ग्लोबल आईएमई बैंकको पानीपोखरी शाखामा नवरत्न कर्मचारी बचत खाता खोली कारोबार गर्दै आउनुभएका स्वर्गीय राजुगिरीको सडक दुर्घटनामा परी मृत्यु भएको हुँदा विमितले पाउने रकम ५ लाख रुपैयाँ निजको परिवारलाई हस्तान्तरण गरेको छ ।

सांसदहरुले बैंक तथा वित्तीय संस्था ऐन संशोधन गर्न बनेको विधेयकमा रहेको सञ्चालकको उमेरको हदको विषयमा विरोध गरेका छन् । प्रतिनिधिसभाको बैठकमा अर्थमन्त्री डा. युवराज खतिवडाले पेश गरेको विधेयकमा आफ्नो राय पेश गर्दै सांसद राजेन्द्रकुमार केसीले बहुमतको सरकारले मुलुकमा उदार अर्थ नीति र खुला बजार व्यवस्था रहने भनेपनि त्यसअनुसार सरकारको नीति नआएको बताए ।

एनआईसी एसिया बैंक र नेपा हिमा ट्रेड लिंक प्रालिबीच यस बैंकका ग्राहक महानुभावहरूलाई सोनीका आउटलेटहरू तथा केही आधिकारिक विक्रेताहरूबाट सोनी ब्राभिया टेलिभिजनका विभिन्न मोडलको खरिदमा छुट प्रदान गर्ने सम्झौता भएको छ ।

बैंक अफ काठमाण्डूले आफ्नो २५ औं वर्ष पूरा गरेको उपलक्ष्यमा ग्राहक महानुभावहरूको आवश्यकता तथा ग्राहक वर्गको उच्चतम् लाभलाई मध्यनजर गर्दै ‘बीओके सहज बचत खाता’ सार्वजनिक गरेको छ । ग्राहकसँगको २५ वर्षसम्म निरन्तर सहयात्राको शुभ अवसरमा सौगात स्वरूप बैंकले उक्त खाता सञ्चालनमा ल्याएको भन्दै बैकले ‘२५ वर्षदेखि सफलतालाई सहज बनाउँदै’ भन्ने मूल नाराका साथ सार्वजनिक गरिएको उक्त खाता ग्राहक महानुभावहरूले मात्र २५ रुपैयाँमा नै खोल्न सक्नेछन् ।

एनआईसी एसिया बैंकले न्यू सुपर चमत्कारिक मुद्दती निक्षेप योजनामा उच्च ब्याजको साथै २१ लाख रुपैयाँसम्मको अतुलनीय बिमा सुविधा प्रदान गर्दै आइरहेको छ । मुद्दती निक्षेप खाता खोलेकै आधारमा बैंकले दिएको यो सर्वाधिक तथा अद्वितीय सुविधा साँच्चै चमत्कारिक छ । सामान्यतयाः मुद्दती खाता भन्नाले ग्राहकले निक्षेप गरेको रकममा आकर्षक ब्याजदर पाइन्छ भन्ने बुझाई छ भन्दै बैंकले यस न्यू सुपर चमत्कारिक मुद्दती निक्षेप खातामा सर्वाधिक उच्च ब्याजमात्रै उपलब्ध नभई बिमा सुविधासमेत दिएर मुद्दती खाताको दायरा नै फराकिलो बनाइदिएको जनाएको छ ।

काभ्रेको विन्धवासिनी बचत तथा ऋण सहकारी संस्था २७ औं वर्षमा प्रवेश गरेको उपलक्ष्यमा काठमाडांैबाट सेवा सुरु गरेको छ । काठमाडौंमा रहेको सिर्जनशील बचत तथा ऋण सहकारी संस्था र विन्धवासिनीको एकीकृत कारोबार घोषणापछि एकीकृत कारोबार शुभारम्भपछि बिन्धवासिनीको सेवा काभ्रेपलाञ्चोकसँगै काठमाडांैका पनि सुरु भएको छ ।

राष्ट्रिय वाणिज्य बैंक र सामाजिक सुरक्षा कोषबीच खाता संचालन गर्ने सम्बन्धमा सम्झौता भएको छ । राष्ट्रिय वाणिज्य बैंक लिमिटेडका प्रमुख कार्यकारी अधिकृत किरणकुमार श्रेष्ठको उपस्थितिमा भएको सम्झौतामा बैंकका नायब प्रमुख कार्यकारी अधिकृत कबिराज अधिकारी र कोषका कार्यकारी निर्देशक कपिलमणि ज्ञवालीले एक समारोहका बिच सम्झौता पत्रमा हस्ताक्षर गरे ।

