आईएमएस मोटर्सको स्याङयोङ ‘अन्बिटेबल डिस्काउन्ट’ सुरु
कारोबार संवाददाता
मंगलबार, जेठ २९, २०७५
532

नेपालका लागि स्याङयोङ मोटर्सको आधिकारिक विक्रेता एवं आईएमएस ग्रुप अन्तर्गतको आईएमएस मोटर्सले यही जेठ २८ गतेदेखि अन्बिटेबल डिस्काउन्ट अभियान सुरु गरेको छ । यस अभियान अवधिभर आइएमएस मोटर्सले सीमित स्टक स्याङयोङ गाडीको खरिदमा, बजेटपूर्वकै मूल्यमा न्यूनतम ५ लाख रुपैयाँको छुट दिने जनाएको छ ।
यतिमात्र नभई यस कोरियन लक्जरी एसयुभी ब्राण्ड स्याङयोङले ग्राहकलाई यस्ता सुविधाहरु दिने भनेको छ । कम्पनीले एक्सचेन्ज सुविधा, सरल फाइनान्सिङ, ३ वर्ष निःशुल्क सर्भिसिङ, ३ वर्षे वारेन्टी, चालू आर्थिक वर्षको निःशुल्क सवारी कर र निःशुल्क एक्सोसरिज उपलब्ध गराउने जनाएको छ । आइएमएस मोटर्सको सेल्स एण्ड अपरेसनका प्रमुख प्रबन्धक सुदीप आचार्यले ग्राहकलाई सधैं गुयास्तरिय सुविधा दिन तत्पर रहेकाले पुरानै बजेट पूर्वकै मूल्यमा उपभोक्तालाई सवारी दिन यो अफर ल्याएको बताए । अहिलेको नयाँ वित्तीय नीतिले अटोमोबाइलमा ४० प्रतिशतसम्म अन्तःशुल्क बढाएको हुँदा ग्राहकहरुलाई ध्यानमा राखेर यो अभियान सुरु गरेको उनको भनाइ छ । आचार्यका अनुसार यो छुट स्याङयोङ गाडीको सिमित स्टकको पूर्व निर्धारित मूल्यमा लागू हुनेछ ।
स्याङयोङ मोटर्स दक्षिण कोरियाको सबै भन्दा उत्कृष्ट र प्रतिष्ठित एसयूभी ब्रान्ड ओटोमोबाइल कम्पनी हो । कम्पनीसँग लक्जरी कारहरू, एसयूभीहरू, पिकअप ट्रक र एमपीभी छन् । कम्पनीले संसारभरी करिब १६५८ बिक्रेतामार्फत १२८ भन्दा बढी देशहरुमा निर्यात सञ्जाल मजबुत बनाएको छ ।

सातामा धेरै पढिएको