिब ७ सय फलफूल तथा तरकारी व्यवसायीहरू लाभान्वित हुने अपेक्षा गरिएको भन्दै बैंकले कृषि व्यवसाय तथा पेशामा संलग्न रहेका व्यक्तिहरूलाई सहयोग गर्ने उद्देश्यले विगतदेखि नै कृषि कर्जा प्रवाह गर्दै आइरहेको पनि जनाएको छ ।