मेरो माइक्रो फाइनान्स लघुवित्त वित्तीय संस्था लिमिटेडले ग्राहकहरुको सुविधाका लागि ट्याब बैकिङ तालिम सम्पन्न गरेको छ । नुवाकोटको बट्टारमा आयोजित तालिमलाई सम्बोधन गर्नुहुँदै फाइनान्सका नायव प्रमुख कार्यकारी अधिकृत नवराज दाहालले सूचना प्रविधिलाई उपयोग गरी ग्राहकहरुलाई सहज बैंकिङ सुविधाहरु घर दैलोमै उपलब्ध गराउने उद्देश्यअनुरुप यो सेवाको सुरुवात गर्न लागेको जानकारी दिए । नुवाकोट, धादिङ र गोरखाका ८ शाखा कार्यालयका कर्मचारीहरुले तालिम लिएका हुन् ।

सिटिजन्स बैंक इन्टरनेसनल लिमिटेडले डोल्पा जिल्लाको ठूलीभेरी नगरपालिका दुनैमा अवस्थित सरस्वति माध्यमिक विद्यालयलाई संस्थागत सामाजिक उतरदायित्व कार्यक्रमअन्तर्गत ५० हजार रुपैयाँको आर्थिक सहयोग प्रदान गरेको छ । विद्यालयको प्रांगणमा आयोजित एक कार्यक्रमकाबीच उक्त सहयोग रकम हस्तान्तरण गरियो ।

सहकारी महासंघको नवनिर्वाचित सञ्चालकविरुद्ध परेको मुद्दामा उच्च अदालत पाटनले निर्वाचसम्बन्धी कागजपत्रसहित उपस्थित हुन आदेश दिएको छ । आईतबार न्यायाधीश वामदेव ज्ञवालीको इजलासले भूमि व्यवस्था, सहकारी तथा गरिवी निवारण मन्त्रालय, सहकारी विभागसहित महासंघका सञ्चालकलाई आदेश जारी गरेको हो ।

एनएमबी बैंकले आफ्नो लोकप्रिय ‘एनएमबी तलब खाता र ‘एनएमबी सुपर तलब खातामा परिष्कृत विविधताका साथ नयाँ खाता योजनाहरू सञ्चालनमा ल्याएको छ ।

दिव्यश्वरी बचत तथा ऋण सहकारी संस्था लिमिटेडको बचत १९ करोड ४४ लाख पुगेको छ । सहकारीले गरेको अर्धवार्षिक समीक्षा बैठकमा सेयर सदस्य १ हजार ८ सय ५५ र बचत यति धेरै पुगेको जानकारी दिइएको हो ।

सिटिजन्स बैंक इन्टरनेसनलले उदयपुर जिल्लाको बेलका नगरपालिकास्थित तपेस्वरी आधारभूत विद्यालय गल्फडियालाई संस्थागत सामाजिक उत्तरदायित्व कार्यक्रमअन्तर्गत ६० हजार रुपैयाँको आर्थिक सहयोग प्रदान गरेको छ । विद्यालयको प्रांगणमा आयोजित एक कार्यक्रमकाबीच उक्त सहयोग रकम हस्तान्तरण गरिएको बैंकले जनाएको छ ।

बैंक अफ काठमान्डुले आफ्नो २५ औं वर्ष पूरा गरेको उपलक्ष्यमा आफ्नो संस्थागत सामाजिक उत्तरदायित्व अभियानअन्तर्गत काठमान्डु इन्स्टिच्युट अफ चाइल्ड हेल्थलाई आईसीयु कक्ष निर्माण गर्न १ करोड सहयोग गरेको छ । कार्यक्रमका प्रमुख अतिथि गभर्नर नेपालले १ करोडको चेक संस्थाका संस्थापक एवं अध्यक्ष डा. भगवान कोइरालालाई हस्तान्तरण गरेका थिए । साथै बैंकले सोसाइटी अफ इकोनोमिक जर्नालिस्ट नेपाल (सेजोन) लाई आर्थिक पत्रकारिताको क्षेत्रमा महिला पत्रकारहरूको समावेशिता बढाउन र उनीहरूको क्षमता अभिवृद्घि गर्न चाहिने तालिम प्रदान गर्न ५ लाख रुपैयाँ सहयोग पनि गरेको छ ।

सिटिजन्स बैंक इन्टरनेसनलले २ अर्ब ५० करोड रुपैयाँबराबरको ऋणपत्र ‘१०.२५ प्रतिशत सिटिजन्स बैंक ऋणपत्र २०८६’ चाँडै बजारमा निष्कासन गर्ने भएको छ । त्रैमासिक व्याज भुक्तानी भएको उक्त ऋणपत्र १० वर्षको अवधिका लागि निष्कासन गर्न लागिएको हो ।